Mitologi Yunani

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pertemuan Para Dewa, dening Jacopo Zucchi .
Wikibooks
Wikibooks gadhah buku kanthi sesirah

Mitologi Yunani ya iku kumpulan mitos lan legenda kang asale saka Yunani Kuna lan isine kisah-kisah ngenani dewa lan pahlawan, sifat donya, lan asal usul uga teges saka ritual lan kultus wong-wong Yunani Kuna.[1] Mitologi Yunani mujudaké bagéyan saka agama ing Yunani Kuna.[1] Para sejarawan modern nyinauni mitologi Yunani kanggo mangerteni kahanan pulitik, agama, lan peradaban kang ana ing Yunani Kuna, lan uga kanggo golèk pemahaman ngenani pembentukan mitos iku.[1] Sing akeh dewa Yunani digambarake kaya manungsa, dilairke nanging ora tau ngalami wayah tua, ora tedas apa wae lan uga bisa ora katon, lan saben dewa nduweni karakteristik kang béda-béda.[1] Merga saka kuwi, para dewa uga nduwèni gelar kanggo karakteré, kang dimungkinaké uga luwih saka sisji.[1] Dewa-dewi iki kadang kala uga mbantu manungsa, lan uga nglakoni katresanan karo bangsa manungsa lan bisa ngasilake anak, kang awujud manungsa setengah dewa.[1] Anak-anak saka para dewa lan manungsa iku kang sakbanjure didadekake pahlawan.[1] Mitologi Yunani kanthi eksplisit ana ing kumpulan crita lan karya seni Yunani Kuna, kaya lukisan vas lan benda-benda ritual kanggo dewa.[2] Mitologi Yunani njlentrehake asal mula donya lan nyritakake kehidupan lan petualangan saka dewa, dewi, pahlawan, lan makhluk-makhluk mitologi.[2] Mitologi Yunani wiwitane disebarake kanthi cara tradisi lisan.[2] Saiki saperangan informasi kang ngenani mitologi Yunani bisa digoleki ana ing sastra Yunani. Sumber literatur Yunani paling tua yaiku wiracarita Iliad lan Odisseia kang isine kisah kang pusate ana ing peristiwa ngenani Perang Troya.[2] Sakliyane kuwi puisi karya HesiodosTheogonia lan Erga kai Hemerainyritakake ngenani penciptaan donya, pergantian kekuasaan dewa, pergantian jaman manungsa, asal mula kesengsaraan manungsa, lan asal mula ritual kurban.[2] Mitologi Yunani uga ana ing Himne Homeros, wiracarita saka Siklus Epik, karya seni tragedi saka abad kaping lima, tulisan-tulisan para sejarawan lan penyair saka jaman Yunani Kuna, lan uga naskah kuna saka Kekaisaran Romawi karya penulis-penulis kaya Plutarkhos lan Pausanias.[2]

Sumber[sunting | sunting sumber]

Panemon-panemon arkeologi wis nuduhake sumber-sumber wigati ngenani rincian mitologi Yunani, yaiku ngenani para dewa lan pahlawan akeh ana ing dekorasi ing artefak.[2] Desain geometris ing tembikar saka abad kaping wolu SM nggambarake adegan-adegan saka siklus Troya sakliyane saka petualangan Herakles.[2] Sumber-sumber iku nambahi bukti kang wis ana.[3] Mitologi Yunani wis menehi pengaruh budaya, seni, lan sastra dunia kulon lan terus dadi bagean saka warisan lan basa kulon.[3] Wiwit jaman kuna nganti tekan saiki, akeh penyair lan seniman kang njupuk inspirasi saka mitologi Yunani, lan menokake relevansi lan makna kontemporer ana ing tema-tema mitologi Yunani.[4]


Cathetan Suku[sunting | sunting sumber]

  1. ^ a b c d e f g "Volume: Hellas, Article: Greek Mythology". Encyclopaedia The Helios. (1952). 
  2. ^ a b c d e f g h (id)id.shvoong.com Mitologi Yunani
  3. ^ a b "Greek Mythology". Encyclopaedia Britannica. (2002). 
  4. ^ J.M. Foley, Homer's Traditional Art, 43
Sumber artikel punika saking kaca situs web: "http://jv.wikipedia.org/w/index.php?title=Mitologi_Yunani&oldid=832062"