Menyang kontèn

Universitas Indonésia

Saka Wikipédia Jawa, bauwarna mardika basa Jawa
(Kaelih saka Universitas Indonesia)
Universitas Indonésia
Diadegaké1849 (minangka Dokter-Djawa School Batavia
1950 (minangka Universitas Indonésia)
JenisUniversitas nagari kanthi status Badan Hukum Milik Nagara
MottoVeritas, Probitas, Iustitia (Latin)
RèktorProf. Dr. Ir. Muhammad Anis, M.Met
Mahasiswa46.301 (2018)[1]
Sarjana28.095 (2015)[1]
Magister13.609 (2015)[1]
Dhoktor2.315 (2015)[1]
Profesi1.596
KampusUrban
LokasiDhépok, Jawa Kulon, Indonésia
Telepon+62 21 786 7222
WarnaKuning     
JulukanJaket Kuning, Kampus Perjuangan
AfiliasiAUN, ASAIHL, APRU, ASEA, UNINET, SEAMEO, AUAP, FUIW
Situs webwww.ui.ac.id

Universitas Indonésia utawa kerep dicekak kanthi sebutan UI iku pawiyatan luhur nagari ing Indonésia minangka universitas tuwa dhéwé ing Indonésia, kang resmi diadegaké taun 1946 kanthi jeneng "Universiteit van Indonesië".

Nalika tanggal 26 Dhésèmber 2000, pamaréntah Républik Indonésia ngesahaké status otonomi UI dhedhasar PP No. 152. Ing wektu iku, UI nembé ana ing ing sajeroning mangsa transisi saka sawijining universitas nagari nuju universitas nagari kang otonomi.

Nalika taun 2007, UI manggon ing peringkat angka 395 dhedhasar Times Higher Education Supplement World University Rankings. Adhedhasar survèy pungkasan saka Globe Asia (2008), UI nglungguhi peringkat angka siji ing antarané universitas misuwur liyané ing Indonésia. Asil survèy iki diwartakaké ing kalawarti Tempo. Wiwit taun 2004, survèy saka kalawarti Tempo nglapuraké yèn UI iku kampus kang paling apik ing Indonésia dhedhasar sapérangan kritéria kaya déné kualitas lulusan sajeroning babagan akadhemis lan keahlian ing donya makarya, kualitas pamulangan, métodhologi pasionaonan, kampus kanthi lingkungan ijo, kasempatan lumebu UI kang duwé kompetisi kang dhuwur.[butuh sitiran]

Saiki UI kapérang saka rolas fakultas, nawakaké punjul 200 program studi, wiwit saka program profésional Diploma nganti tekan program Dhoktor kang mawa basis risèt, lan duwé total gunggung mahasiswa watara 38.000 wong.

Kampus UI ana ing Dhépok, Jawa Kulon lan Salemba, Jakarta. Kampus UI Dhépok ngambah Fakultas Hukum, Psikologi, Èlmu Sosial lan Èlmu Pulitik, Èlmu Pengetahuan Budaya, Tèknik, Matématika lan IPA, Kaséhatan Masarakat, Èlmu Komputer, Ékonomi lan Èlmu Keperawatan. Éwadéné kampus UI Salemba ngambah Fakultas Kadhokteran, Kadhokteran Untu, lan sapérangan program pascasarjana.

Univèrsitas Indonésia dipanggedhèni déning sawijining Rèktor. Rèktor UI périodhe 2007-2012 ya iku Prof. Dr. Gumilar Rusliwa Somantri. Ing taun iki rèktor dipandhegani dening Prof. Dr. Ir. Muhammad Anis, M.Met.

Sajarah

[besut | besut sumber]
Barkas:Universidad Indonésia Edificio Administrativo.JPG
Gedhung rèktorat kang asring dianggep ikon UI.

Sajarah Univèrsitas Indonésia bisa ditlusuri wiwit taun 1851. Nalika iku, pamaréntah kolonial Walanda ngadegaké sawijining sekolah kang ancasé kanggo ngasilaké asistèn dhokter tambahan. Pelajar ing sekolah iku éntuk palatihan kadhokteran suwéné rong taun. Lulusané diwènèhi sèrtifikat kanggo nglakokaké parawatan-parawatan tingkat dhasar sarta éntuk gelar Dhokter Jawa (Javanese Doctor), gelaré mangkono amarga dhokter iki mung diwènèhi idin kanggo mbukak praktèk ing wewengkon Hindhia Walanda, mligi ing Pulo Jawa. Nalika taun 1864, program pendhidhikan mau ditambah wektuné dadi telung taun, lan nalika taun 1875 dadi 7 taun. Gelar kang diwènèhaké uga malih dadi Dhokter Mèdhis (Medical Doctor)

Nalika taun 1898, pamaréntah kolonial ngadegaké sekolah anyar kanggo nglatih tenaga mèdhis, ya iku STOVIA (School tot Opleiding van Indische Artsen). Pendhidhikan ing STOVIA suwéné 9 taun: 3 taun satingkat SMP, telung taun satingkat SMA, lan telung taun liyané satingkat Diploma. Akèh lulusan STOVIA kang banjur mainaké peranan wigati sajeroning pagerakan kamardikan Indonésia.

Nalika taun 1924 pamaréntah kolonial ngadegaké RHS (Rechts Hogeschool) kang ancasé kanggo nyukupi tenaga administrasi sipil tingkat ngisor. RHS iki kang dadi cikal-bakal Fakultas Hukum UI. Nalika taun 1927 ngowahi status lan jeneng STOVIA dadi GHS (Geneeskundige Hogeschool). Gedhung pendhidhikan lan pelatihan kadhokteran kang digunakaké GHS dadi gedhong Fakultas Kadhokteran UI saiki. Akèh alumni GHS kang banjur duwé peran gedhé sajeroning pangadegan Univèrsitas Indonésia.

Sawisé kamardikan Indonésia didhéklarasikaké nalika tanggal 17 Agustus 1945, Badan Pendhidhikan Tinggi Républik Indonésia (BPTRI) diyasa ing Jakarta. BPTRI duwé telu fakultas, ya iku Kadhokteran lan Farmasi, Sastra, lan Hukum. Ing taun kang padha, institusi iki kasil nglulusaké 90 wong minangka dhokter. Nalika wadya kolonial Walanda nguwasani Jakarta manèh ing akir taun 1945, BPTRI dipindhahaké menyang Klaten, Surakarta, Yogyakarta, Surabaya, lan Malang. Nalika tanggal 21 Juni 1946 NICA ngadegaké sawijining Nood Universiteit utawa Univèrsitas Sauntara ing Jakarta. Nalika tanggal 21 Maret 1947, jeneng Nood Universiteit diganti dadi Universiteit van Indonesie (UVI). Pungkasané, sawisé Jakarta kasil dijupuk alih manèh, pamaréntah mbalèkaké BPTRI menyang Jakarta lan nggabungaké karo Universiteit van Indonesie, lan mènèhi jeneng anyar Universiteit Indonésia (UI).

UI kanthi resmi miwiti kagiyatané tanggal 2 Fèbruari 1950 kanthi présidhen (saiki ingaran minangka rektor) pisanané Ir. R.P Soerachman Tjokroadisoerio. Kantor Présidhèn Universiteit Indonésia awalé duwé kalungguhan ing Jakarta, pasé ing gedhong Fakultas Kadhokteran ing Jl Salemba Raya no. 6, banjur dipindhahaké menyang salah sawijining yasan tilas pabrik madat ing Jl. Samlemba Raya no. 4, Jakarta. Tanggal 2 Fèbruari 1950 banjur didadèkaké dina kalairan Univèrsitas Indonésia.

Awalé, UI duwé 9 fakultas lan 3 lembaga kang kasebar ing limang kutha, ya iku Fakulteit Kadhokteran, Fakulteit Èlmu Ukum lan Èlmu Pangetahuan Masarakat, sarta Fakulteit Sastra lan Filsafat ing Jakarta; Fakulteit Èlmu Alam lan Èlmu Pasti, Fakulteit Èlmu Pangetahuan Tèknik, lan Lembaga Pendhidhikan Guru Nggambar ing Bandung; Fakulteit Tetanèn lan Fakulteit Kadhokteran Kéwan ing Bogor; Fakulteit Ékonomi ing Makassar; Fakulteit Kadhokteran lan Lembaga Kadhokteran Untu ing Surabaya.

Nalika taun 1955, Undhang-Undhang No. 10 ngenani owahan tembung universiteit, universitet, lan universitit disahaké, saéngga wiwit wektu iku, Universiteit Indonésia kanthi resmi diowahi jenengé dadi Univèrsitas Indonésia.


Kampus

[besut | besut sumber]

Salemba

[besut | besut sumber]

Kampus Salemba dumunung ing tlatah dalan Salemba Jakarta Pusat[2]. Fakultas kang ana ing kampus iki ya iku Fakultas Kedhokteran, Kedhokteran Gigi, lan sawatara program pascasarjana, program Ekstensi lan Magister Manajemen Fakultas Ékonomi, sarta laboratorium Fakultas Teknik.

Dhépok

[besut | besut sumber]

Kampus Dhépok, dumunung ing Dhépok, Jawa Kulon [3], diyasa ing tengahan taun 1980-an kanggo ngakomodasi modhèrnisasi universitas. Saiki, Kampus Dhépok dadi kampus utama Universitas Indonésia. Sapérangan gedhé fakultas UI (MIPA, Teknik, Psikologi, Hukum, Ékonomi, Ilmu Sosial lan Ilmu Pulitik, Ilmu Komputer, Kaséhatan Masarakat, Ilmu Keperawatan) dumunung ing kampus iki. Kampus Dhépok diliwati déning rèl sepur Jakarta-Bogor saéngga para mahasiswa éntuk fasilitas transportasi umum.

Fakultas

[besut | besut sumber]

Program studi ing UI dikelola déning 13 fakultas lan 1 program vokasi. Fakultas-fakultas mau ya iku:

 

Kedhokteran

[besut | besut sumber]

Kampus FKUI dumunung ing Salemba kang jembaré 16.209 m2. Saiki, FKUI dipanggedhèni déning dr. H. Menaldi Rasmin, Sp.P(K).,FCCP. FKUI duwé lima program pendhidhikan, ya iku Program Diploma, Program Sarjana, Program Pendhidhikan Dhokter Spesialis, Program Magister, lan Program Dhoktor. FKUI minangka fakultas kadhokteran tuwa dhéwé ing Indonésia.

Lair FMUI diwiwiti saka madegé Dhokter Djawa School ing taun 1851. Ing taun 1898 Dhokter Djawa School diowahi jenengé dadi STOVIA, lan taun 1927 diowahi manèh dadi Geneeskundige Hooge School. Ing mangsa penjajahan Jepang, jenengé diowahi dadi Ika Daigaku.

Ing mangsa kamardikan Indonésia, pamaréntah Indonésia nggabungaké Ika Daigaku sajeroning Balai Perguruan Tinggi RI lan ngowahi jenengé dadi Wiyata Tinggi Kedhokteran. Sawisé Indonésia mardika ing pungkasan taun 1940-an, pamaréntah mengambil alih sekolah kadhokteran kang diadegaké déning Walanda, Geneeskundige Faculteit Nood Universiteit van Indonésia, lan nggabungaké karo Wiyata Tinggi Kedhokteran. Gabungan iki banjur dijenengi anyar, ya iku Fakultas Kedhokteran kang ana ing sangisoré naungan Universitas Indonésia ing tanggal 2 Fèbruari 1950. Kagiatan kuliah wiwitané ditindakaké ana ing rong panggonan, ya iku ing Jakarta lan ing Surabaya. Nanging wiwit taun 1954, Fakultas ing Surabaya digabungaké menyang Universitas Airlangga.

Kedhokteran Gigi

[besut | besut sumber]

FKG UI madeg ing taun 1961, kanthi 71 mahasiswa minangka angkatan sepisanan. Fakultas iki dirintis amarga anané rasa prihatin bab kondhisi kadhokteran gigi ing Indonésia. Nalika semana, perbandingan antara dhokter gigi lan kang ndunungi isih njomplang banget, ya iku 1: 200.000, saliyané iku, lulusan dhokter gigi uga mung asal saka rong fakultas (FKG Unair lan FKG UGM) kanthi gunggung lulusan kang sethithik banget, ora tau punjul 35 wong. Fakultas Kedhokteran Gigi UI (FKG) mbawahi 8 departemen, ya iku:

  • Departemen Bedah Mulut,
  • Departemen Lelara Mulut,
  • Departemen Konservasi Gigi,
  • Departemen Periodontologi,
  • Departemen Prostodonsia,
  • Departemen Orhtodonsia,
  • Departemen Radiologi Ked.Gigi,
  • Departemen Dental Material Ked.Gigi.

FKG UI saat ini dipanggedhèni olèh Prof. Bambang Irawan, drg,Ph.D.

MIPA

[besut | besut sumber]

Fakultas MIPA madeg taun 1950-an, minangka péranganing UI cabang Bandung. Ing taun 1959, cabang UI ing Bandung pisah lan yasa Institut Teknologi Bandung (ITB). Minangka gantiné, FMIPA ing Bandung, Mantri Wiyata, Pengajaran, lan Kabudayan RI kanthi SK nomer: 108094/UU tanggal 21 Dhésèmber 1960 ngadegaké fakultas sajinis kanggo UI Jakarta, ya iku Fakultas Ilmu Pasti lan Ilmu Alam (FIPIA)

Program pendhidhikan

[besut | besut sumber]

1. Program Wiyata Jenjang S1, dumadi saka:

  • Program Sarjana Hukum Regulèr
  • Program Sarjana Hukum kelas Ekstensi

2. Program Pasca Sarjana, dumadi saka:

  • Jenjang S2 Program Magister Ilmu Hukum kanthi paminatan:
Magister Ilmu Hukum Pidana (Criminal Law)
Magister Ilmu Hukum Ékonomi (Economic Law)
Magister Ilmu Hukum Islam (Islamic Law)
Magister Ilmu Hukum Nagara (Constitutional Law)
  • Jenjang S2 Program Profesi Kenotariatan.
  • Jenjang S3 Program Dhoktor Ilmu Hukum

Ing Fakultas Hukum Universitas Indonésia ana 7 (pitung) program kakhususan (PK) minangka penjurusan utawa kaahlian kanthi spesifik kang bisa dipilih déning mahasiswa, ya iku:

  1. ukum perdata
  2. ukum pidana
  3. ukum acara
  4. ukum ékonomi
  5. ukum tata nagara dan ukum administrasi nagara
  6. ukum internasional
  7. ukum dan masarakat

Ékonomi

[besut | besut sumber]
Gedung A FEUI

Fakultas Ékonomi UI (FEUI) utawa kaloka minangka Fakultas Ékonomi lan Bisnis, mbawahi 3 departemèn, ya iku departemen manajemen, departemen akuntansi, lan departemen ngèlmu ékonomi.

FEUI madeg tanggal 18 September 1950 dumunung ing Kampus UI Dhépok. Lair fakultas iki diwiwiti nalika Jurusan Sosial Ékonomi Fakultas Hukum Universitas Indonésia (FHUI) misahaké dhiri lan milih madeg dhéwé kanthi minangka fakultas anyar, ya iku Fakultas Ékonomi. Bebarengan karo iku mahasiswa Akademi Nasional kang uga ngaji bab ngèlmu ékonomi gabung marang fakultas anyar mau.

Program pendhidhikan

[besut | besut sumber]

Ilmu Ékonomi

  • Program Pasca Sarjana-Strata 3
  • Program Pasca Sarjana-Strata 2
  • Program Magister Perencanaan lan Kawicaksanan Publik
  • Program Sarjana-Strata 1
  • Program Hibah B

Manajemen

  • Program Pasca Sarjana-Strata 3
  • Program Pasca Sarjana-Strata 2
  • Program Magister Manajemen
  • Program Sarjana-Strata 1
  • Program Ekstensi-Strata 1

Akuntansi

  • Program Pasca Sarjana Ilmu Akuntansi-S3
  • Program Pasca Sarjana Ilmu Akuntansi-S2
  • Program Magister Akuntansi
  • Program Sarjana-Strata 1
  • Program Ekstensi-Strata 1

Widya Budaya

[besut | besut sumber]

Fakultas Widya Budaya Universitas Indonésia iku fakultas ing sangisoré Universitas Indonésia kang mligi nggegulang kawruh budaya ing tataran pendhidhikan sarjana, magister, lan dhoktoral, sarta pengelolalaan lembaga-lembaga panelitèn kang kagandhèng marang babagan studi mau.

Program Akademik

[besut | besut sumber]

Fakultas Widya Budaya Universitas Indonésia nyadiakaké program akademik:

  1. Program Sarjana Reguler (S1)
  2. Program Sarjana Kelas Paralel (S1)
  3. Program Sarjana Ekstensi (S1)
  4. Program Magister (S2)
  5. Program Dhoktoral (S3)

Program Studi S1 nyakup:

  1. Program Studi (PS) Basa dan Kebudayaan Koréa
  2. Program Studi Walanda
  3. PS Ilmu Arkéologi
  4. PS Ilmu Filsafat
  5. PS Ilmu Kapustakan dan Informasi
  6. PS Arab
  7. PS Sajarah
  8. PS Cina
  9. PS Jawa
  10. PS Indonésia
  11. PS Inggris
  12. PS Jepang
  13. PS Jerman
  14. PS Ruslan
  15. PS Prancis

Program Pascasarjana (S2 lan S3):

  1. Ilmu Arkéologi
  2. Ilmu Filsafat
  3. Ilmu Linguistik
  4. Ilmu Susastra
  5. Ilmu Kapustakan
  6. Ilmu Sajarah

ISIP

[besut | besut sumber]

Fakultas Ilmu Sosial dan Ilmu Pulitik utawa dicekak FISIP UI kanthi kelembagaan minangka péranganing Universitas Indonésia. Wektu iki FISIP UI dipanggedhèni déning Prof. Dr. Bambang Shergi Laksmono kanggo mangsa bakti 2008—2012.

Fakultas iki diadegaké taun 1968 lan minangka salah siji fakultas kanthi gunggung program studi lan mahasiswa kang paling akèh ing Universitas Indonésia amarga wiwit madeg nganti taun 2005, FISIP UI tuwuh ngrembaka lan duwé 8 Departemen, 35 program studi kanthi 52 program kekhususan, lan gunggung jumlah mahasiswa 7912 [4].

Program studi

[besut | besut sumber]

Sawetara program studi kang ana ing Fakultas Ilmu Sosial dan Ilmu Pulitik Universitas Indonésia:

  • Program studi ngèlmu Komunikasi
  • Program Studi Ilmu Pulitik
  • Program Studi Ilmu Administrasi
  • Program Studi Ilmu Kriminologi
  • Program Studi Ilmu Sosiologi
  • Program Studi Ilmu Antropologi
  • Program Studi Ilmu Kesejahteraan Sosial
  • Program Studi Ilmu Hubungan Internasional.


Cathetan sikil

[besut | besut sumber]
  1. ↑ a b c d Dikti, Forlap (2018). Profil Perguruan Tinggi Universitas Indonesia. Pangkalan Data Perguruan Tinggi Indonesia (Report). Diarsip saka sing asli ing 2018-12-29. Dibukak ing 24 Oktober 2019.
  2. ↑ [1] Archived 2006-09-04 at the Wayback Machine. Peta Kampus Salemba.
  3. ↑ [2] Archived 2006-09-04 at the Wayback Machine. Peta Kampus Dhépok.
  4. ↑ Profil Singkat FISIP UI dari Situs Resmi-diakses September 2008

Situs web

[besut | besut sumber]

Dijupuk saka "https://jv.wikipedia.org/w/index.php?title=Universitas_Indonésia&oldid=1670572"