Musiyum

Saka Wikipédia Jawa, bauwarna bébas abasa Jawa
(Dilih saka Museum)
Musiyum Louvre, Paris, Perancis, salah sawijining musiyum paling gedhé sadonya.

Musiyum iku gedhung/yasan kanggo nyimpen patilasan utawa barang kang ngandhut sajarah. Ing jaman saiki, akèh uga musiyum kang nyimpen barang-barang kontemporèr, ora mligi marang sing kuna banget.

Musiyum manut Encyclopedia Americana (EA), tegesé sawijining lembaga institusi sing awèh pangladènan telung perkara: pengumpul, pelindung, lan mamerake obyek.[1] Miturut Budpar ing (Pasal 1.(1). PP. No. 19 Tahun 1995), Musiyum ing kaitane karo warisan budaya, ya iku lembaga, panggonan nyimpen, ngrawat, ngamanake barang bukti materiil asil budayane manungsa, alam, lan lingkungan kanggo nyengkuyung usada perlindungan lan pelestarian kekayaan budaya bangsa [2].

Sejarah[besut | besut sumber]

Tembung ‘musiyum’ asalé saka basa Yunani Kuno, museion, sing tegesé “kuil kanggo panggonan nyembah 9 Dewi Muse.”[3] Ing mitologi klasik, Muse ya iku déwa-déwa literature (mligine ing bab puisi), musik, tarian, lan kabèh sing ana gegayutane karo kaendahan, pengetahuan, lan ilmu pengetahuan; dewi iku kabèh padha nyanyi lan nari ing pangawasane Apollo, ya iku Musagates (pandhegane Muse).[3] Dewi-dewi iku ya iku (Calliope, Clio, Erato, Euterpe, Thalia, Melpomene, Polyhimnia, Terpsichore, lan Urama) ya iku putri-putri Dewa Zeus lan Mnemosyne-déwa paling dhuwur ing pantheon Yunani Kuno.[3] Dewi iku mau dipepuja ing saben acara ritual pengabdian masarakat kanggo Zeus (Encyclopedia Americana,1970).[3] Saliyané iku, budpar uga mratelakake yèn musiyum iku pangonan makarya ahli-ahli pikir zaman Yunani kuna, kaya sekolahé Pythagoras lan Plato.[4] Sansaya suwé musiyum kang wiwitane panggonan ngumpulake barang lan piranti kang dibutuhake kanggo penyelidikan ilmu lan kesenian, owah dadi panggonan ngumpulake barang aneh lan langka.[4]

Musiyum Tua ing Donya[besut | besut sumber]

  1. Musiyum paling tua ana ing Alexandria, Mesir, taun 280 SM, ananging durung kabukak kanggo umum [1]. Dene sing dibukak kanggo umum madeg taun 1683, ya iku Asmolean, sing minangka pérangan sekolah/ pendidikan sejarah alamiah Universitas Oxford.[1]
  2. Ing London British Musiyum dibukak taun 1759.
  3. Louvre, ya iku musiyum ing Paris, dibukak taun 1793[1].
  4. Prado ing Madrid dibukak taun 1809 déning Yoseph Bonaparte, Raja Spanyol[1].
  5. Sabanjure musiyum The Balredere Palace ing Wina dibukak saka pituduhe peneliti Prancis, Lonis Viardot[1].
  6. Musiyum ing Amérika Sarékat dibuka taun 1774, telung taun sadurunnge kemerdekaan, wiwitane diragadi déning Charleston SC, engga seprene diarani Charleston Musiyum[1].

Uga delengen[besut | besut sumber]

Cathetan suku[besut | besut sumber]

  1. ^ a b c d e f g Kalawarti Panjebar Semangat. 1997.Hal 4-5
  2. ^ Koleksi Museum Budpar.go.id(dipunundhuh tanggal 22 Februari 2011)
  3. ^ a b c d Musium(dipunundhuh tanggal 22 Februari 2011)
  4. ^ a b Perkembangan Museum(dipunundhuh tanggal 22 Februari 2011)