Gunung Lawu

Saka Wikipédia Jawa, bauwarna bébas abasa Jawa
Gunung Lawu
Gunung Lawu.jpg
Titik dhuwur dhéwé
Èlevasi 3,265 mèter (10,712 ft)[1]
Prominèn 3,118 mèter (10,230 ft)[2]
Isolasi 127 kilometres (79 mi)
Pratélan Ultra
Ribu
Géografi
Location Jawa, Indonésia
Géologi
Jinisé gunung Stratovolcano
Panjeblug pungkasan 1885

Gunung Lawu (3.265 m) dumunung ing Pulo Jawa, Indonésia, persisé ing wates Provinsi Jawa Tengah lan Jawa Wétan. Status gunung iki ya iku gunung geni "istirahat" lan wis suwé ora aktif, katon saka rapeté vegetasi sarta pucuké kang kena érosi. Ing lerengé ana kepundhan cilik kang isih ngetokaké keluk (fumarol) lan welirang (solfatara). Gunung Lawu duwé kawasan alas Dipterokarp Bukit, alas Dipterokarp Atas, alas Montane, lan alas Ericaceous.

Gunung Lawu duwé loro pucuk, Pucuk Hargo Dalem lan Hargo Dumilah. Kang pungkasan iki minangka pucuk kang paling dhuwur.

Ing lèrèng gunung iki ana sawetara panggonan kang populèr minangka tujuan wisata, mliginé ing laladan Tawangmangu, Cemorosewu, lan Sarangan. Rada mengisor, ing sisih kulon ana loro komplek candhi saka mangsa pungkasan Majapahit: Candhi Sukuh lan Candhi Cetho. Ing sikil gunung iki uga dumunung komplek pamakaman kerabat Praja Mangkunagaran: Astana Girilayu lan Astana Mangadeg. Ing cedhak komplek iki dumunung Astana Giribangun, pasaréan kanggo kulawarga présidhèn kaloro Indonésia, Suharto.

Pendhakian[besut | besut sumber]

Gunung Lawu populèr kanggo kagiyatan pendhakian. Saben malem 1 Sura akèh wong ziarah kanthi ndhaki nganti tekan pucuk. Saking populèré, ing pucuk gunung malah ana sing dodolan panganan.

Pendhakian standar bisa diwiwiti saka rong panggonan (basecamp): Cemorokandang ing Tawangmangu, Jawa Tengah, sarta Cemorosewu, ing Sarangan, Jawa Timur. Gerbang mlebu kaloroné kapisah mung 200m.

Pendhakian saka Cemorosewu liwat loro sumber banyu: Sendang Panguripan dumunung antara Cemorosewu lan Pos 1, lan Sendang Drajat antarané Pos 4 lan Pos 5.

Pendhakian liwat Cemorokandang bakal ngliwati 5 selter kanthi jalur kang relatif wis katata kanthi apik.

Rujukan[besut | besut sumber]

  1. ^ "Lawu". Global Volcanism Program. Smithsonian Institution. Dijupuk 2006-12-26. 
  2. ^ Indonésian high-prominence peaks on peaklist.org

Uga delengen[besut | besut sumber]

Pranala njaba[besut | besut sumber]