Gunung Daik

Saka Wikipédia Jawa, bauwarna bébas abasa Jawa
Gunung Daik

Gunung Daik inggih punika Gunung ingkang mapan ing Pulau Lingga, Kabupaten Lingga, propinsi Kepulauan Riau, Indonésia. Gunung punika inggilipun 1.i65 mdpl punika kagungan titikan ingkang khas inggih punika kanthi wontening 3 cabang sarta minangka gunung paling inggil ing Kepulauan Riau.[1] Gunung mati punika katingal ijem amarga wit-witan menawi dipun tingali saking katebihan. Amargi unik, gunung punika kalebet salah satunggal gunung ingkang kathah narik kawigatosanipun para pandhaki gunung kanggé nyobi tantangan minggah ing Gunung punika, saéning wonten ing lebet nagari utawi luwar nagari.

Wondéné makaten déréng wonten ingkang mampu kanggé nggayuh pucuk gunung punika amarga kahanan pucuk ingkang terjal saha sèla ingkang remuk, sanésipun taksih kathah misteri ingkang kasimpen ing gunung punika. Sampun dipun mangertosi masarakat umum menawi ing gunung kasebut kathah dipun panggoni kaliyan tiyang bunian.

Jaréné biyén tiyang bunian ingkang mapan ing gunung Daik asring awor kaliyan masarakat kampung sakitar, ingkang utami rikala wonten adicara kawinan, ngantos menawi wonten hajat ing adicara kawinan kasebut. Gunung Daik kagungan tiga puncak :

  1. Gunung Daik.
  2. Gunung Pejantan.
  3. Gunung Cindai Menangis.

Kathah masarakat ingkang ngampil pinten-pinten piranti milai saking emas saha perak ngantos piranti masak saha kawinan, tamtu kemawon lumantar ritual tartamtu. Ananging amargi wonten sebagéan masarakat ingkang boten mangsuli sebagéan piranti ingkang sampun dipun ampil kasebut ndamel tiyang bunian gela saéngga sapunika gegayutan saé antawisipun milai tebih. Wallahu'alam.

Ical saking sadaya punika, gunung Daik kagungan daya tarik piyambak kanthi kagungan 3 cabang, vegetasi ingkang tumbuh ijem, kathah pinten-pinten jinis manuk sarta kwéan sanséipun ingkang wonten ing ngriku, sarta kaéndhahan curug ingkang nantang kanggé dipuncobi.

Gunung Daik ing Kabupaten Lingga misuwur minangka salah satunggaling papan wisata alam ingkang wonten ing Indonésia. Sanséipun sampun dipundadosaken cariyos wonten ing parikan klasik saha dados inspirasi asal usulipun kutha Lingga.[2] Gunung Daik bercabang tiga Patah satu tinggal dua Orang Daik mengada - ada Macam orang nak dengan dia

Parikan ing inggil punika parikan jenaka ingkang asring dipunginakaken déning para remaja jaman biyén kanggé ngungkapaken raos panolakan kanggé lawan jinis ingkang nembé katresnan. Gunung Daik pancén dados sumber pandamelan parikan.

Margi pandhakian dipun wiwiti saking gapura pandhakian Gunung Daik ing dhusun Sepincan, salajengipun kanggé mituju Gazebo sapindha kanthi jarak 4 km sarta mbetahaken wekdal kinten-kinten 2 jam. Sasampunipun dugi wonten ing Gazebo, salajengipun mituju pangkal cabang puncak Gunung Daik, kanthi margi minggah, margi punika saged kalampahan kinten-kinten 2 jam.

Cathetan suku[besut | besut sumber]

  1. ^ Misteri Gunung Daik (dipun unduh 05 Desember 2012)
  2. ^ Panggénan Gunung Daik (dipun unduh 05 Desember 2012)

Uga delengen[besut | besut sumber]