Wong Batak

Saka Wikipédia, bauwarna bébas basa Jawa
(Dilih saka Suku Batak)
Omah Adhat Batak

Wong Batak utawa Suku Batak iku suku bangsa ing Indonésia.[1] Jeneng iki kalebu jeneng terma kolèktif kanggo ngidentifikasi suku bangsa kang manggon saka Tapanuli lan Sumatra Wétan, ing Sumatra Lor.[1] Suku bangsa kang kagolongaké kanthi jeneng suku Batak ya iku: Batak Toba, Batak Karo, Batak Pakpak, Batak Simalungun, Batak Angkola, lan Batak Mandailing.[1]

Akeh-akehé wong Batak ngugemi agama Kristen lan sisané ngugemi agama Islam.[1] Ananging ana uga suku Batak kang ngugemi agama Malim lan ngugemi kapercayaan animisme kang diarani Sipelebegu utawa Parbegu.[1] Ananging cacahé wong kang nganut kapitayan iki sangsaya suda.[1]

Sejarah[besut | besut sumber]

Wong Batak kalebu ras Mongoloid Kidul kang basané Austronesiaananging durung dingerteni kapan leluhur wong Batak kang sepisanan manggon ing Tapanuli lan Sumatra Wétan.[1] Basa lan bukti-bukti arkéologi kang nuduhaké yèn wong kang nggunakaké basa Austronesia saka Taiwan wis pindah ing Filipina lan Indonésia kurang luwih 2.500 taun kepungkur ya iku nalaika jaman batu muda (Neolitikum).[1] Miturut legenda kang dipercaya masyarakat batak, suku Batak asalé saka pusuk buhit ing laladan sianjur Mula-mulakang manggon ing kulon Pangururan ing pinggiran danau Toba.[1] Miturut ahli sejarah Batak nerangaké yen Raja Batak lan rombongané asalé saka Thailand kang nyebrang ing Sumatra lumantar Ujung Malaysia lan pungkasané tekan Sianjur Mula mula lan manggon ing kono.[1] Saka prasasti kang ditemokaké Portibi kang tinulis taun 1208 lan diwaca karo Prof.Nilakantisari ya iku Guru Besar ahli Kepurbakalaan kang asale saka Madras, India nerangaké yèn nalika taun 1024 kerajaan Cola saka India nyerang Sriwijaya lan nguwasani laladan Barus.[1] Pasukan saka kerajaan Cola iku kalebu wong-wong Tamil.[1] Iki amarga ditemokaké wong Tamil kang cacahé 1500 wong ing Barus nalika iku.[1] tamil iku suku kang manggon ing India.[1] Amarga krajaan Coe nyerang, siRaja Batak lan rombongané lunga nganti laladan portibi ing kidul Danau Toba lan saka kené siRaja Batak wiwit nyekel lan dadi pemimpin perang.[1] Suku Batak nduwèni kabudayaan kang jenengé ulos Batak.[2]

Cathetan suku[besut | besut sumber]

  1. ^ a b c d e f g h i j k l m n o (id)sosbud.kompasiana.com(dipunundhuh tanggal 27 Agustus 2011)
  2. ^ (id)bersamatoba.com(dipunundhuh tanggal 27 Agustus 2011)


Sumber artikel punika saking kaca situs web: "https://jv.wikipedia.org/w/index.php?title=Wong_Batak&oldid=1048817"