Gunung Agung

Gunung Agung
Elevasi	3.031 mèter (9.944 kaki)
Garis Lintang	8° 342′ LS
Garis Bujur	115° 508′ BT
Lokasi	Bali, Indonésia
Jinis	stratovolcano
Jeblugan pungkasan	1964

Gunung Agung iku gunung paling dhuwur ing pulo Bali dhuwuré 3.142 msls (saka lumahing segara). Gunung iki dumunung ing kacamatan Rendang, Kabupatèn Karangasem-Bali.

Gunung Agung iku gunung geni tipe ''stratovolcano'', gunung iki duwé kawah kang gedhé banget lan jero banget lan kadhangkala ngetokaké keluk lan uwab air. Saka Pura Besakih gunung iki katon kaya kerucut lancip sampurna, nanging sabeneré pucuk gunung iki dawa lan pungkasané wujud kawah kang melingkar lan amba.

Saka pucuk gunung Agung kita bisa ndeleng pucuk Gunung Rinjani kang dumunung ing pulo Lombok, sanajan kaloro gunung iku katutup méga awit pucuk kaloro gunung mau ana ing sadhuwuré méga.

Kapercayaan masarakat

Masarakat Hindhu Bali percaya yèn Gunung Agung iku papan dunungé para déwa-déwa, lan uga masarakat percaya yèn ing gunung iki ana pura para dewata. Amarga saka iku, masarakat Bali ndadèkaké panggonan iki minangka papan kramat kang dianggep suci.

Jalur pandhakian

Gunung geni (kiwa) iku titik paling dhuwur ing Bali

Pandhakian tumuju pucuk gunung iki bisa diwiwiti saka telung jalur, ya iku:

• Saka kidul, ya iku saka selat liwat sangkan kuwasa.
• Saka kidul-wétan, ya iku saka Budakeling liwat nangka
• Saka kulon, minagka jalur kang umum dipigunakaké déning para pendhaki ya iku saka Pura Besakih.
• Disaranaké kanggo para pendhaki supaya ora nggawa panganan saka daging sapi, amarga tlatah gunung iki dianggep suci.

Uga delengen

• Pratélan gunung ing Indonésia
• Pratélan gunung

Pranala njaba

• Gunung Agung