Sydney

Saka Wikipédia, bauwarna bébas basa Jawa
Sydney
Sydney Opera House lan Plabuhan Sydney
Lokasi Sydney
Nagara Australia
Nagara bagéan New South Wales
Dina Madeg 26 Januari 1788
Jembar wewengon 12.144,6 km2
Padunung 4.293.100(1st)
 - Kapadhetan 345,7/km2
Basa Basa Inggris
Zona AEST(UTC+10)
AEDT (UTC+11)

Sydney iku kutha paling gedhé ing Australia lan kutha krajan saka New South Wales. Sydney uga minangka kutha kang maju jroning werna-werna bidhang saingan karo Melbourne kang dumunung ing Victoria. Sydney uga minangka kutha paling tuwa ing Australia kang madeg ing taun 1788 lan kutha paling gedhé ing pérangan bumi kidul (Southern Hemisphere). Padunung area metropolitan Sydney gunggungé watara 4,7 yuta jiwa lan para padunung Sydney dikenal kanthi sebutan "Sydneysider".

Sydney uga misuwur minangka tujuan pariwisata utamané Sydney Opera House[1] kang wis dadi ikon Sydney. Ing panggonan iki dianakaké Olimpiade 2000

Sajarah[besut | besut sumber]

Artikel Utama: Sajarah Sydney

Laladan sakubengé Sydney Harbour wis dipanggoni déning padunung Aborigin saka suku Eora lan Cadigal jroning 40.000 tahun. Akibat urbanisasi, akèh-akèhé sisa paninggalan suku kasebut wis ilang.

Wong Éropah wiwit kepéncut marang laladan iki, khususé Botany Bay, ing taun 1770 sawisé panjelajahan James Cook. Karana idin Pamaréntah Inggris, Arthur Phillip teka menyang Botany Bay karo para pendhatang pisanan. Amarga nyatané laladan Botany Bay dirasa kurang cocog, banjur ngalih menyang Sydney Cove ing Port Jackson.

Jaman luru emas dialami Sydney pisanan ing taun 1851 lan para pendhatang saka Éropah padha teka kanggo miwiti urip anyar kang luwih apik ing Sydney. Taraf urip kang ningkat sawisé industrialisasi uga narik para pendhatang saka Éropah lan sabanjuré saka Asia.

Padunung Sydney saiki akèh-akèhé saka Inggris lan Irlandia nanging sangsaya akèh uga pendahtang saka Lebanon, Yunani, Italia lan Asia. Cacahing padunung uga sangsaya tambah akèh, wiwit saka 2.540 jiwa ing taun 1800 dadi 1.039.000 jiwa ing taun 1925 lan terus tuwuh dadi 4,7 yuta jiwa ing taun 2004.

Pariwisata[besut | besut sumber]

Jerapah ing Kebon Raja Taronga Sydney kanthi pencakar langit Sydney ing latar mburi

Sydney minangka dados salah siji kutha wisata paporit ing donya. Sawetara obyèk pariwisata kang ana ing Sydney antara liya:

Pelabuhan ing kutha Sydney

Kutha Sydney gadhah julukan:

  • Kutha krajan pesta Taun Anyar sakdonya
  • Kutha Olimpiade Millenium
  • Kutha kanthi plabuhan segara paling éndah ing donya
Panorama Sydney Harbour ing wayah wengi, kanthi gedhung Sydney Opera House (kiwa), distrik bisnis (CBD) (tengah) lan Sydney Harbour Bridge (tengen)

Cathetan suku[besut | besut sumber]

Delengen uga[besut | besut sumber]

Pranala njaba[besut | besut sumber]

Commons-logo.svg
Wikimedia Commons gadhah galeri bab:

Wikivoyage   Pirsani pandhuan wisata Sydney ing Wikivoyage

Cithakan:Nagara bagéan Australia


Sumber artikel punika saking kaca situs web: "https://jv.wikipedia.org/w/index.php?title=Sydney&oldid=1062081"