Gunung Argapura

Saka Wikipédia Jawa, bauwarna mardika basa Jawa
(Kaelih saka Gunung Argopuro)

Gunung Argapura iku gunung kang dumunung ing Pulo Jawa, Indonésia. Gunung Argapura dhuwuré 3.088 mèter. Gunung iki kerep uga karan Argopuro. Gunung Argapura minangka tilas gunung geni kang wis ora aktif manèh.

Gunung iki kalebu péranganing pagunungan Iyang kang dumunung ing Kabupatèn Situbondo, Jawa Wétan. Lokasiné antarané Gunung Semeru lan Gunung Raung. Ana sawatara pucuk kang diduwèni déning gunung iki. Pucuk kang misuwur jenengé Pucuk Rengganis/gunung Welirang (topografichen Dienst 1928). Déné pucuk paling dhuwur dunungé ± 200 m arah kidulé pucuk Rengganis. Pucuk paling dhuwur iki jenengé Argapoera lan ditandhani nganggo siji tugu triangulasi.

Gunung Argapura duwé kawasan alas Dipterokarp Bukit, alas Dipterokarp Atas, alas Montane, lan Hutan Ericaceous utawa alas gunung.

Pranala njaba[besut | besut sumber]