Gunung Kelimutu

Saka Wikipédia Jawa, bauwarna mardika basa Jawa
Gunung Kelimutu

Ketinggian 1.639 mèter (5.377 kaki)
Garis Lintang 8° 77′ LS
Garis Bujur 121° 82′ BT
Papan Pulo Flores, Indonésia
Jinis gunung kompleks
Njeblug pungkasan 1886
Listing Spesial Ribu

Gunung Kelimutu inggih punika salah satunggaling gunung ing Indonésia ingkang kalebet jinis gunung geni ingkang taksih aktip, dumunung ing Flores, Nusa Tenggara Wétan.[1] Miterat cathetan administratipipun, gunung Kelimutu dumunung ing Désa Pemo, Kacamatan Kelimutu, Kabupatèn Ende. Tembung Kelimutu kapérang saking tembung "keli" ingkang ateges gunung, lan tembung "mutu" ingkang ateges umup.[2]

Kaanan Pisik[besut | besut sumber]

Gunung Kelimutu lan Dano Tiga Warna

Gunung Kelimutu gadhah tigang dano kawah ing pucukipun.[2] Danau ing Gunung Kelimutu punika misuwur kanthi nama Dano Tiga Warna amargi panci gadhah tigang warna ingkang bènten ing saben kawahipun.[3] Déné tigang warna kasebat inggih punika, abang, biru, lan putih.[3] Nanging ing wekdal tartamtu, wernanipun tlaga kawah kala wau saged éwah dados warna sanèsipun.[3] Ing rikala wekdal saged dados warna coklat radi ireng, utawi saking warna abrit dados ijem tuwa lajeng éwah malih dados abrit tuwa.[3] Déné masarakat ing sakitering danu kasebat pitados bilih saben warna gadhah teges ingkang bènten lan gadah kadigdayan alam ingkang kiyat.[3]

Danau utawi Tiwu Kelimutu ingkang warni biru dipunsebat "Tiwu Nuwa Muri Koo Fai" inggih punika dipunpitados déning masarakat dados papan kempalipun ruh para lare enem ingkang sampun tilar dunya.[4] Danau ingkang abrit dipunsebat "Tiwu Ata Polo" inggih punika papan ingkang dipunpitados dados papan kempalipun tiyang ingkang sampun séda ingkang ing gesangipun asring tumindak ala.[4] Déné tlaga ingkang warni pethak dipunsebat ugi "Tiwu Ata Mbupu" inggih punika papan ingkang dipunpitados dados papan kempalipun ruh para tiyang sepuh ingkang sampun séda.[4]

Géografi[besut | besut sumber]

Gunung Kelimutu dhuwuripun kirang langkung 1.640 mèter dpal.[3] Amabanipun tigang tlaga ingkang wonten ing gunung kala wau kirang langkung 1.051.000 mèter persegi kanthi volume toyanipun kirang langkung 1.292 juta mèter kubik.[3] Ingkang dados wates ing antawisipun tigang tlaga kasebat inggih dinding watu alit ingkang gampang ambrol.[3] Dinding kala wau miringipun 70 derajat.[3] Dhuwuripun dinding kirang langkung 50 dumugi 150 mèter.[3]

Sajarah[besut | besut sumber]

Kelimutu (1913)

Tiyang ingkang manggihaken laladan punika ingkang kaping sapisan inggih punika Lio Van Such Telen, warga nagara Walanda, Bapak Walanda Mama Lio, nalika taun 1915.[5] Déné sesawanganipun Gunung Kelimutu saged misuwur sasampunipun Y.[5] Bouman nggambaraken wujuding gunung lan danaunipun wonten ing seratanipun ing taun 1929.[5] Wiwit taun punika, kathah wisatawan manca ingkang milai dhateng gunung Kelimutu liginipun badhé mirsani sesawanganipun Danau Tiga Warna kasebat ingkang rumiyin kalabet tlaga ingkang dipunanggep sereng déning masarakat ing sakiteripun.[4] Tiyang ingkang tumuju dhateng Gunung Kelimutu boten namung badhé mirsani sesawanganipun kemawon, nanging ugi badhé pados seserepan babagan kadadosan alam ingkang langka wau.[4]

Kawasan Kelimutu sampun dipuntemtokaken dados t Kawasan Konservasi Alam Nasional wiwit 26 Pebruari 1992.[5]

Jinising alas[besut | besut sumber]

  • Hutan Dipterokarp Bukit inggih punika kawasan hutan ingkang mapan wonten laladan inggil, dhuwuripun ing antawisipun 300-750 mèter.
  • Hutan Dipterokarp Bukit inggih punika kawasan hutan ingkang mapan wonten laladan inggil, dhuwuripun ing antawisipun 300-750 mèter
  • Hutan Dipterokarp Atas inggih punika kawasan hutan ingkang mapan wonten laladan inggil, dhuwuripun ing antawisipun ketinggian 750-1.200 mèter
  • Hutan Montane inggih punika kawasan hutan ingkang mapan wonten laladan inggil, dhuwuripun ing antawisipun 1,200-1.500 mèter
  • Hutan Ericaceous inggih punika kawasan hutan ingkang mapan wonten laladan inggil, dhuwuripun ing antawisipun > 1.500 mèter


Cathetan suku[besut | besut sumber]

  1. [1] (dipunundhuh tanggal 27 Oktober 2012)
  2. a b [2] Archived 2013-10-30 at the Wayback Machine. (dipunundhuh tanggal 27 Oktober 2012)
  3. a b c d e f g h i j [3] Archived 2012-12-10 at the Wayback Machine. (dipunundhuh tanggal 27 Oktober 2012)
  4. a b c d e [4] Archived 2012-08-25 at the Wayback Machine. (dipunundhuh tanggal 27 Oktober 2012)
  5. a b c d [5] (dipunundhuh tanggal 27 Oktober 2012)