Tentara Nasional Indonésia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Lambang TNI


Tentara Nasional Indonésia

Kakuwatan perorangan
Umur minimum kanggo mlebu militer 18 tahun
Padunung kang nyukupi syarat umur militer pria umur 18-49: 60.543.028 (perkiraan taun 2005)
Padunung kang nyukupi kabèh syarat mlebu militer pria umur 18-49: 48.687.234 (perkiraan taun 2005)
Padunung kang nyukupi umur militer saben taun pria: 2.201.047 (perkiraan taun 2005)
Metode perekrutan sukarila
Blanja militer taunan
jroning dolar AS $1,3 milyar (2004)
Persentase saka PDB 3% (2004)
Tentara Nasional Indonesia
Lambang TNI 2013.png

Kacabangan militer
Angkatan Darat TNI Angkatan Dharat
Angkatan Laut TNI Angkatan Laut
Angkatan Udara TNI Angkatan Udhara
Liyané
Lambang TNI 2013.png Sajarah TNI
Lambang TNI 2013.png Panglima TNI
Kapangkatan ing TNI
Angkatan Dharat Pangkat ing TNI-AD
Angkatan Laut Pangkat ing TNI-AL
Angkatan Udara Pangkat ing TNI-AU


Tentara Nasional Indonésia dumadi saka telu angkatan bersenjata, ya iku TNI Angkatan Dharat, TNI Angkatan Laut, lan TNI Angkatan Udhara. Saben Angkatan dipimpin déning Kepala Staf Angkatan.

Jroning sajarah, TNI naté digabungaké karo Kapulisèn. Gabungan iki disebut ABRI (Angkatan Bersenjata Républik Indonésia).

Miturut Katetepan MPR nomer VI/MPR/2000 bab pamisahan TNI lan POLRI sarta Katetepan MPR nomer VII/MPR/2000 bab Peran TNI lan peran POLRI, ing tanggal 30 September 2004 wis disahaké RUU TNI déning DPR RI kang sabanjuré ditapakasmani déning Presidhèn Megawati tanggal 19 Oktober 2004.

TNI dipimpin déning Panglima TNI. Jabatan Panglima TNI wektu iki diwengku déning Laksamana Agus Suhartono sing nggantèkaké Jendral TNI Djoko Santoso.

Sajarah TNI[sunting | besut sumber]

Artikel utama: Sajarah TNI

Nagara Indonésia nalika madeg wiwitané ora ndarbèni kesatuan tentara. Badan Keamanan Rakyat kang digawé liwat sidang PPKI tanggal 22 Agustus 1945 lan diumumaké déning Presidhèn tanggal 23 Agustus 1945 sakbeneré dudu tentara minangka sawijining organisasi kaprajuritan kang resmi.

BKR, ing tataran pusat utawa laladan, ana ing sangisoré wewenang KNIP lan KNI Laladan, lan ora ana ing ngisoré printah Presidhèn minangka Panglima paling dhuwur ing Angkatan Perang. BKR uga ora ana ing sangisoré koordinasi Mentri Pertahanan. BKR mung disiapaké kanggo ngreksa kaamanan lokal, supaya ora nuduhaké panganggep yèn Indonésia siap-siap miwiti paperangan ngadhepi Sekutu.

Pungkasané, liwat Dekrit Presidhèn tanggal 5 Oktober 1945 (nganti saiki dipèngeti minangka dina klairan TNI), BKR diowahi dadi Tentara Keamanan Rakyat (TKR). Tanggal 7 Januari 1946, Tentara Keamanan Rakyat ganti jeneng dadi Tentara Keselamatan Rakyat. Sabanjuré, tanggal 24 Januari 1946, diowahi manèh dadi Tentara Républik Indonésia.

Amarga wektu iku ing Indonésia saliyané Tentara Républik Indonésia ana barisan-barisan mawa sanjata liyané, mula sabanjuré ing tanggal 5 Mei 1947, Presidhèn Soekarno ngetokaké kaputusan kanggo nyawijèkaké Tentara Républik Indonésia lan barisan-barisan mawa sanjata kasebut dadi Tentara Nasional Indonésia (TNI). Penggabungan iki kadadéyan lan diresmèkaké ing tanggal 3 Juni 1947.

Jati dhiri TNI[sunting | besut sumber]

Miturut UU TNI pasal 2, Jati dhiri Tentara Nasional Indonésia iku minangka:

  1. Tentara Rakyat, ya iku tentara kang anggotané asal saka warga nagara Indonésia
  2. Tentara Pejuang, ya iku tentara kang berjuang njejegaké Nagara Kesatuan Républik Indonésia lan ora kenal pasrah jroning ngayahi tugasé
  3. Tentara Nasional, ya iku tentara kabangsan Indonésia kang ngayahi tugas kanggo kapentingan nagara ing sadhuwuré kapentingan laladan, suku, ras, lan golongan agama
  4. Tentara Profesional, ya iku tentara kang kalatih, kadidik, diperlengkapi sacara apik, ora mèlu pulitik praktis, ora nidakaké bisnis, lan dijamin kasejahteraané, sarta nuruti kawicaksanan pulitik nagara kang nganut prinsip dhémokrasi, supremasi sipil, hak asasi manungsa, katentuan hukum nasional, lan hukum internasional kang wis di ratifikasi.

Tugas TNI[sunting | besut sumber]

Tentara Nasional Indonésia

Sarujuk karo UU TNI Pasal 7 ayat (1), Tugas pokok TNI ya iku njejegaké kadhaulatan nagara, mempertahanaké kautuhan wewengkon Nagara Kesatuan Républik Indonésia kang adhedhasar Pancasila lan UUD 45, sarta nglindhungi kabèh bangsa lan tumpah darah Indonésia saka ancaman lan gangguan tumrap kautuhan bangsa lan nagara. Tugas pokok mau dilaksanakaké kanthi:

  1. operasi militer perang
  2. operasi militer saliyané perang, ya iku antara liya kanggo:
    1. ngatasi gerakan separatis kang mawa sanjata
    2. ngatasi pamberontakan kang mawa sanjata
    3. ngatasi aksi terorisme
    4. ngamanaké wewengkon tapel wates nagara
    5. ngamanaké objek vital nasional kang sifaté strategis
    6. nglaksanakaké tugas perdamaian donya sarujuk karo kawicaksanan pulitik luar negeri
    7. ngamanaké Presidhèn lan Wakil Presidhèn sarta keluargané
    8. memberdayakaké wewengkon pertahanan lan kakuatan pendukungé sacara dini miturut sistem pertahanan semesta
    9. mbantu tugas pamaréntahan ing laladan
    10. mbantu Kapulisèn Nagara Républik Indonésia jroning tugas kaamanan lan katertiban masyarakat kang diatur déning undhang-undhang
    11. mbantu ngamanaké tamu nagara tingkat kepala nagara lan perwakilan pamaréntah manca kang lagi ana ing Indonésia
    12. mbantu nanggulangi akibat bencana alam, pangungsèn, lan bantuan kamanungsan
    13. mbantu kagiatan pencarian lan pitulungan jroning kadadéyan kacilakan (search and rescue)
    14. mbantu pamaréntah jroning pangamanan pelayaran lan penerbangan saka pambajakan, parompakan, lan panyelundupan.

Kakuwatan Bersenjata Indonésia[sunting | besut sumber]

Ing ngisor iki data bab kakuwatan angkatan bersenjata Indonésia:

Cacahing prajurit: 361.823
Angkatan Dharat Angkatan Laut Angkatan Udhara
Cacahing prajurit: 276.953 Cacahing prajurit: 57.197 Cacahing prajurit: 27.673
Kakuwatan Pusat

Kakuwatan Kawewengkonan

  • Komando Laladan Militer: 11
  • Komando Resor Militer: 39
  • Komando Distrik Militer: 267
  • Batalion: 96

Kakuwatan Badan Pelaksana Pusat

  • Resimen Zeni Konstruksi: 1
  • Skadron Penerbang TNI AD: 2
  • Lima batalion liyané
Sistem Senjata Armada Terpadu

Kekuatan Kawewengkonan

  • Armada Kulon
  • Armada Wétan
  • Pangkalan Utama Angkatan Laut:
    • Kelas A: 7
    • Kelas B: 24
    • Kelas C: 19
    • Kelas khusus: 3
Skuadron Udara
  • Skadron tempur: 7
  • Skadron angkut: 5
  • Skadron intai: 1
  • Skadron helikopter: 3
  • Skadron latih: 2

Pangkalan Udhara

  • Pangkalan udhara: 41
  • Detasemen: 8
  • Pos angkatan udhara: 80

Pasukan Khas

  • 3 wing

Satuan Radar

  • 17 satuan radar pertahanan udhara

(Sumber: Harian Koran Tempo tanggal 14 Februari 2006)

Delengen uga[sunting | besut sumber]

Pranala njaba[sunting | besut sumber]