Gunung Aseupan

Saka Wikipédia Jawa, bauwarna mardika basa Jawa
Gunung Aseupan
Gunung Aseupan

Gunung Aseupan inggih punika salah satunggaling gunung ing Indonésia ingkang dumunung ing laladan Cikeusi, Kabupatèn Pandeglang, Provinsi Banten, udakawis 18 km ing sosoh kilèn kutha Pandeglang. Gunung Aseupan mapan ing koordinat S 6° 54' 37.01" E 108° 2' 34.01" (-6.91028, 108.04278).[1] Gunung Aseupan ugi sami kaliyan Gunung Karang saha Gunung Pulo Sari ingkang gadhah daya tarik saking kaendahan alamipun kados ta air terjun (curug) ing pegununganipun, wonteipun kawah, konservasi tuwuhan saha sanès-sanèsipun. Objek wisata Gunung Aseupan ugi cocog kanggé para wisatawan ingakng remen kagiyatan alam bébas kados ta kemah saha ndaki gunung.

Kaanan Fisik[besut | besut sumber]

Gunung Aseupan ingkang dumunung ing Pandeglang sapunika dipunusulaken dados calon kawasan Taman Hutan Raya (Tahura) amargi gadhah manéka warna keanekaragaman hayati ugi amargi aksesipun ingkang gampil dipuntuju amargi papanipun ingkang strategis. Gunung Aseupan dipunusulaken dados kawasan Tahura ngengingi serat edaran kementrian kehutanan nomer 3328/ DJ-VITN/93 tanggal 1 Oktober 1993 ingkang nedahaken bilih sadaya laladan ingkang gadhah Tahura supados énggal-énggal dipunlaporaken dhateng Kementrian Kehutanan. Gunung Aseupan ingkang gadhah amba kirang langkung 3.036,52 hektar punika dipunperang dados kawasan hutan dengan tujuan mirunggan (KHDTK) Carita ingkang gadhah pigunan kanggé kawasan konservasi saha saged dipun-ginakaken minangka taman wisata alam.[2] Kawontenanipun Tahura wigati sanget kanggé kelestarian lingkungan hutan. Sapunika, kawansan hutan lindung ing provinsi Banten kirang saking 30 persèn. Kanthi wontenipun kawasan Tahura ing Gunung Aseupan, punika badhé paring kontribusi dhateng ambanipun kawasan hutan lindung kirang langkung 1,7 persèn. Mupangatipun kanthi wontenipun kawasan Tahura inggih punika ingkang kawasan punika saged dados salah satunggaling srana kanggé pelestarian alam sisan ugi kanggé etalase kkekhasipun flora saha fauna ing provinsi Banten.

Topografi[besut | besut sumber]

Kaanan siti ingkang wonten ing Gunung Aseupan, Pandeglang, Banten punika ugi manéka warna, inggih wonten ingkang gadhah kemiringan laan ing antawisipun 0-15%, dados saged kanggé lahan potensial ngrembakanippun sadaya jinis fungsi kegiyatan. Lajeng wonten strukur kemiringan landai dumugi sedeng kanthi kemiringanipun < 15% kanthi tekstur siti nggelombang andhap-sedheng, ugi laladan perbukitan terjal kanthi kemiringanipun < 25%.

Uga delengen[besut | besut sumber]

Cathetan suku[besut | besut sumber]

  1. Gunung Aseupan - Mountain in Cikeusi, Jawa Barat, Indonésia[pranala mati permanèn] (dipunundhuh tanggal 31 Oktober 2012)
  2. [1][pranala mati permanèn] Gunung Karang Kritis, Aseupan Diusulkan Jadi Tahura (dipunundhuh tanggal 12 Januari 2013)