Gunung Sorik Marapi

Saka Wikipédia Jawa, bauwarna mardika basa Jawa
Gunung Sorik Marapi
Èlevasi2,145 metres (7,037 ft)

Sorik Marapi inggih salah satunggaling gunung ingkang kalebet laladan Taman Nasional Batang Gadis. Miterat cathetan administratipipun, Gunung Sorik Marapi dumunung ing Désa Sibanggor Julu, Kacamatan Puncak Sorik Marapi, Kabupatèn Mandailing Natal, Sumatra Utara,Indonésia. Sorik Marapi inggih kalebet gunung geni ingkang taksih aktif. Dhuwuripun gunung Sorik Marapi inggih kirang langkung 2.145 mèter. Titik Koordinat ing pucuk gununginggih punika 0°41' 11" LS lan 99° 32' 13" BT.

Gunung Sorik Marapi punika kalebet wonten ing wewengkon Taman Nasional Batang Gadis, ingkang miturut cathetan administratipipun mapan wonten ing Désa Sibanggor Julu, kacamatan Puncak Sorik Marapi. Ing pucukipun gunung Sorik Marapi wonten satunggal dano vulkanik.

Sajarah[besut | besut sumber]

Gunung Sorik Marapi punika manawi dipuntingali saking sujarahipun sampun naté njeblug kaping pitu, ing taun 1830, 1879, 1892, 1893, 1917, 1970, 1986 saha ingkang kaping pungkasan ing taun 1987. Nanging ing wekdal sapunika ing taun 2013, Gunung Sorik Marapi ugi nembé aktip malih lan para pendaki sampun boten dipunkeparengaken minggah gunung kanggé wekdal punika. Nalika ing jeblugan kaping pungkasan, Gunung Sorik Marapi medalaken debu saha wlahar panas ingkang ngalir dumugi Kabupatèn Pasaman ing Sumatra Barat. Gunung Sorik Marapi punika kalebet gunung ingkang gadhah kategori aktip normal, pramila aktivitas ing gunung punika dipuntingali terus. Pos pengamatan Gunung Sorik Marapi mapan wonten ing Désa Sibanggor Tonga Kacamatan Puncak Sorik Marapi.[1]

Transportasi[besut | besut sumber]

Manawi badhé dhateng Gunung Sorik Marapi punika saged dipunwiwiti saking Medan kanthi jalur dharat ingkang betahaken wekdal dangunipun 12 jam kanggé nempuh jarak 480 kilomèter saking jalur Medan-Panyabungan, ingkang minangka ibu kita Kabupatèn Madailing Natal.[2] Saking Panyabungan kedah nitih angkudan pedésaan tumuju Désa Sibanggor Julu, kanthi dangunipun wekdal kirang langkung 20 menit. Désa Sibanggor Julu mapan wonten ing sisih wétan Gunung Sorik Marapi. Ing désa punika saged dipuntumbas sadaya perlengkapan perbekalan ,akdos ta air mineral ngantos biskuit amargi punika désa ingkang kaping pungkasan nyamektakaken sadaya kabetahanipun paendaki. Titik awalipun ndhki saged kapanggih sasampunipun ngliwati perumahan penduduk ingkang dalemipun kanthi atap ijuk kanthi material dinding saha jobin saking kayu. Lan ugi wonten dalemipun warga ingkang boten ngginakaken paku kanggé perekat lan namung ngginakaken tali rotan kanggé perekatipun.

Uga delengen[besut | besut sumber]

Cathetan suku[besut | besut sumber]

  1. [1] Pendakian Gunung Sorik Marapi untuk menggapai tlaga tertinggi di Sumatera utara (dipunundhuh tanggal 15 Januari 2013)
  2. [2] Archived 2011-12-23 at the Wayback Machine. Perjalanan Menuju Puncak Sorik Marapi (dipunundhuh tanggal 15 Januari 2013)