Gunung Pulasari

Saka Wikipédia Jawa, bauwarna bébas abasa Jawa
Gunung Pulasari

Gunung Pulasari inggih punika gunung geni ingkang kagungan kainggilan 1346 Mdpl ingkang mapan wonten ing Pandeglang Banten. Kaéndahan alam ingkang wonten ing Gunung Pulosari, inggih punika Curug Putri saha Kawah Gunung ingkang medalaken kukus belerang.[1] Gunung Pulasari boten terlalu inggil ananging nyimpen pinten-pinten mitos keramat saha karajaan sunda.[2] Kita dipunpungut biaya Rp4.500 saben tiyang kanggé minggah ngantos Curug Putri, kawah utawa ing Puncak Pulosari.[1]

Jalur pandhakian ingkang sapindha[besut | besut sumber]

Jalur pandhakian ingkang sapindha cekap landai kanthi ngléwati kebon saha ladang warga. Lajeng kepanggih kaliyan pondhok ingkang sisih kiwanipun wonten parit. Sasampunipun nempuh perjalanan sakitar 1,5 jam dumugi ing Curug Putri.[2]

Ing Curug Putri wonten pondkok, wondéné margi tumuju dhateng puncak gunung wonten ing ngajengipun pondhok kanthi nyebrangi parit. Margi tumuju puncak cekap landai, wonten kalanipun pinanggih tanjakan ingkang lumayan inggil. Ing sisih kiwa tengen taksih dipunapit kebon saha sabin tadhah jawah. Kanggé dumugi ing kawah dipunbetahaken wekdal sakitar 1,5 jam saking Curug Putri.[2]

Ing kawah, pandhaki saged mbikak téndha. Saking kawah tumuju puncak mundhut margi sisih tengen kawah utawa arah kidhul. Pandhaki prelu ngatos-antos amargi kahanan marginipun ingkang terjal sarta kathah séla. Vegetasi ing sapanjangipun margi milai kathah tanduran wana tropis. wekdal ingkang dipunbetahaken kanggé dumugi ing puncak bayangan kiten-kinten 1,5 jam saking Kawah.[2] Puncak bayangan inggih punika dataran tarbuka ingkang sempit, salajengipun pandhaki kepanggih kaliyan margi ingkang nyabang sarta séla panenger km, lajeng mundhut sisih kiwa.[2] Margi ingkang lunyu saha kathah séla. Vegetasi wana tropis ingkang lebat kita tingali malih ing margi punika. Sasampunipun mlampah kinten-kinten 20 menit, kita dumugi ing puncak. Wonten pamancar ing puncak punika, ugi saged dipunjumenengaken téndha, ananging papanipun winates.[1]

Mitos sarta legenda[besut | besut sumber]

Gunung Pulosari inggih punika gunung ingkang keramat. Gunung punika dados papan pamujaan wiwit jaman biyén. Kathah panilaran purbakala ingkang arupa punden berundak, arca, batu dolmen,batu goresan. Arca Sang Hyang Dengdek ingkang inggilipun sakitar 1m punika arca nenek moyang ing situs pamujaan ing Kec. Seketi..[2]

Situs Batu Goong Citaman arupa punden berundak, wonten Menhir ingkang jumeneng ing tengah - tengah saha dipunubengi séla ingkang wujudipun gangsa kadasta gong saha séla pelinggih ingkang mbentuk formasi "temu gelang"..[2].[2]

Wonten ing abad ka-7 utawa ka-9 sampun jumeneng yasan candhi Hindhu. Arca Hindhu kadasta arca Brahma, arca Siwa, arca Agastya, arca Ganesha, arca Durga, saha lapik arca saking Gunung Pulosari uga dados koleksi Museum Nasional..[2]

Sunan Gunung Jati saha Hasanuddin naté nglakokaken lelampahan kanthi ancasipun dhateng Gunung Pulosari ingkang minangka tlatah Brahmana Kandali. Ing inggilipun gunung punika gesang 800 ajar - ajar ingkang pamarsanipun Pucuk Umun. Hasanuddin dipunwara-warakaken jaréné mapan sareng ngantos langkung sadasa taun..[2]

Cathetan suku[besut | besut sumber]

  1. ^ a b c Panggénan Gunung Pulasari (dipununduh 24 Nopember 2012)
  2. ^ a b c d e f g h i j Mitos (dipununduh 24 Nopember 2012)

Uga delengen[besut | besut sumber]

Pranala njaba[besut | besut sumber]