Gunung Singgalang

Saka Wikipédia Jawa, bauwarna bébas abasa Jawa
Singgalang
Lua error nèng Modul:Location_map larik 417: Unable to find the specified location map definition. Neither "Module:Location map/data/Indonésia" nor "Template:Location map Indonésia" exists.
Elevasi 2.877 m (9 ft) [1]
Dhaptar Ribu
Location
Pagunungan Bukit Barisan
Koordinat 0°23′24″S 100°19′51″E / 0.39000°S 100.33083°E / -0.39000; 100.33083Koordhinat: 0°23′24″S 100°19′51″E / 0.39000°S 100.33083°E / -0.39000; 100.33083
Geology
Tipe stratovolcano

Gunung Singgalang inggih punika salah satunggaling gunung ing Indonésia ingkang estunipun dumunung Kecamatan IV Kitha Kabupatèn Agam lan Kecamatan X Kitha Kabupatèn Tanah Datar ing propinsi Sumatra Barat, Indonésia.[2] Dhuwuripun gunung Singgalang kirang langkung 2.877 meter.[2]

Menawi dipuntingali saking wujudipun, gunung Singgalang ketingal kados Gunung Merbabu ing Jawa Tengah.[3] Gunung Singgalang sapunika sampun boten aktip malih lan gadhah satunggaling tlaga ingkang dados daya tarikipun para wisatawan ingkang minggah gunung.[4] Tlaga kala wau mapan wonten ing pucuking gunung lan punika tilas kawah gunung nalika taksih aktip.[4] Tlaga punika dipunsebat Tlaga Dewi.[4]

Tlaga Dewi ing Gunung Singgalang

Gunung Singgalang ugi asring dipunsebat dados penyangga langit Minagkabau. Ing Gunung Singgalang wonten tigang pucuk ingkang wigati, ingkang asring dipun sebat "Tri Arga".Salah satunggaling pucuking gunung ingkang paling inggil inggih kanthi dhuwut 2.877 meter dpl. Ing wewengkon geografisipun, gunung punika mapan wonten ing Kabupatèn Agam, lan persis mapan wonten ing sebelahipun inggih wonten Gunung Marapi ingkang dados penyangga langit Minakabau ugi, lan ingkang satungga inggih Gunung Talang.

Hutan Gunung Singgalang[besut | besut sumber]

Ing gunung Singgalang ugi kababr alas ingkang wiyar, inggih wonten kawasan hutan dipterokarp bukit utawi hutan ingkang mapan wonten ing dhuwur 300 dumugi 750 meter sak nginggiling toya laut. Kejawi saking punika ugi wonten hutan dipterokarp inggil inggih punika alas ingkang mapan wonten ing dhuwur 750 dumugi 1.200 meter dpl, hutan Montane inggih punika alas ingkang mapan wonten ing dhuwur 1.200- 1.500 meter dpl, saha hutan Ericaceous utawi hutan gunung. Ing kawasan dipterokrap wonten spesies wit Seraya, wit Kemuning saha Miranti. Ing hutan dipterokarp atas ugi saged dipun panggihaken wit Meranti Bukit saha wit Damar Minyak. Ing kawasan hutan Montane, spesies ingkang paling wigati inggih wontenipun wit Mempening, Berangan, Damar Minyak, saha Podo. Dene ing hutan ericaceous utawi hutan gunung ingkang mapan ing dhuwur langkung saking 1.500 meter, spesies ingkang paling wigati inggih punika wit Kelat, wit Periuk Kera, saha maneka warna jinising belukar, buluh, resam, paku- pakis, saha lumut.

Daya Tarik[besut | besut sumber]

Ingkang narik kawigatosanipun para pendaki dhateng Gunung Singgalang punika inggih amargi pemandangan ingkang ketingal ing gunung punika inggih endah sanget. Wonten ing gunung Singgalang wonten Tlaga Dewi ingkang kaendahanipun saged damel betah para wisatawan ingkang mampir wonten ing tlaga kasebat. Padatanipun menawi badhe ndhaki gunung Singgalang punika boten dipunbetahaken wekdal ingkang dangu. Para pendaki ingkang sampun biyasa ndhak saged dugi ing pucuk gunung namung kanthi wekdal kirang langkung 6 jam.

Jalur dhaki[besut | besut sumber]

Menawi badhe ndhaki dhateng Gunung Singgalang punika saged liwat jalur Koto Baru, Agam ingkang samangke badhe medal Nagari Pandai Sikek menawi badhe dugi ing pucukipun gunung singgalang punika.

Delengen Uga[besut | besut sumber]

Cathetan Suku[besut | besut sumber]

  1. ^ (id) Nama Gunung, Lokasi dan Tingginya (dipunundhuh tanggal 2 November 2012)
  2. ^ a b (id) [1] (dipunundhuh tanggal 2 November 2013}}
  3. ^ (en)[2] (dipunundhuh tanggal 2 November 2012)
  4. ^ a b c (id)[3] (dipunundhuh tanggal 2 November 2012)