Universitas Indonésia

Saka Wikipédia Jawa, bauwarna bébas abasa Jawa
Universitas Indonésia
LogoUI.jpg
Diadegaké 1851
Jenis Universitas nagari kanthi status Badan Hukum Milik Nagara
Motto Universitas kanthi Perspektif Internasional
Rèktor Prof. Dr. Gumilar Rusliwa Somantri
Mahasiswa 34.921[1]
Sarjana 13.146
Magister 6.295
Dhoktor 907
Profesi 1.596
Kampus Urban
Lokasi Depok, Jawa Kulon, Indonésia
Telepon +62 21 7270020
Warna Kuning
Julukan Jaket Kuning
Afiliasi AUN, APRU
Situs web http://www.ui.edu

Universitas Indonésia utawa kerep dicekak kanthi sebutan UI iku pawiyatan luhur nagari ing Indonésia minangka universitas paling tuwa ing Indonésia, sing resmi diadegaké taun 1946 kanthi jeneng "Universiteit van Indonesië".

Nalika tanggal 26 Dhésèmber 2000, pamaréntah Républik Indonésia ngesahaké status otonomi UI adhedhasar PP No. 152. Ing wektu iku, UI nembé ana sajeroning mangsa transisi saka sawijining universitas nagari nuju universitas nagari sing otonomi.

Nalika taun 2007, UI manggon ing peringkat ka-395 adhedhasar Times Higher Education Supplement World University Rankings. Adhedhasar survèy pungkasan saka Globe Asia (2008), UI nglungguhi peringkat angka siji ing antarané universitas misuwur liyané ing Indonésia. Asil survèy iki diwartakaké ing kalawarti Tempo. Wiwit taun 2004, survèy saka kalawarti Tempo nglapuraké yèn UI iku kampus sing paling apik ing Indonésia adhedhasar sapérangan kritéria kaya déné kualitas lulusan sajeroning babagan akadhemis lan keahlian ing donya makarya, kualitas pamulangan, métodhologi pasionaonan, kampus kanthi lingkungan ijo, kasempatan mlebu UI sing duwé kompetisi sing dhuwur.[butuh sitiran]

Saiki UI kapérang saka rolas fakultas, nawakaké punjul 200 program studi, wiwit saka program profésional Diploma nganti tekan program Dhoktor sing mawa basis risèt, lan duwé total gunggung mahasiswa watara 38.000 wong.

Kampus UI ana ing Depok, Jawa Kulon lan Salemba, Jakarta. Kampus UI Depok ngliputi Fakultas Hukum, Psikologi, Èlmu Sosial lan Èlmu Pulitik, Èlmu Pengetahuan Budaya, Tèknik, Matématika lan IPA, Kaséhatan Masarakat, Èlmu Komputer, Ékonomi lan Èlmu Keperawatan. Éwadéné kampus UI Salemba ngliputi Fakultas Kadhokteran, Kadhokteran Untu, lan sapérangan program pascasarjana.

Univèrsitas Indonésia dipanggedhèni déning sawijining Rèktor. Rèktor UI périodhe 2007-2012 ya iku Prof. Dr. Gumilar Rusliwa Somantri.

Sajarah[besut | besut sumber]

Gambar:Universidad Indonésia Edificio Administrativo.JPG
Gedhung rèktorat sing asring dianggep ikon UI.

Sajarah Univèrsitas Indonésia bisa ditlusuri wiwit taun 1851. Nalika iku, pamaréntah kolonial Walanda ngadegaké sawijining sekolah sing tujuwané kanggo ngasilaké asistèn dhokter tambahan. Pelajar ing sekolah iku éntuk palatihan kadhokteran suwéné rong taun. Lulusané diwènèhi sèrtifikat kanggo nglakokaké parawatan-parawatan tingkat dhasar sarta éntuk gelar Dhokter Jawa (Javanese Doctor), gelaré mangkono amarga dhokter iki mung diwènèhi idin kanggo mbukak praktèk ing wewengkon Hindhia Walanda, mligi ing pulo Jawa. Nalika taun 1864, program pendhidhikan kasebut ditambah wektuné dadi telung taun, lan nalika taun 1875 dadi 7 taun. Gelar sing diwènèhaké uga malih dadi Dhokter Mèdhis (Medical Doctor)

Nalika taun 1898, pamaréntah kolonial ngadegaké sekolah anyar kanggo nglatih tenaga mèdhis, ya iku STOVIA (School tot Opleiding van Indische Artsen). Pendhidhikan ing STOVIA suwéné 9 taun: 3 taun satingkat SMP, telung taun satingkat SMA, lan telung taun liyané satingkat Diploma. Akèh lulusan STOVIA sing banjur mainaké peranan wigati sajeroning pagerakan kamardikan Indonésia.

Nalika taun 1924 pamaréntah kolonial ngadegaké RHS (Rechts Hogeschool) sing tujuwané kanggo nyukupi tenaga administrasi sipil tingkat ngisor. RHS iki sing dadi cikal-bakal Fakultas Hukum UI. Nalika taun 1927 ngowahi status lan jeneng STOVIA dadi GHS (Geneeskundige Hogeschool). Gedhung pendhidhikan lan pelatihan kadhokteran sing digunakaké GHS dadi gedhong Fakultas Kadhokteran UI saiki. Akèh alumni GHS sing banjur duwé peran gedhé sajeroning pangadegan Univèrsitas Indonésia.

Sawisé kamardikan Indonésia didhéklarasikaké nalika tanggal 17 Agustus 1945, Badan Pendhidhikan Tinggi Républik Indonésia (BPTRI) diyasa ing Jakarta. BPTRI duwé telu fakultas, ya iku Kadhokteran lan Farmasi, Sastra, lan Hukum. Ing taun sing padha, institusi iki kasil nglulusaké 90 wong minangka dhokter. Nalika wadya kolonial Walanda nguwasani Jakarta manèh ing akir taun 1945, BPTRI dipindhahaké menyang Klaten, Surakarta, Yogyakarta, Surabaya, lan Malang. Nalika tanggal 21 Juni 1946 NICA ngadegaké sawijining Nood Universiteit utawa Univèrsitas Sauntara ing Jakarta. Nalika tanggal 21 Maret 1947, jeneng Nood Universiteit diganti dadi Universiteit van Indonesie (UVI). Pungkasané, sawisé Jakarta kasil dijupuk alih manèh, pamaréntah mbalèkaké BPTRI menyang Jakarta lan nggabungaké karo Universiteit van Indonesie, lan mènèhi jeneng anyar Universiteit Indonésia (UI).

UI kanthi resmi miwiti kagiyatané tanggal 2 Fèbruari 1950 kanthi présidhen (saiki ingaran minangka rektor) pisanané Ir. R.P Soerachman Tjokroadisoerio. Kantor Présidhèn Universiteit Indonésia awalé duwé kalungguhan ing Jakarta, pasé ing gedhong Fakultas Kadhokteran ing Jl Salemba Raya no. 6, banjur dipindhahaké menyang salah sawijining yasan tilas pabrik madat ing Jl. Samlemba Raya no. 4, Jakarta. Tanggal 2 Fèbruari 1950 banjur didadèkaké dina kalairan Univèrsitas Indonésia.

Awalé, UI duwé 9 fakultas lan 3 lembaga sing kasebar ing limang kutha, ya iku Fakulteit Kadhokteran, Fakulteit Èlmu Ukum lan Èlmu Pangetahuan Masarakat, sarta Fakulteit Sastra lan Filsafat ing Jakarta; Fakulteit Èlmu Alam lan Èlmu Pasti, Fakulteit Èlmu Pangetahuan Tèknik, lan Lembaga Pendhidhikan Guru Nggambar ing Bandung; Fakulteit Tetanèn lan Fakulteit Kadhokteran Kéwan ing Bogor; Fakulteit Ékonomi ing Makassar; Fakulteit Kadhokteran lan Lembaga Kadhokteran Untu ing Surabaya.

Nalika taun 1955, Undhang-Undhang No. 10 ngenani owahan tembung universiteit, universitet, lan universitit disahaké, saéngga wiwit wektu iku, Universiteit Indonésia kanthi resmi diowahi jenengé dadi Univèrsitas Indonésia.


Kampus[besut | besut sumber]

Salemba[besut | besut sumber]

Kampus Salemba dumunung ing tlatah dalan Salemba Jakarta Pusat[2]. Fakultas sing ana ing kampus iki ya iku Fakultas Kedhokteran, Kedhokteran Gigi, lan sawetara program pascasarjana, program Ekstensi lan Magister Manajemen Fakultas Ékonomi, sarta laboratorium Fakultas Teknik.

Depok[besut | besut sumber]

Kampus Depok, dumunung ing Depok, Jawa Kulon [3], diyasa ing tengahan taun 1980-an kanggo ngakomodasi modhèrnisasi universitas. Saiki, Kampus Depok dadi kampus utama Universitas Indonésia. Sapérangan gedhé fakultas UI (MIPA, Teknik, Psikologi, Hukum, Ékonomi, Ilmu Sosial lan Ilmu Pulitik, Ilmu Komputer, Kaséhatan Masarakat, Ilmu Keperawatan) dumunung ing kampus iki. Kampus Depok diliwati déning rèl sepur Jakarta-Bogor saéngga para mahasiswa éntuk fasilitas transportasi umum.

Fakultas[besut | besut sumber]

Program studi ing UI dikelola déning 13 fakultas lan 1 program vokasi. Fakultas-fakultas kasebut ya iku:

 

Kedhokteran[besut | besut sumber]

Kampus FKUI dumunung ing Salemba kang jembaré 16.209 m2. Saiki, FKUI dipanggedhèni déning dr. H. Menaldi Rasmin, Sp.P(K).,FCCP. FKUI duwé lima program pendhidhikan, ya iku Program Diploma, Program Sarjana, Program Pendhidhikan Dhokter Spesialis, Program Magister, lan Program Dhoktor. FKUI minangka fakultas kedhokteran paling tuwa ing Indonésia.

Lair FMUI diwiwiti saka madegé Dhokter Djawa School ing taun 1851. Ing taun 1898 Dhokter Djawa School diowahi jenengé dadi STOVIA, lan taun 1927 diowahi manèh dadi Geneeskundige Hooge School. Ing mangsa penjajahan Jepang, jenengé diowahi dadi Ika Daigaku.

Ing mangsa kamardikan Indonésia, pamaréntah Indonésia nggabungaké Ika Daigaku sajeroning Balai Perguruan Tinggi RI lan ngowahi jenengé dadi Wiyata Tinggi Kedhokteran. Sawisé Indonésia mardika ing pungkasan taun 1940-an, pamaréntah mengambil alih sekolah kedhokteran sing diadegaké déning Walanda, Geneeskundige Faculteit Nood Universiteit van Indonésia, lan nggabungaké karo Wiyata Tinggi Kedhokteran. Gabungan iki banjur dijenengi anyar, ya iku Fakultas Kedhokteran sing ana ing sangisoré naungan Universitas Indonésia ing tanggal 2 Fèbruari 1950. Kagiatan kuliah wiwitané ditindakaké ana ing rong panggonan, ya iku ing Jakarta lan ing Surabaya. Nanging wiwit taun 1954, Fakultas ing Surabaya digabungaké menyang Universitas Airlangga.

Kedhokteran Gigi[besut | besut sumber]

FKG UI madeg ing taun 1961, kanthi 71 mahasiswa minangka angkatan sepisanan. Fakultas iki dirintis amarga anané rasa prihatin bab kondhisi kedhokteran gigi ing Indonésia. Nalika semana, perbandingan antara dhokter gigi lan sing ndunungi isih njomplang banget, ya iku 1 : 200.000, saliyané iku, lulusan dhokter gigi uga mung asal saka rong fakultas (FKG Unair lan FKG UGM) kanthi gunggung lulusan sing sethithik banget, ora tau punjul 35 wong. Fakultas Kedhokteran Gigi UI (FKG) mbawahi 8 departemen, ya iku:

  • Departemen Bedah Mulut,
  • Departemen Lelara Mulut,
  • Departemen Konservasi Gigi,
  • Departemen Periodontologi,
  • Departemen Prostodonsia,
  • Departemen Orhtodonsia,
  • Departemen Radiologi Ked.Gigi,
  • Departemen Dental Material Ked.Gigi.

FKG UI saat ini dipanggedhèni olèh Prof. Bambang Irawan, drg,Ph.D.

MIPA[besut | besut sumber]

Fakultas MIPA madeg taun 1950-an, minangka péranganing UI cabang Bandung. Ing taun 1959, cabang UI ing Bandung pisah lan yasa Institut Teknologi Bandung (ITB). Minangka gantiné, FMIPA ing Bandung, Menteri Wiyata, Pengajaran, lan Kabudayan RI kanthi SK nomor: 108094/UU tanggal 21 Dhésèmber 1960 ngadegaké fakultas sajinis kanggo UI Jakarta, ya iku Fakultas Ilmu Pasti lan Ilmu Alam (FIPIA)

Program pendhidhikan[besut | besut sumber]

1. Program Wiyata Jenjang S1, dumadi saka:

  • Program Sarjana Hukum Regulèr
  • Program Sarjana Hukum kelas Ekstensi

2. Program Pasca Sarjana, dumadi saka:

  • Jenjang S2 Program Magister Ilmu Hukum kanthi paminatan:
Magister Ilmu Hukum Pidana ( Criminal Law )
Magister Ilmu Hukum Ékonomi (Economic Law )
Magister Ilmu Hukum Islam ( Islamic Law )
Magister Ilmu Hukum Nagara (Constitutional Law )
  • Jenjang S2 Program Profesi Kenotariatan.
  • Jenjang S3 Program Dhoktor Ilmu Hukum

Ing Fakultas Hukum Universitas Indonésia ana 7 (pitung) program kakhususan (PK) minangka penjurusan utawa kaahlian kanthi spesifik sing bisa dipilih déning mahasiswa, ya iku:

  1. ukum perdata
  2. ukum pidana
  3. ukum acara
  4. ukum ékonomi
  5. ukum tata nagara dan ukum administrasi nagara
  6. ukum internasional
  7. ukum dan masarakat

Ékonomi[besut | besut sumber]

Gedung A FEUI

Fakultas Ékonomi UI (FEUI) utawa kaloka minangka Fakultas Ékonomi lan Bisnis, mbawahi 3 departemèn, ya iku departemen manajemen, departemen akuntansi, lan departemen ngèlmu ékonomi.

FEUI madeg tanggal 18 September 1950 dumunung ing Kampus UI Depok. Lair fakultas iki diwiwiti nalika Jurusan Sosial Ékonomi Fakultas Hukum Universitas Indonésia (FHUI) misahaké dhiri lan milih madeg dhéwé kanthi minangka fakultas anyar, ya iku Fakultas Ékonomi. Bebarengan karo iku mahasiswa Akademi Nasional sing uga ngaji bab ngèlmu ékonomi gabung marang fakultas anyar kasebut.

Program pendhidhikan[besut | besut sumber]

Ilmu Ékonomi

  • Program Pasca Sarjana - Strata 3
  • Program Pasca Sarjana - Strata 2
  • Program Magister Perencanaan lan Kawicaksanan Publik
  • Program Sarjana - Strata 1
  • Program Hibah B

Manajemen

  • Program Pasca Sarjana - Strata 3
  • Program Pasca Sarjana - Strata 2
  • Program Magister Manajemen
  • Program Sarjana - Strata 1
  • Program Ekstensi - Strata 1

Akuntansi

  • Program Pasca Sarjana Ilmu Akuntansi - S3
  • Program Pasca Sarjana Ilmu Akuntansi - S2
  • Program Magister Akuntansi
  • Program Sarjana - Strata 1
  • Program Ekstensi - Strata 1

Widya Budaya[besut | besut sumber]

Fakultas Widya Budaya Universitas Indonésia iku fakultas ing sangisoré Universitas Indonésia sing mligi nggegulang kawruh budaya ing tataran pendhidhikan sarjana, magister, lan dhoktoral, sarta pengelolalaan lembaga-lembaga panelitèn sing kagandhèng marang babagan studi kasebut.

Program Akademik[besut | besut sumber]

Fakultas Widya Budaya Universitas Indonésia nyadiakaké program akademik :

  1. Program Sarjana Reguler (S1)
  2. Program Sarjana Kelas Paralel (S1)
  3. Program Sarjana Ekstensi (S1)
  4. Program Magister (S2)
  5. Program Dhoktoral (S3)

Program Studi S1 nyakup:

  1. Program Studi (PS) Basa dan Kebudayaan Koréa
  2. Program Studi Walanda
  3. PS Ilmu Arkéologi
  4. PS Ilmu Filsafat
  5. PS Ilmu Kapustakan dan Informasi
  6. PS Arab
  7. PS Sajarah
  8. PS Cina
  9. PS Jawa
  10. PS Indonésia
  11. PS Inggris
  12. PS Jepang
  13. PS Jerman
  14. PS Ruslan
  15. PS Prancis

Program Pascasarjana (S2 lan S3):

  1. Ilmu Arkéologi
  2. Ilmu Filsafat
  3. Ilmu Linguistik
  4. Ilmu Susastra
  5. Ilmu Kapustakan
  6. Ilmu Sajarah

ISIP[besut | besut sumber]

Fakultas Ilmu Sosial dan Ilmu Pulitik utawa dicekak FISIP UI kanthi kelembagaan minangka péranganing Universitas Indonésia. Wektu iki FISIP UI dipanggedhèni déning Prof. Dr. Bambang Shergi Laksmono kanggo mangsa bakti 20082012.

Fakultas iki diadegaké taun 1968 lan minangka salah siji fakultas kanthi gunggung program studi lan mahasiswa sing paling akèh ing Universitas Indonésia amarga wiwit madeg nganti taun 2005, FISIP UI tuwuh ngrembaka lan duwé 8 Departemen, 35 program studi kanthi 52 program kekhususan, lan gunggung jumlah mahasiswa 7912 [4].

Program studi[besut | besut sumber]

Sawetara program studi sing ana ing Fakultas Ilmu Sosial dan Ilmu Pulitik Universitas Indonésia:

  • Program studi ngèlmu Komunikasi
  • Program Studi Ilmu Pulitik
  • Program Studi Ilmu Administrasi
  • Program Studi Ilmu Kriminologi
  • Program Studi Ilmu Sosiologi
  • Program Studi Ilmu Antropologi
  • Program Studi Ilmu Kesejahteraan Sosial
  • Program Studi Ilmu Hubungan Internasional.


Lambang[besut | besut sumber]

Pérangan-pérangan sajeroning lambang UI

Lambang Univèrsitas Indonésia kapérang saka rong unsur, ya iku wit mawa pang-pangé, lan makara. Gagasan dhasar wangun lambang Univèrsitas Indonésia iku kala-makara. Kala iku kakuwatan saka ndhuwur (Srengéngé), sauntara makara iku kakuwatan saka ngisor (Bumi). Kaloro kakuwatan iku banjur dipadhukaké lan distilir déning Sumaxtono[5], mahasiswa Angkatan 1951 Seni Rupa Fakulteit Teknik Universiteit Indonésia, dadi makara sing nglambangaké Univèrsitas Indonésia sing èlmu lan karyané nyebar menyang saindhenging donya.

Wit kalebu pang lan kuncup nglambangaké witing èlmu kawruh kanthi pang-pang èlmu kawruhé, sauntara kuncup kasebut sawijining wektu bakal megar lan dadi pang èlmu kawruh anyar. Kuncup-kuncup iku bakal tansah megar suwéné witing èlmu kawruh iku urip. Kanthi mangkono, Sumaxtono péngin nélakaké yèn pang-panging èlmu kawruh bakal ngrembaka selaras karo kabutuhan lan majuning jaman.

Makara sing ngilèkaké banyu nglambangaké asil sing mancar menyang kabèh arah. Makna sing diwènèhaké Sumaxtono ya iku Univèrsitas Indonésia minangka sumber èlmu kawruh, bakal ngasilaké sarjana-sarjana sing lantip, trampil, kebak katakwaan, duwé budi luhur, lan duwé kapribadèn, sarta duwé sikap binuka, tanggap marang owah-owahan lan majuné èlmu lan tèknologi sarta masalah sing diadhepi masarakat, lan bisa ngrampungaké selaras karo kaidah-kaidah akadhemik, ing ngendi waé sarjana-sarjana mau mapan.

Rancangan dhesain kalebu maknané diweruhké déning Sumaxtono marang Srihadi (mahasiswa Seni Rupa FT-UI, Bandung Angkatan 1952) nalika taun 1952. Nanging, ora dikawruhi kapan lan sapa sing ngesahaké lambang UI kasebut.

Buku pisanan sing migunakaké lambang Univèrsitas Indonésia ing samaké kanggo kaping pisanané ya iku buku Universiteit Indonésia, Fakulteit Teknik, Bandung: Rentjana Untuk Tahun Peladjaran 1952-1953 (Pacithakan AID, Bandung, 120 kaca)


Lagu[besut | besut sumber]

Ing ngisor iki lirik lagu wajib ing Universitas Indonésia. Lagu-lagu iki biyasa ditembangaké ing acara-acara resmi universitas, kaya ta panyambutan mahasiswa anyar (maba), lan wisuda.

Hymne Almamater
Cipta: H.S. Mutahar

Almamaterku setia berjasa
Universitas Indonésia
Kami wargamu
Bertekad bersatu
Kami amalkan tridharmamu
Dan Mengabdi Tuhan
Dan mengabdi bangsa
Dan Nagara Indonésia

 

Gendérang Universitas Indonésia
Universitas Indonésia universitas kami
Kutha krajan nagara punjer ngèlmu budaya bangsa
Kami mahasiswa pengabdi cita
Ngejar ngèlmu pekerti luhur tuk nusa dan bangsa

Semangat, lincah, gembira[6]
Sadar bertugas mulia
Berbakti dalam karya
Mahasiswa

Universitas Indonésia perlambang cita
Berdasarkan pancasila dhasar nagara
Kobarkan semangat kita demi ampera

Cathetan sikil[besut | besut sumber]

  1. ^ statistik, per Maret 2007
  2. ^ [1] Peta Kampus Salemba.
  3. ^ [2] Peta Kampus Depok.
  4. ^ Profil Singkat FISIP UI dari Situs Resmi - diakses September 2008
  5. ^ Jeneng asliné iku Sumartono.
  6. ^ Biyèn, lirik lagu baris iki "Buku, pista, dan cinta"

Website[besut | besut sumber]