Reims

Saka Wikipédia, bauwarna bébas basa Jawa
Reims
250px
(Lambang Kitha Reims (hôtel de ville))
Kitha Reims

Logo Reims

Blason Reims 51.svg
Nagara Prancis
Wewengkon Administratif Champagne-Ardenne
Dhépartemèn Marne
Gubernur Adeline Hazan (2008 - 2014)
Wewengkon
 - Wiyaripun:

47,02 km²
Padunung
 - Total (2004):
 - Kapadhetan:

179 992 (2010)
318 000/km²

Reims (play /ˈrmz/; utawi Rheims; French: [ʁɛ̃s]), inggih punika salah satunggaling kitha ing Prancis ingkang mlebet wewengkon administratif Champagne-Ardenne.[1] Saking Kitha Paris tebihipun watawis 130 km utawi 80 mil sisih lèr wétan.[2]

Reims kalebet kitha seni lan sajarah ing Prancis ingkang sampun dipunakeni minangka Situs warisan donya UNESCO.[3] Kajawi punika Reims ugi misuwur minangka kitha sampanye lan tèkstil.[4] Sampanye lan tèkstil punika dados satunggaling kakiyatan ékonomi Reims.[4]

Reims dipunsebat dados salah satunggalipun kitha penting lan gadhah pangaribawa ingkang ageng tumrap sajarah Prancis.[4] Bab punika dipunsebabaken amargi Reims asring kanggé pahargyan (upacara) ingkang penting ing salebetipun sajarah monarki Prancis.[1] Sampun langkung saking sedasa abad dangunipun Reims dipundadosaken kanggé jumenengan raja-raja Prancis.[1] Kacathet wiwit saking Louis ingkang Saléh ing taun 816 M ngantos dumugi Charles X taun 1825 M dipunjumenengaken ing kitha punika.[1] Awit saking punika Reims misuwur minangka Kitha Jumenengan utawi Kitha Raja.[5]

Sajarah Reims[besut | besut sumber]

Miturut sajarah, Kitha Reims dipunjumenengaken déning Rémus, lan kalebet kitha ageng ing wekdal Kakaisaran Romawi.[2][6] Sadèrèngipun gadhah nami Reims, kitha punika dipunsebat Kitha Remi.[3] Déning Suku Celtik ingkang gesang ing Kitha Reims, kitha punika dipunsebat Kitha Remes.[6] Wonten ugi pamanggih bilih tembung Reims asalipun saking tembung Rèmes.[7] Bilih wekdal semanten kutha krajannipun Rèmes ing Kitha Durocorter, ingkang éwah dados Durocortorum ing mangsa Romawi.[7] Tembung Durocortorum asalipun saking tembung duroingkang tegesipun bèntèng ingkang arupi paredèn.[7]

Watawis taun 80 SM, kitha Reims dipunwangun Oppidum Rémus sasampunipun penaklukan Romawi.[6] Kitha punika ugi dipunwangun déning 260 kauskupan Reims.[6] Sadangunipun invasi ageng, wonten 407 uskup Reims dipun-pejahi déning Nicaise Vandal.[6]

Taun 459 M Reims dados punjering wewengkon Austrasia, ingkang mlebet ing wewengkon punika kados nagara Prancis, Jerman, Belgia, lan Walanda.[3] Taun 816 wonten jumenengan raja kapisanan Reims inggih punika Raja Louis ingkang Saleh.[8] Upacara ingkang dipunwontenaken ngantos gangsal jam punika dipuntindakaken ing Katedral Notre-Dame.[8] Sasampunipun pahargyan jumenengan purna, dipunlajengaken jamuan ing Istana Tau lan ziarah dhateng pasaréyanipun uskup Remi, ing Basilika.[8] Jumenengan raja ing Reims ingkang paling ageng punika nalika jumenenganipun Charles VII nalika tanggal 17 Juli 1429.[8] Wonten 33 gunggungipun raja Prancis ingkang jumenengan ing Kutha Reims, lan ingkang paling pungkasan punika [Charles X ing taun 1825.[8]

Wonten abad parotengah, Reims dados wewengkon ing Prancis ingkang makmur amargi prodhuksi tèkstil lan sampanye.[8] Raja Louis XIV marentahaken supados nambahi wiyaripun kebon anggur.[8]

Révolusi Indhustri ingkang ngrembaka ing Éropah ugi mengaruhi éwahipun tatanan Reims.[8] Kathah wewangunan dipunwangun nggantosaken wewangunan sadèrèngipun.[8] Maneka pepanggihan internasional ugi dipunwontenaken ing Kutha Reims ing kawitaning abad 20.[8] Salajengipun wonten Perang Donya I, nalika tanggal 4 September 1914, prajurit Jerman nyerang dhateng Reims.[8] Jerman ngupadi nguwaosi Reims kanthi cara ngepung lan ngebom ngantos tigang setengah taun.[8] Pangepungan dipunpungkasi kanthi risakipun 80 persèn kitha lan sédanipun 5.000 kurban perang.[8]

Tanggal 7 Mei 1945 sasampunipun Perang Donya II, utusan saking Jerman napakasmani wangsulipun wewengkon Reims dhateng Prancis.[9]

Géografi[besut | besut sumber]

Papan dunungipun[besut | besut sumber]

Wewengkon Reims

Reims dumunung ing Prancis Wétan, salèr-kilèn saking Merne lan kilènipun wewengkon Champagne-Ardenne.[10] Kitha punika ugi dumunung ing wewatesan antawisipun Prancis lan Jerman.[10] Kutha punika tebihipun 130 km saking Paris, 157 km saking Métz, 168 km saking Lille, 282 km saking Strasbourg.[10] Ing tingkat régional, Reims dumunung 25 km sisih lèr Kutha Troyes.[10] Reims mapan ing 49,258 drajat lintang lèr lan 4,031 drajat lintang wétan.[11] Kitha ingkang paling caket kaliyan Kitha Reims inggih punika: Tinqueux ingkang tebihipun 3,01 km, Saint-Brice-Courcelles tebihipun 3,29 km, Bétheny tebihipun 3,68 km, Cormontreuil tebihipun 4,18 km, Champigny tebihipun 4,25 km, Bezannes tebihipun 5,02 km, Cernay-lès-Reims tebihipun 5,32 km, lan Thillois tebihipun 5,60 km.[11]

Géologi[besut | besut sumber]

Reims dumunung ing sapinggiring cekungan sédhimèn ingkang jero.[12] Ing sisih kidul wonten Pagunungan Montagne ing Reims, ingkang dados sumbering Anggur paling saé kanggé ndamel sampanye, ing sisih lèr-kidul wonten Pagunungan St Thierry lan ing wétan wonten Gunung Berru.[12]

Iklim[besut | besut sumber]

Pagunungan Kitha Reims

Iklim ing Reims punika teles kanthi iklim segara.[13] Hawa ing kitha punika asrep ing mangsa jawah salju lan garing menawi mangsa bentèr (panas).[13] Tingkat curah jawah saben taunipun kinten-kinten 604 mm/taun.[13] Nalika wekdal mangsa bentèr ing Éropah taun 2003, rekor témperaturipun 21,3 ° C ing tanggal 13 Agustus, lan maksimum témperatur punika 39,3 °C nalika 12 Agustus.[14] Digit ingkang kapisan ing tanggal 20 Agustus 2009 kanthi suhu 21,9 °C.[14] Ngengingi cathetan jawah, dipunasilaken data 69,2 Milimèter ing tanggal 4 Juli 2006.[14] Cathetan suhu ing wulan Juni kacathet 36,7 °C, ingkang dumados tanggal 28 Juni 2011.[14][15]

Wonten ing Kitha Reims ugi wonten stasiun cuaca (watawis 11 km saking Katedral Reims), dumunung ing sisih wétan-kidul lapangan udhara Prunay, Reims.[16] Stasiun Reims-Courcy (watasis 8 km saking Katedral), dumunung ing sisih lèr Reims caket kaliyan landhesan pacu saking pangkalan udhara.[16]

Populasi[besut | besut sumber]

Tabel ing ngandhap nedahaken cacahing padunung Kitha Reims taun 1968-2007.[17]

Populasi padunung Reims taun 1968-2007
2007 1999 1990 1982 1975 1968
Cacahipun 183 500 187 181 180 620 177 234 178 381 154 534
  • Ngéngingi dhistribusi padunung jaler lan èstri miturut umur ing Kitha Reims dipunjlèntrèhaken ing ngandhap:[17]
Dhistribusi padunung jaler lan èstri Kitha Reims miturut umur ing taun 2007
0-14 taun 15-29 taun 30-44 taun 45-59 taun 60-74 taun 75-90 taun ≥ 90 taun
Cacahipun (jaler) 15 405 26 038 17 917 14 825 8 184 4 092 229
Cacahipun (èstri) 14 641 27 612 17 943 17 194 10 312 8 093 1 013
  • Ngéngingi angka kalairan lan angka tilar donya ing Kitha Reims dipunjlèntrèhaken ing ngandhap:[17]
Angka kalairan lan tilar donya ing Kitha Reims taun 1999-2008
2008 2007 2006 2005 2004 2003 2002 2001 2000 1999
Angka Kalairan 2 533 2 549 2 498 2 597 2 553 2 525 2 608 2 798 2 765 2 757
Angka Tilar Donya 1 516 1 435 1 404 1 418 1 471 1 545 1 505 1 489 1 501 1 523

Transportasi[besut | besut sumber]

Jinis-jinis transportasi ingkang dipunginakaken ing Reims inggih punika:

Transportasi Trèm[besut | besut sumber]

transportasi trèm

Reims punika kitha ingkang dipunwangun ing sapinggiring Prancis, dumunung ing Île-de-France, caket kaliyan nagara Belgia, Luksemburg lan Jerman.[18] Transportasi kapisan ing Reims dipundamel taun 1872, dipundamel kalih lajur margi, saking arah lèr-kidul lan wétan-kilèn.[19] Awit suksésipun damel margi punika saged nuwuhaken pambikaan margi-margi sanèsipun ing Kitha Reims.[19] Ananging, awit taun 1881 lan saterasipun, margi kalih lajur kalawau dipunwiyaraken malih dados sekawan lajur.[19] Panambahan punika dipunginakaken kanggé margi transportasi trèm turangga.[19]

Ing kawitanipun abad ka-20, ing Reims dipundamel ril kanggé trèm listrik.[19] Nalika Perang Donya Kapisan, margi trèm punika risak, lan jaringan transportasi kalawau dipunwangun malih ing taun 1920-an.[19] Bis pisanan wonten ing Kitha Reims nalika taun 1932, ingkang salajengipun saged ngirangi pangginaan trèm.[19] Trèm ingkang pungkasan dipunginakaken taun 1939.[19] Wekdal taun 1952, parusahaan transportasi éwah status dados Reims Perkotaan.[20] Jaringan transportasi dados ageng malih ing taun 1975 ing sadaya kitha ing dhistrik Reims; Bétheny Bezannes Cormontreuil, Saint-Brice-Courcelles lan Reims.[20] Reims ugi wiwit ngginakaken bis lan modérnisasi jaringan.[20] Sasampunipun prakawis pangginaan trèm kapisan taun 1980 boten kasil, taun 2011 transportasi trèm dipunaktifaken malih ing Reims.[20] Panjang rute-nipun 11,2 km lan dipunjangkepi kanthi 23 stasiun.[20]

Transportasi Sepur[besut | besut sumber]

Wonten tigang stasiun ingkang wonten ing Kitha Reims.[21] Stasiun sepur ingkang utami punika stasiun paling sepuh.[21] Stasiun sepur kapisan dipunwangun taun 1877.[21] Sapunika dipunlayani TER Champagne-Ardenne lan TER Picardie.[22] Kitha tujuan sepur kados kitha: Amiens, Cambrai, Chalons-en-Champagne, Charleville-Mézières, Château-Thierry, Dijon, Epernay, La Ferte-Milon, Métz lan Sédan.[22] Sepur TGV ugi mandheg ing stasiun TGV Champagne-Ardenne ingkang mapan ing Kitha Bezannes.[22] Stasiun Reims dumunung sacaketing griya sakit Reims.[22] Stasiun ingkang kaping tiga stasiun D'Esperey Franchet, dipunbikak ing wulan Oktober 2009, béaya damel stasiun D'Esperey Franchet punika ngantos 3,2 yuta euro.[22]

Transportasi Dirgantara[besut | besut sumber]

Tanggal 30 Oktober 1908 Henri Farman, saking Biplan Voisin, ndamel rintisan trasnportasi udhara (dirgantara) saking kitha satunggal dhateng kitha sanèsipun, nyambungaken antawisipun kamp militér Reims Chalons-en-Champagne.[23] Ing abad ka-20 dipunwangun papan anggegana sipil kapisan ing Reims.[24] Papan anggegana punika dipuntutup tanggal 30 Juni 2006.[24] Reims taksih nggadhahi setunggal papan anggegana, inggih punika Papan Anggegana Prunay ingkang manggén ing sisih wétan-kidul Kitha Reims.[25]

Prakawis Pambangunan[besut | besut sumber]

Satunggaling griya kanthi taman ing Kitha Reims

Kitha Reims gadhah rencana ngembangaken prakawis pambangunan kanthi nglibataken tigang perusahaan arsitèktur (Christian Devillers, Bruno Fortier lan Philippe Panerai).[26] Pambangunan kutha Reims dipunbahas ing Dhéwan Pangembangan Laladan Reims kanthi pambiyantu tigang perusahaan arsitèktur kasebat ing manéka warni prakawis (perencanaan kutha, ékonomi, griya, pendhidhikan, lan transportasi).[26] Parencanaan pembangunan Reims taun 2020 dipunrencanakaken badhé nambah wiyaripun margi lan papan-papan sanèsipun kados taman, kebon, lan gréja.[12]

Ngéngingi cacahipun griya ing Kitha Reims taun 2007 wonten 95.408, kapérang saking 88.421 griya utami, 957 griya cadhangan, lan 6.030 griya kothong.[27]

  • Cacahipun griya ing Reims nggadhahi parincén:
    • Ingkang gadhah griya piyambak 25,1% kanggé rata-rata nasional 55,3%;
    • Ingkang nyewa punika 71,6% kanggé rata-rata nasional agengipun 39,8%;
    • Ingkang gratis punika 3,3% kanggé rata-rata nasional agengipun 4,9%;
  • Cacahipun wangunan ing Reims adhedhasar jinis wewangunan:
    • Griya: 22,3% kanggé rata-rata nasional 56,8%;
    • Apartemén: 74,4% kanggé rata-rata nasional agengipun 40,4%;[5]
    • Jinis-jinis akomodhasi: 3,3% kanggé rata-rata nasional 2,8%.[28]
    • Reims ugi dipunjangkepi kanthi 82 taman, 14 papan wisata.[5]
    • Amargi gadhah poténsi pariwisata, ing Kitha Reims kathah wangunan hotèl.[29] Kinten-kinten wonten 55 hotèl lan aréa parkir ing Kutha Reims.[29]

Papan Wisata[besut | besut sumber]

Muséum[besut | besut sumber]

Muséum Saint-Remi Reims.

Reims nggadhahi manéka warni muséum.[30] Muséum paling sepuh punika Muséum Seni Beaux ing Reims ingkang dipundamel taun 1794.[30] Wangunan sanèsipun kados Gréja Saint-Denis dipunwangun taun 1908.[30] Biara punika taksih njagi manéka karya seni abad ka-15 ngantos abad ka-20.[30] Wonten ugi Muséum Seni ing Champagne-Ardenne ingkang nyimpen koléksi 600 karya seni lukisan, fotografi, gambar vidéo, lan sanès-sanèsipun.[31] Muséum Vergeur satunggalipun muséum sepuh ing Reims.[32] Muséum Vergeur nggadhahi koléksi awit abad ka-20, 50 koléksi lukisan karya Albert Durer, karya saking Asia abad ka-19 ingkang dipunkempalaken Hugues Krafft.[32]

Muséum Saint-Remi Reims, satunggalipun muséum ingkang nyimpen koléksi sejarah lan arkéologi saking Reims.[33] Muséum Saint-Remi ing Reims mapan caket kaliyan Katedral Reims.[34] Ing muséum Saint-Remi dipunsimpen koléksi tilaranipun Charles X.[34]

Wisata Situs Warisan Donya Reims[besut | besut sumber]

Ing taun 1991 Kitha Reims dipunpilih minangka kitha warisan donya déning UNESCO.[35] Bilih wangunan ing Reims ingkang mlebet warisan donya inggih punika:

Wisata musik[besut | besut sumber]

Kitha Reims awit taun 1994 gadhah wangunan mligi dipunginakaken kanggé giyaran musik.[36] Wangunan punika ugi dipunginakaken kanggé sinau babagan musik, tari, lan téater.[36] Paling boten wonten 100 konsér ing saben taunipun.[36] Reims nggadhahi kalih wangunan auditorium kanthi 400 kursi ugi dipunjangkepi kanthi piranti akustik lan studiyo dansa.[36]

Ing Kitha Reims ugi wonten panggénan gedhung centre national de création musicale utawi gedhung musik nasional ingkang wiyaripun 500 m2.[37] Piranti musik ing wangunan punika kalebet salah satunggalipun piranti musik paling saé ing Prancis lan Éropah.[37] Tanggal 25 Februari 2005 ing Kutha Reims dipunwangun La Cartonnerie kanthi wiyar 4.000 m2.[38] Wangunan punika dipun-ginakaken kanggé giyaran musik kontemporér.[38] Ing La Cartonnerie saben taunipun dipungiyaraken manéka konsér ngantos 80 konsér musik (rock, hip-hop, éléktro, lan sanèsipun).[39]

Wisata sanès[besut | besut sumber]

Ing Kitha Reims wonten wangunan perpustakaan ingkang cacahipun wonten pitu lan mapan sacaketipun Katedral Reims.[40] Salah satunggalipun, Perpustakaan Jean-Falala ingkang dipunbikak 14 Mei 2003 nggadhahi wiyar 6500m² lan dipunbikak kanggé bebrayan umum.[40] Reims ugi gadhah Perpustakaan Carnegie, kalebet perpustakaan Kitha Reims ingkang dipunwangun kanggé panaliten.[41] Dipunwangun taun 1921 lan dipunresmékaken tanggal 10 Juni 1928 déning Présidhén Gaston Doumergue.[41]

Wangunan Opera House utawi Gedhung Opera Reims ingkang dipunwangun déning arsitèk Reims Alphonse Gosset lan dipunresmékaken ing taun 1873.[42] Sasampunipun risak ing wulan Septémber 1914 amargi Perang Donya I, wangunan punika dipunwangun malih taun 1931 kanthi dipunpandhégani arsitèk Mesh Sollier.[42] Gedhung Opera punika ngandhut seni wangunan gaya Art Deco khas saking Italia.[42]

Wonten wangunan punjering/pusat budaya Reims, inggih punika Gedhung Punjering Budaya Saint-Exupéry.[43] Gedhung awujud aula punika dipundamel kanggé partisipasi ing pangembangan budaya Reims.[43]

Papan Ibadah ing Reims[besut | besut sumber]

Ibadah Katolik[besut | besut sumber]

Ibadah Yahudi[besut | besut sumber]

Ibadah Islam[besut | besut sumber]

Unjukan lan Kulinér[besut | besut sumber]

Sampanye, unjukan khas Kutha Reims
biskuit Abrit-Eném, kulinér saking Reims

Reims gadhah prodhuk pinunjul saking wewengkon Ardenne.[63] Saking Ardenne dipunasilaken sampanye ingkang sampun misuwur lan kalebet sumbering ékonomi Reims.[63] Sanajan ing Reims namung wonten sakedhik kebon anggur, namung 50 hèktar kémawon.[63] Sampanye punika dipunékspor ing saben taunipun 80 yuta botol.[63] Déné parusahaan ingkang ngasilaken Sampanye ing Reims inggih punika:Henri Abele, Boizel-Canon-Lanson-Bruno Paillard, Charles De Cazanove, GH Martel, GH Mumm, Henriot, Krug, Louis Roederer, Piper-Heidsieck, Charles Heidsieck, Ruinart, Taittinger-Irroy, Veuve Clicquot, lan Vranken-Pommery.[63] Ing Kitha Reims dipunwangun gedhung utawi lembaga mligi kanggé maméran prodhuk-prodhuk sampanye.[63] Déné jinisipun sampanye ingkang dipunasilaken punika sampanye warni abrit, pethak, lan warni sekar mawar.[64] Sampanye punika dipunékspor ing saben taunipun 80 yuta botol.[63]

Dhaharan khas (kulinér) sanèsipun punika sajinis roti ingkang nami biskuit Abrit-Eném saking Reims.[5] Roti punika dipundamel kapisanan ing taun 1691 déning tukang damel roti ing Reims.[64] Biskuit Abrit-Eném saking Reims dipundamel kanthi campuran vanili.[64] Sampun dados adat ing Reims dhaharan roti/biskuit punika dipundhahar kanthi cara dipuncemplungaken ing sampanye.[64] Roti tradisi Reims kathahipun dipunprodhuksi ing Griya Fossier ingkang mrodhuksi 50%.[65] Dhaharan khas Reims punika sampun dados tradisi awit abad parotengah.[66] Sanèsipun Biskuit Abrit-Eném ugi wonten Roti jaé.[67] Prodhuksi roti jaé ing Reims sampun wonten awit abad ka-16.[67] Ing wekdal semanten roti dipunprodhuksi piyambak-piyambak.[67] Roti Jaé misuwur ing taun 1783 ngangos gadhah jejuluk "roti paling kinurmatan".[67] Roti jaé dipundamel saking adhonan glepung gandum, madu, kayu manis, lan jaé.[67]

Kitha Kembar[besut | besut sumber]

Reims gadhah kitha kembar, kados kutha:

Tiyang Misuwur[besut | besut sumber]

Robert Pirès, pemain bal saking Reims

Reims nggadhahi tokoh utawi tiyang-tiyang misuwur, kados kaserat ing ngandhap punika:

Logo Reims[besut | besut sumber]

Blason de Reims Reims
  • Kalih karangan sekar kanthi pikajeng: "Gusti Allah wonten ing salebeting batos".[82]


Cathetan Suku[besut | besut sumber]

  1. ^ a b c d (en)Lua error nèng package.lua larik 80: module 'Modul:Citation/CS1/Suggestions' not found.
  2. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  3. ^ a b c (en)Lua error nèng package.lua larik 80: module 'Modul:Citation/CS1/Suggestions' not found.
  4. ^ a b c (en)Lua error nèng package.lua larik 80: module 'Modul:Citation/CS1/Suggestions' not found.
  5. ^ a b c d e (fr)Lua error nèng package.lua larik 80: module 'Modul:Citation/CS1/Suggestions' not found.
  6. ^ a b c d e (en)Lua error nèng package.lua larik 80: module 'Modul:Citation/CS1/Suggestions' not found.
  7. ^ a b c (en)Lua error nèng package.lua larik 80: module 'Modul:Citation/CS1/Suggestions' not found.
  8. ^ a b c d e f g h i j k l m (en)Lua error nèng package.lua larik 80: module 'Modul:Citation/CS1/Suggestions' not found.
  9. ^ (en)Lua error nèng package.lua larik 80: module 'Modul:Citation/CS1/Suggestions' not found.
  10. ^ a b c d (fr)Lua error nèng package.lua larik 80: module 'Modul:Citation/CS1/Suggestions' not found.
  11. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  12. ^ a b c (en)Lua error nèng package.lua larik 80: module 'Modul:Citation/CS1/Suggestions' not found.
  13. ^ a b c (en)Lua error nèng package.lua larik 80: module 'Modul:Citation/CS1/Suggestions' not found.
  14. ^ a b c d (fr)Lua error nèng package.lua larik 80: module 'Modul:Citation/CS1/Suggestions' not found.
  15. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  16. ^ a b (en)Lua error nèng package.lua larik 80: module 'Modul:Citation/CS1/Suggestions' not found.
  17. ^ a b c (en)Lua error nèng package.lua larik 80: module 'Modul:Citation/CS1/Suggestions' not found.
  18. ^ (en)Lua error nèng package.lua larik 80: module 'Modul:Citation/CS1/Suggestions' not found.
  19. ^ a b c d e f g h (en)Lua error nèng package.lua larik 80: module 'Modul:Citation/CS1/Suggestions' not found.
  20. ^ a b c d e (fr)Lua error nèng package.lua larik 80: module 'Modul:Citation/CS1/Suggestions' not found.
  21. ^ a b c (fr)Lua error nèng package.lua larik 80: module 'Modul:Citation/CS1/Suggestions' not found.
  22. ^ a b c d e (fr)Lua error nèng package.lua larik 80: module 'Modul:Citation/CS1/Suggestions' not found.
  23. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  24. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  25. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  26. ^ a b (en)Lua error nèng package.lua larik 80: module 'Modul:Citation/CS1/Suggestions' not found.
  27. ^ (en)Lua error nèng package.lua larik 80: module 'Modul:Citation/CS1/Suggestions' not found.
  28. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  29. ^ a b (en)Lua error nèng package.lua larik 80: module 'Modul:Citation/CS1/Suggestions' not found.
  30. ^ a b c d (en)Lua error nèng package.lua larik 80: module 'Modul:Citation/CS1/Suggestions' not found.
  31. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  32. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  33. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  34. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  35. ^ a b c d e f (fr)Lua error nèng package.lua larik 80: module 'Modul:Citation/CS1/Suggestions' not found.
  36. ^ a b c d (fr)Lua error nèng package.lua larik 80: module 'Modul:Citation/CS1/Suggestions' not found.
  37. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  38. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  39. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  40. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  41. ^ a b {{fr}Lua error nèng package.lua larik 80: module 'Modul:Citation/CS1/Suggestions' not found.
  42. ^ a b c (fr)Lua error nèng package.lua larik 80: module 'Modul:Citation/CS1/Suggestions' not found.
  43. ^ a b (fr)Lua error nèng package.lua larik 80: module 'Modul:Citation/CS1/Suggestions' not found.
  44. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  45. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  46. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  47. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  48. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  49. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  50. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  51. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  52. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  53. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  54. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  55. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  56. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  57. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  58. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  59. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  60. ^ (en)Lua error nèng package.lua larik 80: module 'Modul:Citation/CS1/Suggestions' not found.
  61. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  62. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  63. ^ a b c d e f g (fr)Lua error nèng package.lua larik 80: module 'Modul:Citation/CS1/Suggestions' not found. Cacad panyuplik: Invalid <ref> tag; name "Internet26" defined multiple times with different content
  64. ^ a b c d (fr)Lua error nèng package.lua larik 80: module 'Modul:Citation/CS1/Suggestions' not found.
  65. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  66. ^ (fr)Lua error nèng package.lua larik 80: module 'Modul:Citation/CS1/Suggestions' not found.
  67. ^ a b c d e (en)Lua error nèng package.lua larik 80: module 'Modul:Citation/CS1/Suggestions' not found.
  68. ^ (en)Lua error nèng package.lua larik 80: module 'Modul:Citation/CS1/Suggestions' not found.
  69. ^ (en)Lua error nèng package.lua larik 80: module 'Modul:Citation/CS1/Suggestions' not found.
  70. ^ (en)Lua error nèng package.lua larik 80: module 'Modul:Citation/CS1/Suggestions' not found.
  71. ^ (en)Lua error nèng package.lua larik 80: module 'Modul:Citation/CS1/Suggestions' not found.
  72. ^ (en)Lua error nèng package.lua larik 80: module 'Modul:Citation/CS1/Suggestions' not found.
  73. ^ (en)Lua error nèng package.lua larik 80: module 'Modul:Citation/CS1/Suggestions' not found.
  74. ^ (en)Lua error nèng package.lua larik 80: module 'Modul:Citation/CS1/Suggestions' not found.
  75. ^ (en)Lua error nèng package.lua larik 80: module 'Modul:Citation/CS1/Suggestions' not found.
  76. ^ (en)Lua error nèng package.lua larik 80: module 'Modul:Citation/CS1/Suggestions' not found.
  77. ^ (en)Lua error nèng package.lua larik 80: module 'Modul:Citation/CS1/Suggestions' not found.
  78. ^ (en)Lua error nèng package.lua larik 80: module 'Modul:Citation/CS1/Suggestions' not found.
  79. ^ (en)Lua error nèng package.lua larik 80: module 'Modul:Citation/CS1/Suggestions' not found.
  80. ^ (en)Lua error nèng package.lua larik 80: module 'Modul:Citation/CS1/Suggestions' not found.
  81. ^ (en)Lua error nèng package.lua larik 80: module 'Modul:Citation/CS1/Suggestions' not found.
  82. ^ (fr)Lua error nèng package.lua larik 80: module 'Modul:Citation/CS1/Suggestions' not found.

Pranala Njawi[besut | besut sumber]

Commons-logo.svg
Wikimedia Commons gadhah galeri bab:

Wikivoyage   Pirsani pandhuan wisata Reims ing Wikivoyage

Sumber artikel punika saking kaca situs web: "https://jv.wikipedia.org/w/index.php?title=Reims&oldid=1054384"