Magister

Saka Wikipédia Jawa, bauwarna mardika basa Jawa

Magister (Inggris: graduate) iku sesebutan akademik kang dianugerahaké marang lulusan program pendhidhikan Magister (S-2). Sacara normatif dibutuhaké wektu 1,5 (siji setengah) nganti 2 (rong) taun, nanging ana uga kang ngrampungaké sajeroning setaun utawa punjul 2 (rong) taun. Bab iki gumantung saka kawicaksanan paguron dhuwur kang dikukuhaké. Karya ilmiah kang diwajibaké lan minangka syarat kanggo ngantukaké sesebutan sarjana diarani tesis.

Sesebutan magister ing Indonésia[besut | besut sumber]

Ing Indonésia, sesebutan magister diatur déning senat paguron dhuwur lan ditulis ing mburi jeneng kang duwé kanthi nyantumaké aksara M diiloni inisial babagan studi. Sesebutan magister kang ana ing Indonésia antarané:

Sesebutan magister ing nagara liya[besut | besut sumber]

Sesebutan magister ing nagara liya antarané Master of Business Administration. Ing Karajan Manunggal sesebutan magister kadhangkala dianugerahaké marang lulusan program undergraduate kang ing taun pungkasan olèh wulangan tingkat-dhuwur lan proyek riset utama. Sajeroning sistem baku diploma pendhidhikan dhuwur Éropah anyar iki, program iki minangka sawiji program graduate rong taun kang diiloni sawisé sinau undergraduate sajeroning telung taun lan minangka persiapan kanggo pagawéan kualifikasi-dhuwur utawa nggayuh dhoktor. Ing nagara-nagara liya uga misuwur sesebutan Master of Arts lan Master of Science. Sesebutan M.A. dianugerahaké marang para sarjana kang nempuh pendhidhikan lanjut sajeroning babagan liberal arts, kaya déné psikologi, pendhidhikan, lan liya-liyané. Sesebutan M.Sc. kanthi mligi dianugerahaké marang para sarjana kang nempuh pendhidhikan lanjut sajeroning babagan sains lan ngutamakaké cara pétungan, umpamané matématika, tèhnik, lan ékonomi.

Uga delengen[besut | besut sumber]

Pranala njaba[besut | besut sumber]