Gunung Arjuna

Saka Wikipédia Jawa, bauwarna mardika basa Jawa
(Kaelih saka Gunung Arjuno)
Aksara Latin
     
Gunung Arjuno
Gunung Arjuno dan Welirang, dideleng saka Gunung Penanggungan.
Titik dhuwur dhéwé
Èlevasi3,339 m (10,955 ft) (Arjuno)[1]
3156 m (Welirang)
Prominèn2,812 m (9,226 ft)
Isolasi53 kilometres (33 mi)
PratélanUltra
Ribu
Koordhinat7°42′02″S 112°34′29″E / 7.70056°S 112.57472°E / -7.70056; 112.57472Koordhinat: 7°42′02″S 112°34′29″E / 7.70056°S 112.57472°E / -7.70056; 112.57472
Géografi
Masalah Lua ing Modhul:Location_map larik 501: Unable to find the specified location map definition. Neither "Module:Location map/data/Indonésia" nor "Template:Location map Indonésia" exists.
Géologi
Jinisé gunungstratovolcano
Panjeblug pungkasan1952

Gunung Arjuna (aksara Carakan: ꦒꦸꦤꦸꦁꦲꦂꦗꦸꦤ, pégon: ڮونوڠ أرجونا) iku gunung geni (istirahat) kang dumunung ing Jawa Wétan, Indonésia kanthi tipe Strato kang dhuwuré 3.339 m sadhuwuré sagara. Gunung Arjuna sacara administratif dumunung ing wewatesan antarane Kutha Batu, Kabupatèn Malang, lan Kabupatèn Pasuruan. Gunung iki ana ing andahané Pengelolaan Tahura Raden Soeryo. Gunung iki ya iku gunung paling dhuwur nomer loro ing Jawa Wétan sawisé Gunung Semeru, sarta dadi gunung paling dhuwur kapapat ing Pulo Jawa. Nama Arjuna duwé asal usul saka salah sawijining wayang ing Mahabharata, Arjuna.

Arjuna-Welirang[besut | besut sumber]

Gunung Arjuna sisih-sisihan karo Gunung Welirang. Pucuk gunung Arjuna dumunung ana ing sak gigir karo pucuk gunung Welirang saingga kerep disebut komplèks Arjuna-Welirang. Gunung Arjuna duwé kawasan alas Dipterokarp Bukit, alas Dipterokarp Atas, alas Montane, lan alas Ericaceous utawa alas gunung. Ing lèrèngé gunung, uga ana mata ait Kali Brantas kang metu saka simpenan banyu ing jero Gunung Arjuna. Mata air iki ana ing Désa Sumber Brantas, Bumiaji, Kutha Batu. Kali Brantas ya iku kali paling dawa nomer loro sawisé Kali Bengawan Sala.

Mènèk Gunung[besut | besut sumber]

Gunung kang dumunung ing sisih kulon Kutha Batu-Jawa Wétan iki minangka salah siji tujuan pendhakian. Lumrahé gunung iki dipènèk saka rong titik kang misuwur, yaiku saka Trètès, Prigèn, Kabupatèn Pasuruan lan Batu. Saliyané saka rong panggonan ing dhuwur mau, Gunung Arjuna bisa dipènèk saka sawatara panggonan liyané. Gunung Arjuna bisa dipènèk saka sisih lor yaiku diwiwiti saka Trètès liwat Gunung Welirang, saka wétan yaiku saka Lawang, saka kulon yaiku saka Batu-Selecta, lan saka kidul yaiku saka Karang Plasa, Kabupatèn Malang.

Wisata Liyané[besut | besut sumber]

Saliyané dhuwuré kang nganti punjul 3000 mèter, ing gunung iki ana sawatara obyek wisata. Salah sijiné yaiku obyek wisata grojogan Kakek Bodo kang uga minangka salah siji jalur pendhakian tumuju pucuk Gunung Arjuna. Sanajan ana grojogan liyané nanging para wisatawan arang kang nekani, bokmanawa amarga panggonan lan sarana wisatané isih kurang apik. Sabagèan tujuan wisata kang wis populèr sa-Indonesia nganti manca uga manggon ana ing lèrèngé Gunung Arjuna, antarané ya iku Tretes, Kota Wisata Batu, lan Taman Safari Indonesia 2.

Deleng uga[besut | besut sumber]

Cathetan suku[besut | besut sumber]

  1. a b "Arjuno-Welirang". Global Volcanism Program. Smithsonian Institution. Dibukak ing 2006-12-26.