Hasri Ainun Habibie

Saka Wikipédia Jawa, bauwarna bébas abasa Jawa
Jump to navigation Jump to search
Hasri Ainun Besari
Ainun Habibie.png
Ibu Nagara Indonésia 3
Lungguh
13 Mèi 1998 – 20 Oktober 1999
Présidhèn Bacharuddin Jusuf Habibie
Kadhisiki Siti Hartinah
Kagantèni Shinta Nuriyah
Rerincèn priangga
Lair (1937-08-11)Agustus 11, 1937
Indonésia Semarang, Jawa Tengah
Pati Mèi 22, 2010(2010-05-22) (umur 72)
Jerman München, Jerman
Pakuburan Taman Makam Pahlawan Kalibata, Jakarta
Bangsa Indonésia Indonésia
Jerman Jerman (kehormatan)
Sisihan Bacharuddin Jusuf Habibie
Anak Ilham Akbar Habibie
Thareq Kemal Habibie
Wong tuwa R. Mohammad Besari (Bapak)
Sadarmi Besari (Ibu)
Propési Dokter
Agama Islam

Hasri Ainun Habibie kanthi nama asli Hasri Ainun Besari (lair ing Semarang, Jawa Tengah, 11 Agustus 1937 – pati ing München, Jerman, 22 Mèi 2010 ing yuswa 72 taun) punika garsa saking Présidhèn Indonésia kaping tiga BJ. Habibie. Hasri Ainun Habibie dados Ibu Nagara Indonésia kaping tiga saking taun 1998 dumugi taun 1999 [1].

Biografi[besut | besut sumber]

Latar belakang kulawarga[besut | besut sumber]

Hasri Ainun Besari punika putri kaping sekawan saking 8 sedherekipun putri saking H. Mohammad Besari. Tegesipun nama Hasri Ainun punika Mata yang indah. Kulawarga Ainun punika kulawarga ingkang tresna marang pendidikan. salah satunggal tiyang ingkang paling wigati anggènipun paring motivasi supados giat anggènipun sinau punika ibunipun [2].

Pendidikan[besut | besut sumber]

Hasri Ainun Besari punika merantau dhateng Jakarta kanggé nlajengaken pendidikan lan kuliah wonten ing Fakultas Kedhokteran ing Universitas Indonésia, Jakarta. Lulus minangka dhokter ing taun 1961. Hasri Ainun ugi naté nyambut damel ing Rumah Sakit Cipto Mangunkusumo, Jakarta (RSCM Jakarta). Ing mriku Hasri Ainun nyambut damel ing babagan perawatan laré-laré. Nanging wonten ing RSCM Jakarta Hasri Ainun namung nyambut damel satunggal taun kemawon, dumugi taun 1962. Sasampunipun kagarwa Habibie ing taun 1962 lajeng Hasri Ainun kedah nilaraken pakaryanipun dados dhokter lajeng ndhèrèk garwanipun dhateng Jerman kanggé ngrampungaken pendidikanipun [3].

Kulawarga[besut | besut sumber]

Hasri Ainun Besari kagarwa déning BJ. Habibie nalika tanggal 12 Mèi 1962. Lajeng bulan madu wonten ing tigang papan ing Indonésia inggih punika wonten ing Kaliurang, Yogyakarta, lajeng ing kutha Bali kapungkasan wonten ing laladan Asalipun Bj. Habibie Ujung Pandang. Hasri Ainun kaliyan Bj. Habibie patutan kalih inggih punika Ilham Akbar lan Thareq Kemal ugi gadhah enem putu. Ilham Akbar sampun ngrampungaken pendidikanipun wonten ing Muenchen ing ngèlmu aeronautika lan pikantuk gelar PdD kanthi predikat summa cumlaude langkung inggil saking predikat bapakipun (BJ. Habibie). Déné Thareq Kemal lulus saking Diploma Inggeneur ing Braunsweig, Jerman[2].

Séda[besut | besut sumber]

Nalika tanggal 22 Mèi 2010 tabuh 17.35 wekdal Munchen, Jerman. Hasri Ainun Habibie séda sasampunipun nglampahi masa kritis satunggal dinten. Jenazahipun Hasri Ainun Habibie dipunbeta dhateng Jakarta ing tanggal 24 Mèi 2010 lan dugi ing Jakarta tanggal 25 Mèi 2010 lajeng dipunmakamaken wonten ing Taman Makam Pahlawan Kalibata dinten punika.[4].

Rujukan[besut | besut sumber]

  1. ^ Kepustakaan Presiden-Presiden Républik Indonésia: Hasri Ainun Besari
  2. ^ a b [1] (id) Ibu Bangsa Hasri Ainun Habibie (dipunakses tanggal 22 Januari 2013)
  3. ^ [2] (id) Biografi Ainun Habibie (dipunakses tanggal 22 Januari 2013)
  4. ^ Hasri Ainun Habibie dimakamkan di TMP Kalibata
Sing mengku  sadurungé:
Siti Hartinah
Ibu Nagara Républik Indonésia
1998-1999
Diganti déning:
Sinta Nuriyah

Cithakan:Ibu Nagara Indonésia Cithakan:Bacharuddin Jusuf Habibie