Gunung Ranai

Saka Wikipédia Jawa, bauwarna mardika basa Jawa
Gunung Ranai
Gunung Ranai mapan ing wewengkon Kapuloan Natuna, ingkang awarni abrit

Gunung Ranai inggih punika satunggalipun gunung ingkang dunungipun wonten ing Pulo Ranai, Kabupatèn Natuna, Provinsi Kapuloan Riau, Indonésia.[1] Pulo Ranai punika dados punjeripun papréntahan Kabupatèn Natuna.[2] Pulo punika tebihipun 562 km saking Kitha Tanjungpinang utawi watawis 589 km saking Kitha Batam.[2] Gunung Ranai punika dados gunung paling inggil ing wewengkon Natuna.[2] Gunung Ranai boten namung kawentar minangka papan pandhakian ingkang saé.[2] Padunung ingkang mapan ing caket gunung ingkang kathahipun nyambut damel minangka warigaluh pitados babagan mistis ingkang wonten gegayutanipun kaliyan gunung punika.[2] Padunung ing mrika pitados manawi pupusipun gunung punika dipuniteri awan kandel punika dados pratandha wewengkon ing Sagara Natuna taksih boten aman, jawah ageng, ombak ingkang ageng.[2] Kosok wangsulipun, manawi Gunung Ranai katingal cerah, boten mawi awan, minangka pratandha sagara taksih saé.[2]

Kanggé minggah dhateng pupusipun Gunung Ranai, tiyang ingkang badhé minggah kedah ngliwati pinten-pinten pupus ingkang wujud tebing watu kanthi inggil ingkang bènten-bènten.[2] Pupus ingkang kapisan namanipun Pupus Sarendit kanthi kainggilan 968 m.[2] Pupus punika kalebet gugusan tebing kanthi inggil 100 m.[2] Pupus salajengipun inggih punika Pupus Erik Samali ingkang inggilipun 999 m.[2] Pupus punika dados tebing kaping kalih kanthi inggil tebing watawis 150 m.[2] Pupus ingkang kaping tiga (paling inggil) namanipun Pupus Datuk Panglima Husin kanthi inggil 1035 m.[2]

Cathetan suku[besut | besut sumber]

  1. Ayo Berpetualang Mendaki Gunung Ranai dipunundhuh tanggal 20 September 2011)
  2. a b c d e f g h i j k l m [Suhada, Ichsan (lan kanca-kanca). 2009. Pesona Indonesia; Pariwisata, Budaya dan Sosial (Lebih Dekat Mengenal Pulau Sumatra. Surabaya:Bintang Ilmu;kaca 321-322]

Pranala njawi[besut | besut sumber]

Ayo Berpetualang Mendaki Gunung Ranai