Gunung Sago

Saka Wikipédia Jawa, bauwarna bébas abasa Jawa
Sago
Mount Sago.jpg
Gunung Sago
Titik dhuwur dhéwé
Èlevasi 2,261 m (7,418 ft) [1]
Pratélan Ribu
Koordhinat 0°19′37″S 100°40′14″E / 0.32694°S 100.67056°E / -0.32694; 100.67056
Géografi
Location Kabupatèn Lima Puluh Kota, Sumatra Barat, Indonésia
Parent range Bukit Barisan

Gunung Sago inggih salah satunggaling gunung ingkang dumunung ing Kacamatan Lareh Sago Halaban,Luhak lan Situjuh Lima Nagari, kabupatèn Lima Puluh Kota, provinsi Sumatra Barat, Indonésia.[2] Dhuwuripun gunung Sago inggih kirang langkung 2.262 mèter sanginggiling laut.[3] Gunung Sago punika mapan wonten ing antawisipun Kitha Payakumbuh saha Batusangkar. Gunung Sago utawi ugi dipunsebat Gunung Malintang' inggih kalebet salah satunggaling gunung ingkang nembé tangi saking tilemipun amargi ing wekdal- wekdal kepengker punika, Gunung Sago milai aktif malih sasampunipun atusan taun mati lan boten aktip. Ananging sak punika, Gunung Sago ingkang mapan ing kabupatèn Limapuluh Kota punika sampun medalaken asep cemeng malih.[4] Kejawi saking Gunung Sago, ing provinsi Sumatra Barat taksih wonten sapérangan gunung ingkang taksih tilem kados ta Gunung Singgalang ingkang dhuwuripun 2.872 mèter, Gunung Pasaman ingkang dhuwuripun 1.984 mèter, saha Gunug Talamau ingkang dhuwuripun 2.918 mèter. Déné gunung- gunung ingkang aktip saha ngiteri Sumatra Barat ing antawisipun inggih Gunung Marapi kanthi dhuwuripun 2.891 mèter, Gunung Talang ingkang dhuwuripun 2.597 mèter, Gunung Tandikek ingkang dhuwuripun 2.476 mèter, saha Gunung Kerinci kanthi dhuwur 3.300 mèter.

Sajarah[besut | besut sumber]

Gunung Sago saged dipunsamikaken kaliyan Gunung Sinabung ingkang njeblug ing taun 2010 kepengker. Masarakat nganggep gunung Sinabung punika minangka gunung mati, ananging ing kasunyatanipun, GUnung Sinabung njeblug kanthi daya kekiyatan ingkang ageng. Gunung Sago sampun katingal aktip malih wiwit taun 2008 kepengker, punika saking pusat géologi lan dipunkiyataken malih saking asiling visual satelit google.

Daya Tarik[besut | besut sumber]

Gunung Sago punika gadhah daya tarik piyambak kanggé para pendaki saha masarakat ing Kabupatèn 50 Kota saha Kota Payakumbuh. Pemandangan ingkang éndah saged katingal saking gunung Sago punika ingkang dipunjalari amargi papanipun gunung Sago ingkang strategis. Gunung Sago kados wonten ing kalih titik pusat saking kalih wewengkon kasebat, saéngga katingal bilih Gunung Sago saged dipuntingali saking pundi kemawon, saged saking Kota Payakumbuh utawo kabupatèn 50 Kota.[4] Saking pucuk gunung Sago saged katingal endahing sesawangan ing ngandhapipun. Lan manawi sampun saged dugi pucukipun badhé kraos kados wonten ing khayangan ing nginggiling awan.

Uga delengen[besut | besut sumber]

Cathetan suku[besut | besut sumber]

  1. ^ sumbar.bps.go.id Nama Gunung, Lokasi dan Tingginya
  2. ^ [1](dipunundhuh tanggal 4 Nopember 2012)
  3. ^ [2](dipunundhuh tanggal 4 Nopember 2012)
  4. ^ a b [3] Gunung Sago, Misteri di Balik Sejuta Keindahan (dipunundhuh tanggal 14 Januari 2013)