Gunung Talamau

Saka Wikipédia Jawa, bauwarna bébas abasa Jawa
Gunung Talamau
Talakmau.jpg
Gunung Talamau, dipuntingali saking arah Gunung Marapi
Titik dhuwur dhéwé
Èlevasi 2,913 m (9,557 ft) [1]
Pratélan Ribu
Koordhinat 0°16′29.14″N 99°55′46.28″E / 0.2747611°N 99.9295222°E / 0.2747611; 99.9295222
Géografi
Location Kabupatèn Pasaman Barat, Sumatra Barat, Indonésia
Parent range Bukit Barisan

Gunung Talamau inggih salah satunggaling gunung ingkang dumunung ing Désa Pinagar, Kacamatan Kinali, Kabupatèn Pasaman Barat, Provinsi Sumatra Barat, Indonésia sisihan kaliyan Gunung Pasaman.[2] Gunung Talamau inggih gunung ingkang paling inggil ing Provinsi Sumatra Barat, dhuwuripun kirang langkung 2,920 mèter saking nginggil laut.[3] Gunung Talamau kalebet jinis gunung geni ingkang boten aktip.[3]

Géografi[besut | besut sumber]

Miterat asiling panaliten saking Pusat Penelitian Geoteknologi Lembaga Widya Indonésia (LIPI), Gunung Talamau dumadi saking manéka warna jinis watu, inggih punika watu vulkanik produk Galau (campuran) Talamau.[4] Saking Major Elemen ingkang nedahaken jinising batuan beku ing laladan kasebat, dados dipunbedakaken dados sekawan jinis, inggih punika jinis batuan basa (basalt), menengah (andesit), rada asam (dasit), dan granit (asam).[4]

Kaendahan ing sakitering gunung[besut | besut sumber]

Endahing Gunung Talamau

Wonten ing sangandhaping pucuk gunung, udakawis ing inggil 2.750 m, wonten 13 tlaga, inggih punika [5]:

  • Talago Buluah Parindu.
  • Talago Cindua Mato.
  • Talago Imbang Langik.
  • Talago Lumuik.
  • Talago Mandeh Rubiah.
  • Talago Puti Bungsu.
  • Talago Puti Sangka Bulan.
  • Talago Rajo Déwa.
  • Talago Satwa.
  • Talago Siuntuang Sudah.
  • Talago Tapian Puti Mambang Surau.
  • Talago Tapian Sutan Bagindo.

Ing Gunung Talamau ugi wonten grojogsn kanthi dhuwuripun langkung saking 100 mèter, ingkang misuwur kanthi sebatan Air Terjun Puti Lenggo Geni.[4]

Transportasi[besut | besut sumber]

Manawi badhé tumuju dhateng gunung Talamau saged saking kalih arah, inggih punika saking laladan Rao (laladan watesaning provinsi Sumatra Utara lan Sumatra Barat) kaliyan kitha Padang.[4] Ananging boten usah kuwatos bilih sak punika wisatawan saged kanthi gampil pados akses tumpakan dhateng gunung punika awit wonten ing kitha Padang sampun kathah transportasi kanthi rute Padang-Pasaman Barat.[4] Para wisatawan saged piknik dhateng gunung kanthi ngginakaken angkudan umum, dangunipun kirang langkung 6 jam kanthi beya Rp30.000 saben tiyang.[3]

Sasampunipun dumugi papan parkir ing ngandhap gunung, para wisatawan salajengipun kedah minggah gunung kanthi mlampah.[3] Manawi ingkang remen minggah gunung, titik awalipun saged dipunwiwiti saking tigang laladan, inggih punika saking désa Pinagar, Malampah lan Kinali kanthi dangunipun minggah gunung kirang langkung 12 jam.[3]

Akomodasi[besut | besut sumber]

Beya tiket wisatawan Gunung Talamau inggih punika Rp4000 saben tiyang lan dipunbayaraken wonten ing pos II. Fasilitas ingkang dipunsameptakaken inggih wonten 5 pos kanggé lèrèn lan ugi wonten jasa guide.[3]

Uga delengen[besut | besut sumber]

Cathetan suku[besut | besut sumber]

  1. ^ sumbar.bps.go.id Nama Gunung, Lokasi dan Tingginya
  2. ^ [1] (dipunundhuh tanggal 4 Novèmber 2012)
  3. ^ a b c d e f [2] (dipunundhuh tanggal 4 Novèmber 2012)
  4. ^ a b c d e [3] (dipunundhuh tanggal 4 Novèmber 2012) Masalah sitiran: Tenger <ref> ora trep; jeneng "internet_3" diwedharaké ping bola-bali déné isiné béda
  5. ^ [4] (dipunundhuh tanggal 4 Novèmber 2012)