Bacharuddin Jusuf Habibie

Saka Wikipédia, bauwarna bébas basa Jawa
Prof. Dr.-Ing.
Bacharuddin Jusuf Habibie
Habibie-1.jpg
3 Presidhèn Indonésia
Lungguh
21 Mei 1998 – 20 Oktober 1999
Wakil Présidhèn Durung ana
Kadhisiki Soeharto
Kagantèni Abdurrahman Wahid
7 Wakil Presidhèn Indonésia
Lungguh
14 Maret 1998 – 21 Mei 1998
Kadhisiki Try Sutrisno
Kagantèni Megawati Sukarnoputri (nalika taun 1999)
Rerincèn priangga
Lair 25 Juni 1936 (umur 79)
Parepare, Sulawesi Kidul
Parté pulitik Golkar
Sisihan Hasri Ainun Habibie
Anak Ilham Akbar lan Thareq Kemal
Agama Islam

Bacharuddin Jusuf Habibie (lair ing Parepare, Sulawesi Selatan, 25 Juni 1936; umur 79 taun) iku Presiden Républik Indonésia sing katelu. Habibie nggantèkaké Soeharto sing mundur saka jabatan presiden ing tanggal 21 Mei 1998. Jabataé diganti déning Abdurrahman Wahid (Gus Dur) sing kapilih minangka presiden ing tanggal 20 Oktober 1999 déning MPR asil Pemilu 1999. Kanthi mengku jabatan jroning 2 sasi lan 7 dina minangka wakil presiden, lan 1 taun lan 5 sasi minangka presiden, Habibie dadi Wakil Presiden lan uga Presiden Indonésia kanthi mangsa jabatan paling sedhéla.

Kulawarga lan sekolahé[besut | besut sumber]

Habibie iku anak nomer papat saka pasangan Alwi Abdul Jalil Habibie lan R.A. Tuti Marini Puspowardojo. Alwi Abdul Jalil Habibie lair tanggal 17 Agustus 1908 ing Gorontalo lan R.A. Tuti Marini Puspowardojo lair ing Yogyakarta 10 November 1911. Habibie nduwèni sedulur cacahe pitu.

B.J. Habibie dhaup karo Hasri Ainun Besari tanggal 12 Mei 1962, lan nduwèni anak loro, ya iku Ilham Akbar dan Thareq Kemal.

Habibie tau sekolah ing SMAK Dago. Dhèwèké ing jurusan tèknik mesin ing Institut Teknologi Bandung taun 1954. Taun 1955-1965 nerusaké ing teknik penerbangan, khusus konstruksi motor mabur, ing RWTH Aachen, Jerman, Habibie olèh gelar diplom ingineur taun 1960 lan gelar dhoktor ingineur taun 1965 kanthi summa cum laude.

Pagawéyané[besut | besut sumber]

Habibie wis tau kerja ing Messerschmitt-Bölkow-Blohm, perusahaan ing babagan montor mabur, punjeré mapan ing Hamburg, Jerman, lan kasil tekan pucuking pagawéyané minangka wakil prèsidhèn babagan téknologi. Taun 1973, Habibie mbalik ing Indonésia jalaran panyuwuné prèsidhèn Soeharto.

Banjur Habibie dadi Mentri Nagara Riset lan Teknologi awit taun 1978 tekan Maret 1998. Sadurungé dadi Prèsidhèn (21 Mei 1998 - 20 Oktober 1999), B.J. Habibie iku Wakil Prèsidhèn (14 Maret 1998 - 21 Mei 1998) ing Kabinèt Pembangunan VII nalika jaman Prèsidhèn Soeharto.

Habibie dadi ketuwa umum ICMI (Ikatan Cendekiawan Muslim Indonésia), nalika dadi mentri.

Dadi Prèsidhèn[besut | besut sumber]

Habibie marisi kahanan kang semrawut sawisé Soeharto mundur saka Prèsidhèn amarga kahanan ing orde baru. Bubar iku akèh rerusuh ing laladan-laladan sa Indonésia. Bubar Habibbie dadi prèsidhèn, dhèwèké mbentuk kabinèt anyar. Salah siji kewajibané ya iku kudu ngentokaké sengkuyungan Dana Moneter Internasional lan paguyuban nagara-nagara donor kanggo ndandani kahanan ékonomi nagara. habibie uga ngeculké tahanan pulitik lan menehi kalonggaran marang organisasi masyarakat.

Nalika dadi prèsidhèn Habibie kasil nggawé dhasaran kanggo nagara Indonésia, kayata UU Anti Monopoli utawa UU Persaingan Sehat, UU Parté Pulitik lan UU otonomi laladan. Saka anané UU otonomi laladan kahanan disintergrasi saka jaman orde baru isa ilang tekan jamane Susilo Bambang Yudhoyono, yèn ora ana UU otonomi laladan Indonésia bakalan padha kaya Uni Soviet lan Yugoslavia.

Dilantiké Habibie dadi prèsidhèn akèh gonjang-ganjing ing sawaliké kedadéan iku. Klompok kang nyengkuyung Habibie nganggep yèn dilantiké Habibie dadi prèsidhèn wis manut aturan. Aturan iku kapacak ing pasal 8 UUD 1945 kang nyebutaké

bila Presiden mangkat, berhenti, atau tidak dapat melakukan kewajibannya dalam masa jabatannya, ia diganti oleh Wakil Presiden sampai habis waktunya

Nanging, klompok kang ora sarujuk manawa Habibie dilantik nganggep perkara iku ora pas. Kedadéyan iku nerak pasal 9 UUD 1945 kang uniné

sebelum presiden memangku jabatan maka presiden harus mengucapkan sumpah atau janji di depan MPR atau DPR.

Publikasi[besut | besut sumber]

  • Proceedings of the International Symposium on Aeronautical Science and Technology of Indonésia / B. J. Habibie; B. Laschka [Editors]. Indonésian Aeronautical and Astronautical Institute; Deutsche Gesellschaft für Luft- und Raumfahrt 1986
  • Eine Berechnungsmethode zum Voraussagen des Fortschritts von Rissen unter beliebigen Belastungen und Vergleiche mit entsprechenden Versuchsergebnissen, Presentasi pada Simposium DGLR di Baden-Baden,11-13 Oktober 1971
  • Beitrag zur Temperaturbeanspruchung der orthotropen Kragscheibe, Disertasi di RWTH Aachen, 1965
  • Sophisticated technologies : taking root in developing countries, International journal of technology management : IJTM. - Geneva-Aeroport : Inderscience Enterprises Ltd, 1990
  • Einführung in die finite Elementen Methode,Teil 1, Hamburger Flugzeugbau GmbH, 1968
  • Entwicklung eines Verfahrens zur Bestimmung des Rißfortschritts in Schalenstrukturen, Hamburger Flugzeugbau GmbH, Messerschmitt-Bölkow-Blohm GmbH, 1970
  • Entwicklung eines Berechnungsverfahrens zur Bestimmung der Rißfortschrittsgeschwindigkeit an Schalenstrukturen aus A1-Legierungen und Titanium, Hamburger Flugzeugbau GmbH, Messerschmitt-Bölkow-Blohm GmbH, 1969
  • Detik-detik Yang Menentukan - Jalan Panjang Indonésia Menuju Dhémokrasi, 2006 (memoir mengenai peristiwa tahun 1998)
  • "Setengah Abab Bj habibie dan Ainun", (Mengenai Karir Selama di Jerman)

Publikasi ngenani B.J. Habibie[besut | besut sumber]

  • Hosen, Nadirsyah, Indonésian political laws in Habibie Era : Between political struggle and law reform, ,Nordic journal of international law, ISSN 0029-151X, Bd. 72 (2003), 4, hal. 483-518
  • Rice, Robert Charles, Indonésian approaches to technology policy during the Soeharto era : Habibie, Sumitro and others, Indonésian economic development (1990), hal. 53-66
  • Makka, Makmur.A, The True Life of HABIBIE Cerita di Balik Kesuksesan, PUSTAKA IMAN, ISBN 978-979-3371-83-2, 2008
  • ...jangkepé

Uga pirsani[besut | besut sumber]

Pranala jaba[besut | besut sumber]

Didhisiki déning:
Ora ana
Menteri Nagara Riset lan Teknologi
1978 - 1998
Diganti déning:
Rahardi Ramelan
Didhisiki déning:
Soeharto
Presiden Républik Indonésia
1998 - 1999
Diganti déning:
Abdurrahman Wahid
Didhisiki déning:
Try Sutrisno
Wakil Presiden Républik Indonésia
1998 - 1998
Diganti déning:
Megawati Sukarnoputri

Cithakan:Presiden Indonésia Cithakan:Wakil Presiden Indonésia