Bangkok

Saka Wikipédia Jawa, bauwarna bébas abasa Jawa
Bangkok
Clockwise from top left : Wat Phra Kaew, BTS Skytrain, Sathon Financial District Skyline, Wat Arun, Democracy Monument, Patung Rama VI, Tuk-Tuk, Jembatan Rama VIII, MBK Center
Clockwise from top left : Wat Phra Kaew, BTS Skytrain, Sathon Financial District Skyline, Wat Arun, Democracy Monument, Patung Rama VI, Tuk-Tuk, Jembatan Rama VIII, MBK Center
Flag of {{{official_name}}}
Flag
Official seal of {{{official_name}}}
Seal
Dibentuk Periode Ayutthaya
Dibentuk dadi kutha krajan 21 April 1782
Government
 • Jinis Laladan administratif khusus
 • Governor M.R. Sukhumbhand Paribatra
Cacah jiwa (Januari 2010)
 • City 9.100.000
 • Karapetan 5.801/km2 (15,020/sq mi)
 • Métro 11.971.000
 • Karapetan Métro 1.542,36/km2 (399,470/sq mi)
 • Demonym Bangkokian
Kodhe laladan +66-2
ISO 3166-2 TH-10
Sana jaringan http://city.bangkok.go.th

Bangkok (basa Thailand: กรุงเทพฯ, กรุงเทพมหานคร, utawa Krung Thep, Krung Thep Maha Nakhon)(Ngenani wuni iki กรุงเทพมหานคร ) iku kutha krajan lan kutha paling gedhé ing Thailand. Kutha iki dumunung ing gisik kulon Kali Chao Phraya, cedhak Lempongan Thailand.

Bangkok iku kutha kanthi perkembangan paling pesat, kanthi ékonomi sing dinamis lan kemasyarakatan sing progresif ing Asia Kidul-wétan. Kutha iki isih ngembang dadi pusat regional sing bisa nyaingi Singapura lan Hong Kong, nanging isih nduwèni masalah jroning sèktor infrastruktur lan sosial minangka akibat perkembangané sing pesat. Bangkok wis suwé dadi gerbang mlebu tumrap penanam modal manca sing kepingin golèk pasar anyar ing Asia. Kutha iki uga kacathet minangka salah siji kutha ing donya kanthi laju penambahan konstruksi gedhong pencakar langit paling cepet. Sugih situs-situs budaya agawé Bangkok minangka salah siji tujuwan wisata paling populèr ing donya.

Propinsi Bangkok wewatesan karo enem propinsi liya: Nonthaburi, Pathum Thani, Chachoengsao, Samut Prakan, Samut Sakhon lan Nakhon Pathom.

Sajarah[besut | besut sumber]

Kutha Bangkok (Ngenani wuni iki บางกอก ) biyèn arupa sawijining pusat perdagangan cilik lan plabuhan ing gisik Kulon kali Chao Phraya nglayani Krajan Ayuthhaya, perintis Thailand modhèrn sing jaya wiwit taun 1350 nganti 1767. Ana kaprecayan yèn jeneng Bangkok asal saka Bang Makok, Bang sebutan jroning basa Thailand bagian Tengah kanggo kutha utawa désa sing berlokasi ing tepian kali, lan Makok (มะกอก) iku jeneng jroning basa Thailand tumrap Spondias pinnata, Spondias mombin utawa Elaeocarpus hygrophilus (tanduran sing ngasilaké woh kaya woh olive), utawa Bang Koh, Koh tegesé "pulo", ngarujuk marang sawijining wewengkon sing kaukir déning kali-kali lan kanal-kanal.

Sawisé runtuh Ayutthaya déning Krajan Burma ing taun 1767, raja anyar, Raja Taksin ngadegaké kutha krajan anyar, Thonburi, ing wewengkon sing saiki minangka bagéan saka kutha Bangkok. Nalika mangsa pamaréntahan Taksin rampung ing taun 1782, Raja Buddha Yodfa Chulaloke mbangun manèh kutha krajan ing sisih wétan kali lan maringi jeneng resmi upacara (ceremonial name) Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit lan banjur dicekak dadi jeneng resmi saiki, Krung Thep Maha Nakhon. Nanging, kutha anyar kasebut uga mèlu nampa jeneng Bangkok, sing terus dipigunakaké déning wong-wong manca kanggo nunjuk marang kabèh wewengkon kutha lan dadi jeneng resmi jroning Basa Inggris, déné jroning Basa Thailand jeneng Bangkok tetep mung nuduhaké kutha tuwa ing pinggir kulon kali. Kutha kasebut wiwit wektu iku wis dimodhèrnaké lan ngalami akèh owah-owahan, kalebu pangenalan transportasi lan infrastruktur ing mangsa pamaréntahan Raja Mongkut lan Raja Chulalongkorn, lan banjur dadi pusat perékonomian Thailand.

Jeneng pepak[besut | besut sumber]

Jeneng pepak resmi Kutha Bangkok (jeneng pemberian) sing diparingaké déning Raja Buddha Yodfa Chulaloke, lan banjur diralat déning Raja Mongkut, iku Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit (กรุงเทพมหานคร อมรรัตนโกสินทร์ มหินทรายุธยามหาดิลกภพ นพรัตน์ราชธานี บุรีรมย์อุดมราชนิเวศน์มหาสถาน อมรพิมานอวตารสถิต สักกะทัตติยะวิษณุกรรมประสิทธิ์, Ngenani wuni iki listen ). Jeneng iki dumadi saka kombinasi rong basa kuna India, Pali lan Sansekerta. Sawisé romanisasi basa iki, jeneng kasebut pranyata kuduné ditulis Krung-dēvamahānagara amararatanakosindra mahindrayudhyā mahātilakabhava navaratanarājadhānī purīrāmasya utamarājanivēsana mahāsthāna amaravimāna avatārasthitya shakrasdattiya vishnukarmaprasiddhi, sing tegesé "Kutha malaikat, kutha gedhé, kutha inten abadi, kutha Dewa Indra sing ora goyah, kutha krajan agung donya sing dikaruniai sanga watu permata aji, kutha kabagjan, kanthi Istana Krajan sing gedhé banget sing mèmper swarga ing ngendi pamaréntahan iku minangka reinkarnasi déwa-déwa, sawijining kutha sing diparingaké déning Indra lan dibangun déning Wisnu".

Sekolah-sekolah lokal miwulangaké jeneng pepak kutha iki, senadyan mung sethithik sing bisa njelasaké maknané amarga akèh tembung kuna lan saiki wis ora dianggo manèh jroning basa lisan, uga ora diweruhi déning wong biasa. Akèh-akèhé wong Thailand sing éling jeneng lengkap kutha iki saka panggunaan jeneng kasebut jroning sawijining lagu populèr Krung Thep Mahanakhon (1989) déning Asanee-Wasan Chotikul lan kerep disebutaké sinambi nembangaké lagu iki bebarengan.

Jeneng pepak Bangkok wis kadhaptar jroning Guinness Book of Records minangka jeneng panggonan paling dawa ing donya.[1]

Geografi[besut | besut sumber]

Topografi lan Iklim[besut | besut sumber]

Bangkok
Climate chart (panjlasan)
J F M A M J J A S O N D
 
 
9
 
32
21
 
 
30
 
33
23
 
 
29
 
34
25
 
 
65
 
35
26
 
 
220
 
34
26
 
 
149
 
33
25
 
 
155
 
33
25
 
 
197
 
33
25
 
 
344
 
32
25
 
 
242
 
32
24
 
 
48
 
32
23
 
 
10
 
31
21
Suhu rata-rata max. lan min. jroning °C
presipitasi total jroning mm
source: World Meteorological Organisation [2]

Laladan administratif khusus Bangkok nyakup wewengkon sing jembaré 1.586,7 km², saéngga dadi propinsi paling gedhé ka 68 ing Thailand. Sebagéan gedhé wewengkon kasebut dianggep minangka bagéan saka kutha Bangkok, andadèkaké Bangkok minangka salah siji kutha paling gedhé ing donya.[butuh rujukan] Kali Chao Phraya, sing mbentang dawané 372 km, iku fitur geografis utama ing Bangkok. Lembah Kali Chao Phraya, wewengkon-wewengkon ing saubengé Bangkok, lan propinsi-propinsi paling cedhak madeg ing sadhuwuring lahan dhataran cendhèk lan delta-delta kali sing tumuju menyang Tanjung Bangkok watara 30 km ing sisih kidul pusat kutha. Kondhisi iki sing nyebabaké anané sebutan “Venice saka Wétan” tumrap kutha Bangkok amarga akèh kanal-kanal lan saluran-saluran banyu sing mérang wewengkon kutha Bangkok dadi tanah cilik-cilik sing kapisah-pisah. Biyèn, kanal-kanal kasebut dipigunakaké minangka tapel wates antara dhistrik siji karo dhistrik sing liyané.

Ananging, sairing karo tuwuhing kutha ing tengahan abad ka 20, pembagéan laladan adhedhasar kanal-kanal kasebut ditinggalaké lan sistem tapel wates anyar sing béda dipatrapaké. Bangkok dumunung watara rong mèter ing sadhuwuring lumahé segara, sing nyebabaké masalah banjir ing mangsa rendheng (monsoon). Kerep kedadéyan sawisé udan deres, banyu kali lan kanal-kanal lubèr lan nyebabaké banjir gedhé. Pamaréntahan Metropolitan Bangkok (BMA) saiki wis masang penghalang ing sadawaning kanal kanggo nyegah lubèran banyu saka kanal-kanal kasebut.

Bangkok nduwèni iklim monsoon tropis adhedhasar sistem klasifikasi iklim Koppen. Suhu rata-rata ing Bangkok arupa sing paling dhuwur ing donya[butuh rujukan]. Suhu rata-rata ing Bangkok iku watara 2 °C luwih dhuwur tinimbang sing disebutaké ing Papan Anggegana Don Muang sajroning période taun 1960-1990. Suhu paling panas ya iku 40.8 °C lan suhu paling adhem 9.9 °C. Suhu paling adhem kacathet kedadéyan ing sasi Januari 1924, Januari 1955, Januari 1974 lan Desember 1999. Ing sasi Desember 1999, suhu ing wanci awani mung nganti 22.3 °C. Udan badai (hailstorms) arang ana ing Bangkok, mung kacathet kedadéyan sepisan jroning 50 taun pungkasan. Cithakan:Bangkok weatherbox

Monumen Dhémokrasi Bangkok ing Pulo Rattanakosin, Salah siji wewengkon mawa sajarah ing Bangkok

Hubungan internasional[besut | besut sumber]

Kutha kembar[besut | besut sumber]

Bangkok nduwèni sawetara kutha kembar ya iku:

Galeri Gambar[besut | besut sumber]

Kedutaan Besar Républik Indonésia ing Bangkok
Concourse D Papan Anggegana Internasional Suvarnabhumi Bangkok
Polusi ing Bangkok
Bangkok Skytrain
Wat Arun ing tepian kali Chao Phraya, Bangkok, Thailand.
Siam Paragon-Bangkok, salah siji pusat perbelanjaan terbesar ing Asia.


Deleng uga[besut | besut sumber]

Rujukan[besut | besut sumber]

  1. ^ Bangkok Post, "Maori claims world's longest place name", 1 September 2006
  2. ^ "World Weather Information Service". 
  3. ^ "Protocol and International Affairs". DC Office of the Secretary. Dijupuk 2008-07-12. 
  4. ^ "Existing Sister Cities". City of Manila. Dijupuk 2009-09-02. 
  5. ^ "St. Petersburg in figures > International and Interregional Ties". Eng.gov.spb.ru. Dijupuk 2010-06-27. 
  6. ^ "Agreement of Sister City Relations". Office.bangkok.go.th. Diarsip saka sing asli ing 2012-07-02. Dijupuk 2010-06-27. 
  7. ^ "Bangkok er ny vennskapsby". Adresseavisen. Retrieved on 29 May 2009.
  8. ^ Istanbul and Bangkok Become Sister Cities
  9. ^ "Sister Cities of Guangzhou". Guangzhou Foreign Affairs Office. Dijupuk 2010-02-10. 
  10. ^ "Bangkok besöker Ragunda". Ragunda kommun. Retrieved on 14 november 2009. (Basa Swédia)
  11. ^ "Ragunda kommun får besök från sin vänort Bangkok". Ragunda kommun. Retrieved on 14 november 2009. (Basa Swédia)

Pranala njaba[besut | besut sumber]

Cithakan:Propinsithailand Cithakan:Kutha krajan ing Asia

Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "https://jv.wikipedia.org/w/index.php?title=Bangkok&oldid=1082468"