Gunung Liman

Gunung Liman

gunung liman

Gunung Liman inggih salah satunggaling gunung ingkang dumunung ing provinsi Jawa Wétan, Indonésia. Gunung Liman mapan ing sisih wétan radi kidul saking Kota Madiun lan dumunung ing antawisipun Kabupatèn Ponorogo lan Kabupatèn Nganjuk.

Daya Tarik

Gunung Liman inggih kalebet pucuk ingkang paling inggil saking Pegunungan Wilis, Jawa Timur. Gunung Liman nyamektakaken sensasi ingkang saé sanget. Sak dangunipun ndhaki gunung Liman punika kathah kapanggih jinising flora saha fauna ingkang manéka warna. Ing sadangunipun dalan kanggé ndhaki ing jalur dhaki saking Pulosari, kacamatan Kare ugi wonten arca-arca ingkang kathah sanget. Nanging jalur punika arang dipunlangkungi para pendaki amargi aksesipun ingkang angèl ugi. Nanging, manawi ing jalur Kare-Telaga Ngebel sampun dipundandosi merginipun kanthi dipun aspal, mbok bilih lajeng saged dipun-ginakaken malih kanggé jalur dhaki ingkang dipunremeni para pendaki amargi jalur punika nyamektakaken pesona gunung-gunung sanès ing Jawa ingkang boten kalah éndah. Gunung Liman punika ugi gadhah potensi wisata ingkang saé sanget, kados ta wontenipun air terjun Slampir, Monumen Kresek, [[Monumen Jendral Sudirman, air terjun Selorejo, kebon kopi Kandangan, Wana Wisata Grape, saha taksih kathah sanès-sanèsipun.

Transportasi

Manawi badhé dhateng Gunung Liman ingkang wonten ing pucuking pagunungan wilis punika saged dipunwiwiti saking Surabaya nitih kreta lajeng mandhap wonten ing stasiun Tulungagung utawi mandhap ing Kertosono lajeng dipunoper dhateng arah Penataran. Lajeng sakiing stasiun Tulungagung saged dhateng Sendhang ingkang kalebet kacamatan ingkang paling pungkasan ing wiwitanipun jalur dhaki nitih angkudan umum lajeng mandhap ing pertelon koramil Sendang. Lajeng saking Sendang nitih angkudes utawi ojek dhateng désa Penampea utawi Penampihan. Amargi angkudes arang kapanggih wonten ing mriki, amargi naung saged operasi saking jam 8 dumugi jam 4 sore, lan namung mangkat saben 1 jam sapisan. Manawi nitih angkudes mila badhé dipunandhapaken wonten ing désa ingkang kaping pungkasan lan kedah mlampah tebihipun kirang langkung 1/2 km dhateng candhi penampihan. Saking candhi penampihan punika lajeng saged miwiti ndhaki wonten ing Gunung Liman.

Jalur Dhaki

Manawi badhé dhateng pucukipun Gunung Liman saged dipunwiwiti ugi saking Nganjuk saha Kediri. Nanging para pendaki langkung remen ndhaki saking laladan Tulungagung amargi medan dhakinipun ingkang nantang, ugi saged kapanggih sesawangan ingkang alami kados ta air terjun, situs purbakala utawi candhi, ugi ladhang kebon teh.

Uga delengen

• Pratélan gunung ing Indonésia