Gunung Raung

Saka Wikipédia Jawa, bauwarna bébas abasa Jawa
Raung
Raung volcano.jpg
Sinawangan inframerah Warna Raung Volcano, Mèi 1992
Titik dhuwur dhéwé
Èlevasi 3,332 m (10,932 ft) [1]
Prominèn 3,069 m (10,069 ft) [2][3]
Ranked 83rd
Isolasi 124 kilometres (77 mi)
Pratélan Ultra
Ribu
Géografi
Masalah Lua ing Modul:Location_map larik 442: Unable to find the specified location map definition. Neither "Module:Location map/data/Indonésia Java" nor "Template:Location map Indonésia Java" exists.
Location Java, Indonésia
State/Province ID
Géologi
Jinisé gunung Stratovolcano
Panjeblug pungkasan 2008

Gunung Raung inggih punika salah satunggaling gunung ing Indonésia ingkang dumunung estunipun ing watesaning laladan Kabupatèn Banyuwangi, kabupatèn Bondowoso, kaliyan kabupatèn Jember, provinsi Jawa Wétan.[4] Dhuwuripun gunung punika inggih kirang langkung 3.332 mèter saking nginggil laut.[5] Gunung Raung mapan wonten ing rentetan Pegunungan Ijen ingkang kalebet pratélan gunung geni ingkang taksih aktip kanthi tipe stratovolcano.[6] Gunung Raung kalebet gunung api jinis komposit tipe A ingkang mlebet ing tigang wewengkon kabupatèn, inggih punika Kabupatèn Bondowoso, Kabupatèn Jember, saha Kabupatèn Banyuwangi.[7]

Kahanan Fisik[besut | besut sumber]

Gunung Raung gadhah kawah ing pucukipun ingkang wujudipun bunderan (circular). Déné kaldera gunung Raung ambaipun kirang langkung 750 m X 2.250 m saha taksih asring ngedalaken asep saha geni ingkang mburap-mburap. Sampun kecathet saking sujarah, bilih Gunung RAung sampun naté njeblug kaping 58 wiwit taun 1593 saha ingkang kaping pungkasan ing Januari 2013 punika. Ing pucuking gunung Raung asring wonten angin banter saha asring udan ingkang dadosaken kahanan pucuk gunung punika kraos adhem sanget, kanthi suhu saged ngantos 2-10 drajat Celcius. Dados, manawi badhé ndhaki ing gunung raung punika kedah mbeta jaket anget supados boten kademen.

Jalur dhaki[besut | besut sumber]

Wonten kalih jalur dhaki ingkang saged dipunlangkungi manawi ngersakaken ndhaki wonten ing Gunung Raung punika, inggih punika saged saking jalur sumber wringin (Puncak Bayangan) saha saking jalur Kali Baru (Puncak Sejati). Manawi saking jalur kali baru dipunwiwiti saking Surabaya dugi Kalibaru nitih bus utawi kreta. Sadèrèngipun ndhaki kedah ngurus layang ijin rumiyin dhateng kacamatan, kepulisian saha perhutani. Lajeng manawi sampun beres saged nitih ojek saking Kalibaru dhateng pos 1, lan manawi nitih ojek betahaken wekdal kirang langkung 1 jam. Lajeng saking pos 1 (pos sunarya) dhateng pos 2 (pos Semar) betahaken wekdal 5 jam. Saking pos 2 dhateng pos 3 (pos perto) betahaken wekdal 3 jam). Saking pos 3 dhateng pos 4 (Pos Bagong) betahaken wekdal 6 jam. Lan saking pos 4 dhateng puncak sajati betahaken wekdal kirang langkung 3 jam. Amargi toya punika namung saged kapanggih wonten ing pos 1 kemawon, mila kedah mbeto persediaan toya mineral ingkang kathah manawi ndhaki gunung punika. Awit saking kahanan punika lan dipunjalari ugi awit jalur dhaki dhateng gunung punika ingkang awrat, mila pendakian namung dipuntindakaken ing sasi-sasi mirunggan mawon (Juli-September).

Uga delengen[besut | besut sumber]

Cathetan suku[besut | besut sumber]

  1. ^ a b "Raung". Global Volcanism Program. Smithsonian Institution. Dijupuk 2008-12-24. 
  2. ^ "Mountains of the Indonésian Archipelago" Peaklist.org. Retrieved 2011-11-22.
  3. ^ "Gunung Raung, Indonésia" Peakbagger.com. Retrieved 2011-11-22.
  4. ^ [1](dipunundhuh tanggal 4 Nopember 2012)
  5. ^ [2](dipunundhuh tanggal 4 Nopember 2012)
  6. ^ [3] Jalur Pendakian Gunung Raung (dipunundhuh tanggal 14 Januari 2013)
  7. ^ [4] Pendakian Gunung Raung Sebuah Catatan Perjalan (dipunundhuh tanggal 14 Januari 2013)