Gunung Dempo

Saka Wikipédia Jawa, bauwarna bébas abasa Jawa
Gunung Dempo
Kebun Teh di Gunung Dempo
Dhaptar Ribu

Gunung Dempo inggih salah satunggaling gunung ingkang dumunung ing Indonésia èstunipun ing watesaning propinsi Sumatra Selatan kaliyan propinsi [[Bengkulu. Dhuwuripun gunung Dempo inggih kirang langkung 3.159 meter dpl.

Gunung Dempo sesarengan kaliyan Gunung Marapi ing Pulo Sumatra, inggih kalebet pucuk paling inggil saking pegunungan Bukit Barisan ingkang mbentang ing tengahing Pulo Sumatra.[1] Gunung Dempo mlebet ing kawasan Kabupaten Pagar Alam. Kados namanipun Pagar Alam ingkang ateges pager alam, ingkang nyatanipun sadaya laladan punika dipun kiteri bukit saha gunung. Gunung Dempo misuwur gadhah jalur daki ingkang nantang kanthi lerengipun ingkang ngliyuk- iyuk ingkang damel gunung dempo dados kesenenganipun para pendaki.

Transportasi[besut | besut sumber]

Gunung Dempo mapan wonten ing distrik Pagar Alam, ingkang tebihipun kirang langkung 310 km ing sisih kulon saking kitha Palembang. Menawi badhe dumugi wonten ing gunung Dempo punika saged ngginakaken mobil ingkang nyewa utawi bis. Dene dangunipun ing margi dhateng Gunung Dempo saged ngantos 7 jam. Titik sepisan kangge minggah gunung inggih saged saking pabrik pengolah teh PTPN III. Desa ingkang paling caket ing sakitering gunung ingkang saged dipun dadosaken papan singgah nalika minggah gunung inggih punika kampung empat. Taksih dipun betahaken mlampah malih tebihipun kirang langkung 15 kilometer saking pusat kitha Pagar Alam. Menawi badhe tindakan dhateng Gunung Dompu boten badhe bosen amargi ing sadangunipun mergi kathah pemandangan tebing saha lembah lan kebun teh.

Daya Tarik[besut | besut sumber]

Kejawi alas pegunungan ingkang dados sajian gunung Dempo, ing laladan sakiteripun ugi wonten tilaran sujarah ingkang kathah dipun panggihaken kados ta tilaran watu saha artefak, inggih punika kubur watu, ruang watu, arca- arca, watu tumpakan, dolmen, menhir, wonten ugi relief ingkang nggambaraken tiyang- tiyang ngangge sepatu nembe nggendhong nekara. Relief punika dipun tatah wonten ing rainipun sabongkah watu awujud gajah, ngantos umum dipun sebat watu gajah tilaran zaman kuno.[2] Kawasan Gunung Dempo inggih namung papan wisata ingkang dados daya tarik para wisatawan amargi namung wisata gunung punika ingkang wonten ing Sumtra Selatan. Ing laladan hutan tumuju dhateng pucukipun gunung Dempo wonten kali- kali alit ingkang toyanipun bening sanget. Para pendaki kathah ingkang ngunjuk toya punika nalika ngelak sak danunipun ndaki. Kangge ndaki gunung dempo kedah liwat margi ingkang alit lan namung sapetak ingkang kebak oyot- oyotipun wit-witan ageng ingkang mlintang ing tengah margi. Kahanan alasipun inggih kandel saha wening, saengga sepisan- pisan saged mireng swantenipun manuk- manuk ingkang miber ing sakitering alas.[3]

Delengen Uga[besut | besut sumber]

Cathetan Suku[besut | besut sumber]

  1. ^ (id)[1] (dipunundhuh tanggal 11 Januari 2013)
  2. ^ (id)[2] Panorama Gunung Dempo (dipunundhuh tanggal 11 Januari 2013)
  3. ^ (id)[3] Gunung Dempo (dipunundhuh tanggal 11 Januari 2013)
Sumber artikel punika saking kaca situs web: "https://jv.wikipedia.org/w/index.php?title=Gunung_Dempo&oldid=1015216"