Gunung Geureudong

Saka Wikipédia Jawa, bauwarna bébas abasa Jawa
Geureudong
Gunung Geureudong

Gunung Geureudong utawi Bur ni Geureudong utawi Bur ni Telong inggih punika salah satunggaling jinis gunung stratovolcano ingkang dumunung ing sisih lor Sumatra, Indonésia, mliginipun ing kabupaten Acèh Utara, propinsi Acèh. Nama resmi kangge wewengkon ing sakitering gunung geni punika taksih dados guneman umum amargi posisinipun Bur ni Geureudong ingkang celak kaliyan Bur ni Telong. Ing Gunung Geureudong wonten kalih Krucut vulkanik sebatanipun krucut Salah nama lan Pepanji ingkang arupi bukit sedimen.[1] Bur ni Telong mapan ing sisih kidul Bur ni Geureundong. Bur ni Telong gadhah kawah aktip ingkang taksih gadhah lava ingbageyan gunung sisih kidul.[2]

Kahanan Fisik[besut | besut sumber]

Gunung Geureudong gadhah dhuwur kirang langkung 2.885 meter saking nggiling toya laut. Titik koordinatipun gunung Geureudong inggih punika 4.813°LU 96.82°BT. Gunung Geureudong pungkasan njeblug ing taun 1937.[3] Gunung Geureudong utawi Bur Ni Geureudong punika mapan wonten ing kompleks gunung geni ingkang namanipun pegunungan taksih dereng pesthi margi jarakipun Bur ni Geureudong saha Bur ni Telong ingkang caket sanget. Kalih kerucut vulkanik ingkang namanipun Salah nama saha Pepanji punika kalebet bukit sedimen. Bur ni Geureudong sampun ngalami longsor wiwit jaman Pleistosin, ananging gadhah fumarol saha mata air panas ing bageyan lerengipun. Bur ni Telong mapan wonten ing sisih kidul saking Bur ni Geureudong. Bur ni Telong gadhah kawah ingkang taksih aktip ingkang ing lebetipun wonten lava ingkang mapan wonten ing sisih kidul lereng gunung Geureudong. Gunung Bur Ni Geureudong punika kalebet gunung geni tipe B ing Aceh ingkang ugi wonten ing Bener Meriah. Gunung Geureudong punika sampun dipun anggep aman ananging tetep kedah dipun waspadai, amargi kathah gunung ingkang kalebet tipe B utawi tipe C punika ingkang saged njeblug kanthi jeblugan ingkang ageng. Gunung Geureudong punika kalebet gunung geni ingkang sampun tua umuripun ing komplek gunung Pepanji saha Salah nama. Nalika erupsi rumiyin, ing Gunung Geureudong dipun asilaken kaldera kanthi bukaan marep lor dumugi kidul.

Uga delengen[besut | besut sumber]

Cathetan suku[besut | besut sumber]

  1. ^ "Geology of Bur Ni Telong". Volcanological Survey of Indonesia. Dijupuk 2006-12-08. 
  2. ^ Masalah sitiran: Tenger <ref> ora trep; ora ana tèks tumrap refs kanthi jeneng gvp
  3. ^ [1] Gunung Geureudong (dipunundhuh tanggal 15 Januari 2013)