Setatsiyun sepur

Saka Wikipédia Jawa, bauwarna bébas abasa Jawa
(Dilih saka Stasiun sepur)
Gambar:Sby13.jpeg
Stasiun Surabaya Kota ing taun 1905-an

Setatsiyun sepur utawa uga ditulis minangka setasiyun, tasiyun utawa stasiun iku papan mandheging sepur. Ing papan iki para penumpang bisa munggah-mudhun nalika nganggo sarana transportasi sepur. Saliyané stasiun, ing mangsa kapungkur dikenal uga halte sepur sing nduwèni fungsi amèh padha karo stasiun sepur. Tumrap laladan/kutha sing nembé dibangun manawa stasiun portabel bisa dipigunakaké minangka halté sepur.

Étimologi[besut | besut sumber]

Tembung setatsiyun iku dijupuk saka basa Walanda station (/stat.ˈsʲɔn/, /stɑt.ˈʃɔn/). Banjur basa Walanda njupuk saka basa Prancis Kuna estacion. Nanging ing basa Prancis, setatsiyun sepur iku sajatiné diarani la gare, kejaba setatsiyun métro sing diarani station. Iki tembung silihan saka basa Inggris. Banjur tembung estacion iku saka Latin stātiō utawa stātiōnem.

Fasilitas ing setatsiyun sepur[besut | besut sumber]

Ing Kanada Lor ana Stasiun Portable

Fasilitas stasiun sepur umumé dumadi saka:

  • Palataran parkir ing ngarep setatsiyun
  • Papan adol karcis, lan lokèt informasi
  • Peron utawa ruang tunggu
  • Ruang kepala stasiun, lan
  • Ruang PPKA (Pengatur Perjalanan Sepur) sarta peralatané, kaya sinyal, wèsel (alat pamindah jalur), tilpun, telegraf, lan sapanunggalané.

Setatsiyun gedhé biasané diwènèhi perlengkapan sing luwih akèh tinimbang stasiun cilik kanggo nunjang kenyamanan penumpang lan calon penumpang sepur, kaya ruang tunggu (VIP mawa AC), rèstoran, toilèt, mushola, area parkir, sarana kaamanan (pulisi khusus sepur), sarana komunikasi, dipo lokomotif, lan sarana pangisèn bahan bakar. Ing papan jeneng stasiun sing dibangun ing jaman Walanda, umumé dilengkapi kanthi ukuran èlevasi rata-rata wewengkon iku saka lumahing segara, umpamané Stasiun Bandung ing sangisoré ana tulisané plus-minus 709 mèter.

Setatsiyun gedhé ing Jawa[besut | besut sumber]

Deleng uga: Dhaptar stasiun sepur ing Indonésia

Ing ngisor dhaptar stasiun gedhé:

  1. Stasiun Jakarta Kota - diresmèkaké 1929
  2. Stasiun Tanjung Priok - 1914
  3. Stasiun Gambir (biyèn Weltevreden) - 1914
  4. Stasiun Jatinagara (biyèn Meester Cornelis)
  5. Stasiun Manggarai
  6. Stasiun Pasar Senen
  7. Stasiun Bogor - 1880
  8. Stasiun Bandung
  9. Stasiun Yogyakarta - 1887
  10. Stasiun Solo Balapan - 1876
  11. Stasiun Semarang Tawang - 1873
  12. Stasiun Cirebon - 1920
  13. Stasiun Surabaya Kota - 1878 dan renovasi 1911
  14. Stasiun Surabaya Gubeng
  15. Stasiun Surabaya Pasarturi


Galeri[besut | besut sumber]

Pranala njaba[besut | besut sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "https://jv.wikipedia.org/w/index.php?title=Setatsiyun_sepur&oldid=1063335"