Annisa Pohan

Annisa Pohan
Bojo	Agus Harimurti Yudhoyono

Annisa Larasati Pohan (lair ing Boston, Amérikah Sarékat, 20 Novèmber 1981; umur 42 taun). Annisa Pohan iku salah sijiné modhél kang asalé Indonésia. Annisa Pohan ngugemi agama Islam. Dhèwèké tau dadi juwara ing ajang pemilihan Gadis Shampo 2001. Sadurungé iku Annisa Pohan tau dadi finalis GADIS Sampul nalika taun 1997. Gelar kang cacahé loro iki ndadékaké Annisa Pohan bisa dadi artis. Annisa Pohan langsung dikontrak dadi modhél iklan. Ora mung dadi modhel iklan, Annisa uga njajal donyaning broadcasting lan dadi penyiar radio OZ, Bandung. Annisa uga tau dadi presenter acara Bundesliga ing RCTI. Annisa Pohan iku anak kang kaping pindho saka Deputi Gubernur BI kang jenengé Aulia Pohan.

Kauripan Pribadi

Annisa Larasati Pohan ya iku anak nomer loro saka sadulur kang cacahé telu. Annisa iku anak saka pasangan Aulia Pohan kang asalé saka Sumatera Utara lan ibuné jenengé Mulyaningsih kang asalé saka Jawa Timur. Bapaké ya iku Aulia Pohan ya iku mantan Deputi Gubernur Bank Indonesia. Annisa lair ing Boston, Amérikah Sarékat banjur mèlu bapake kang duwé tugas ing Tokyo, Jepang nganti pirang-pirang taun. Sawisé iku Annisa Pohan banjur manggon ing Jakarta wiwit SD nganti lulus saka SMU 70 Bulungan. Annisa banjur kuliyah lan éntuk gelar sarjana ékonomi saka Universitas Padjadjaran, Bandung.

Pengalamané Annisa Pohan kaya ta dadi GADIS Sampul 1997, Gadis Tiara Sunsilk 2001, Penyiar Radio OZ 103.1FM, Bandung, modhél iklan, Presenter Sport RCTI ing program Bundesliga, La Liga, acara bal-balan lan acara hiburan liyané. Nalika wiwitan Juli 2005, Annisa Pohan dhaup karo Agus Harimurti Yudhoyono salah sijiné perwira TNI AD kang uga dadi anak kang sepisanan présidhèn RI kaping 6 Susilo Bambang Yudhoyono.

Nalika tanggal 17 Agustus 2008, ngepasi Hari Kemerdekaan ke-63, Annisa nglairaké bayi wadon kang jenengé Almira Tunggadewi Yudhoyono sarana oprasi.