Dalan tol

Saka Wikipédia Jawa, bauwarna bébas abasa Jawa
Dalan to

Dalan tol ing Indonésia uga diarani jalan bébas hambatan ya iku salah sawijiné dalan kanggo alternatip ngurangi macet lan kanggo nglancaraké lalu lintas utawa kanggo nyidhat saka panggonan siji tumuju panggonan liyané.[1] Nalika liwat ing dalan tol, kudu mbayar tol.[1]Tarif tol lumrahé gumantung karo jinis kendaraan utawa golongan kendaraan.[1]

Ing basa Indonésia, dalan tol duwé padan tembumg karo dalan bébas hambatan, nanging istilah iki kurang bener.[1] Awit ana dalan bébas hambatan kang ora prelu mbayar.[1] Dalan kang kaya ngéné iki diarani freeway utawa expressway (free tegesé "gratis". Déné dalan bébas hambatan kang mbayar diarani tollway utawa tollroad (tembung toll tegesé "biaya").[1]

Dalan tol uga dadi beteng kanggo ngalangi tsunami.[2] Kadadéan iki kaya ta ing kutha Iwanuma ing Prefektur Miyagi, Jepang.[1] Dalan tol kang dadi beteng nalika ana tsunami bisa ngurangi karusakan ing kutha iku.[2] Dalan tol dadi palang saéngga tsunami ora langsung ngebyuk ing kutha iku.[2] Dalan tol diyasa nganggo dana APBN kanthi dana kang kanggo yasa infrastruktur.[1] Dalan tol iki kaya ta papat dalan trans Jawa.[1] Dalan tol trans Jawa iki kaya ta dalan tol Mantingan-Ngawi kang dawané 37 kilométer, Ngawi-Kertosono kang dawané 87 kilomèter, Kertosono-Mojokerto dawané 40 kilométer, lan Mojokerto-Surabaya kang dawané 36 kilomèter.[1]

Saliyané iku uga dalan tol nontrans Jawa, ya iku dalan tol Gempol-Pandaan kang dawané 14 kilomèter, Gempol-Pasuruan dawane 34 kilométer, Waru (Aloha)-Wonokromo-Tanjung Pérak dawané kurang luwih 18,6 kilométer, lan Pasuruan-Probolinggo dawané 45 kilométer.[1] Saliyané iku ing kutha-kutha gedhé kaya ta Jakarta, Bandung, Bogor uga diyasa dalan tol kanggo ngubungaké kutha-kutha iki karo kutha-kutha ing saubengé.[1]

Sajarah[besut | besut sumber]

Sajarah tol noléh ing jaman mitologi Yunani, para tukang tambang olèh gawéan Charon tol kanggo gawa kang wis mati ing kali Acheron lan Styx menyang Hades. Nék bayar tol, Charon diangkat menyang pinggir kali. Nek ora, iku bisa ndadékake antarané urip karo mati saklawasé. Akeh dalan-dalan ing Éropah kang modhèren diyasa dadi dalan tol kanggo nutupi biaya kontruksi.

Delengen uga[besut | besut sumber]

Cathetan suku[besut | besut sumber]

  1. ^ a b c d e f g h i j k l tempo.co(dipunundhuh tanggal 3 Juli 2011)
  2. ^ a b c internasional.kompas.com(dipunundhuh tanggal 3 Juli 2011)