Menyang kontèn

Politèknik Negri Jakarta

Saka Wikipédia Jawa, bauwarna mardika basa Jawa
Politèknik Negri Jakarta
Situs webhttp://www.pnj.ac.id/

Politèknik Negri Jakarta, iku pendhidhikan dhuwur nagari kang dumunung ing Dhépok, Jawa Kulon, Indonésia. Politèknik Negri Jakarta (PNJ) minangka lembaga pendhidhikan dhuwur Diploma III kang diadegaké kanggo ngebaki kabutuhan SDM profèsional ing indhustri, wujud indhustri jasa lan indhustri manufaktur.

Sajarah

[besut | besut sumber]

Politèknik Negri Jakarta, sajarahé diwiwiti saka Fakultas Non-Gelar Teknologi Universitas Indonésia (FNGT-UI), kang banjur dadi Politèknik Universitas Indonésia. Politèknik Universitas Indonésia diadegaké 20 September 1982, wiwit tanggal 25 Agustus 1998 dadi swatantra kanthi jeneng Politèknik Negri Jakarta dhedhasar Surat Dudutan Mantri Pendhidhikan lan Kabudayan nomer: 207/O/1998.

Nalika Politèknik UI madeg, dibukak 3 jurusan yaiku Jurusan Tèknik Mesin, Tèknik Sipil, lan Tèknik Èlèktro. Sabanjuré taun 1986 dibukak jurusan Tata Niaga, kang dikembangaké dadi Jurusan Akuntansi lan Jurusan Administrasi Niaga. Ing taun 1990 dibukak Jurusan Tèknik Grafika lan Penerbitan, asil kerjasama antara Politèknik Universitas Indonésia karo Pusat Grafika Indonésia. Banjur kerjasama karo PT Trakindo Utama, dibukak Program Studi Piranti Berat ing sangisoré Jurusan Teknik Mesin kang diwiwiti taun ajaran 2001-2002. Ing taun 2003 kerjasama karo PT Jasa Marga, dibukak Program Diploma IV Dalan Tol.

Jurusan

[besut | besut sumber]
Gedhung kantor Direktorat

Nganti saiki program Diploma III duwé 6 (enem) jurusan kanthi 13 (telulas) Program Studi. Jurusan kang ana yaiku:

  • Tèknik sipil[1]. Jurusan Tèknik Sipil iki nyiapaké para peserta dhidhik dadi tenaga ahli menengah profèsional lan kompetèn kang bisa ngisi posisi penyelia utawa pelaksana sajeroning indhustri konstruksi kanthi spésifikasi tèhnik konstruksi gedhong, tèhnik konstruksi sipil, konsèntrasi manajemen konstruksi, perancangan dalan lan kreteg lan konsèntrasi dalan tol. Jurusan iki duwé telu program studi:
    • Tèknik konstruksi yasan gedhong
    • Tèknik konstruksi yasan sipil
    • Konsèntrasi manajemen konstruksi
    • Diploma IV Dalan Tol
  • Tèknik mesin[2]. Jurusan Tèknik mesin iki nyiapaké para peserta dhidhik dadi tenaga ahli menengah profèsional lan kompetèn kang bisa ngisi posisi penyelia utawa pelaksana sajeroning indhustri manufaktur kanthi spésialisasi tèhnik prodhuksi, tèhnik perawatan lan perbaikan mesin, tèhnik perancangan, tèhnik ènèrgi lan piranti berat. Jurusan Tèknik mesin duwé telu program studi:
  • Tèknik èlèktro[3].
    • Tèknik listrik
    • Tèknik èlèktronika indhustri
    • Konsèntrasi tèhnik komputer lan jaringan
    • Tèknik telekomunikasi
    • Konsèntrasi tèknologi informasi
  • Akuntansi[4]
    • Akuntansi
    • Keuangan lan perbankan
  • Administrasi niaga[5]
    • Administrasi bisnis
    • Diploma IV MICE
  • Tèknik grafika lan pangecapan[6]
    • Tèknik grafika
    • Penerbitan

Kurikulum

[besut | besut sumber]

Politèknik Negri Jakarta (PNJ) minangka lembaga pendhidhikan dhuwur Diploma III kang diadegaké kanggo ngebaki kabutuhan SDM profèsional ing indhustri, wujud indhustri jasa lan indhustri manufaktur. Pembelajaran ing PNJ nganggo Kurikulum Nasional (Kurnas) pendhidhikan profèsional kanthi bertanggung jawab kanthi dijurung déning dosèn-dosèn profèsional. Sistemé yaiku kanthi nggathukaké èlmu lan tèknologi kanthi komposisi téyori 55% lan praktik 45% kang diaplikasi kanthi harmonis kanggo ngasilaké lulusan kang profèsional lan ngebaki kualifikasi indhustri.

Program Studi Unggulan

[besut | besut sumber]

Politèknik Negri Jakarta makarya sama karo asosiasi indhustri MICE (Meeting, Incentice, Convention and Exhibition) utawa Meeting Industry yaiku INCCA (Indonésia Congress and Convention Association) ing taun 2005 mbukak program studi MICE ing sangisoré jurusan Administrasi Niaga level Diploma IV. Iki minangka lembaga pendhidhikan kang pisanan mbukak kajian MICE nganti lèvel program studi, amarga perguruan dhuwur liya kajian MICE mung dadi konsèntrasi waé malaham mung waton dadi matakuliah tèmpèlan.

Fasilitas

[besut | besut sumber]
  • Gedhung Direktorat
  • Gedhung Serbaguna
  • Kapustakan punjer
  • Masjid Darul Ilmi
  • Koperasi mahasiswa
  • Kantin
  • ATM
  • Bus Poltek
  • Fasilitas ulah raga
  • Pusat kagiyatan mahasiswa

Rujukan

[besut | besut sumber]
  1. ↑ "Jurusan Tèknik sipil". Diarsip saka sing asli ing 2011-08-04. Dibukak ing 2011-07-09.
  2. ↑ "Jurusan tèknik mesin". Diarsip saka sing asli ing 2011-08-04. Dibukak ing 2011-07-09.
  3. ↑ "Jurusan tèknik èlèktro". Diarsip saka sing asli ing 2011-08-04. Dibukak ing 2011-07-09.
  4. ↑ "Jurusan Akuntansi". Diarsip saka sing asli ing 2011-08-04. Dibukak ing 2011-07-09.
  5. ↑ "Jurusan Administrasi niaga". Diarsip saka sing asli ing 2011-08-04. Dibukak ing 2011-07-09.
  6. ↑ "Jurusan Tènik grafika lan penerbitan". Diarsip saka sing asli ing 2011-08-04. Dibukak ing 2011-07-09.

Pranala njaba

[besut | besut sumber]
Dijupuk saka "https://jv.wikipedia.org/w/index.php?title=Politèknik_Negri_Jakarta&oldid=1663055"