Gunung Salak

Saka Wikipédia Jawa, bauwarna mardika basa Jawa
Gunung Salak
Gunung Salak, didelok saka arah Bogor
Titik dhuwur dhéwé
Èlevasi2.221 m
Prominèn1,678 metres (5,505 ft)
Géografi
LocationJawa Kulon, Indonésia

Gunung Salak yaiku gunung geni sing ana ing pulo Jawa, Indonésia.[1] Gunung iki duwé manéka pucuk, antarané Pucuk Salak I lan Pucuk Salak II.[1] Panggoné miturut astronomi pucuk gunung iki yaiku ing 6°43' LS lan 106°44' BT.[1] Dhuwuré pucuk gunung Salak I 2.211 m lan pucuk gunung Salak II 2.180 m dpl.[1] Saliyané iku ana pucuk gunung manèh sing jenengé pucuk gunung Sumbul sing dhuwuré 1.926 m dpl.[1]

Ana ing administratif, gunung Salak kalebu ana ing wewengkon Kabupatèn Sukabumi lan Kabupatèn Bogor, Jawa Kulon.[1] Panglolaan kawasan alas ana ing gunung iki kabèh ana ing panguwasané Perum Perhutani KPH Bogor, nanging wiwit taun 2003 ana ing panguasané wewengkon pawiyaran Taman Nasional Gunung Halimun, kang saiki dijenengi Taman Nasional Gunung Halimun-Salak.[1]

Vulkanologi lan géologi[besut | besut sumber]

Gunung Salak kalebu gunung geni strato jinis A.[2] Wiwit taun 1600-an kacathet wis asring kadadéan mbledhos, antarané yaiku rangkéyan jeblugan ana ing taun 1668-1699, 1780, 1902-1903, lan 1935.[2] Jeblugan pungkasan kadadéan ana ing taun 1938, yaiku érupsi freatik kang ana ing Kawah Cikuluwung Putri.[2]

Cathetan sikil[besut | besut sumber]

  1. a b c d e f g www.puncakview.com (Diaksès tanggal 5 Juli 2011)
  2. a b c www.tnhalimun.go.id Archived 2004-03-13 at the Wayback Machine. (Diaksès tanggal 5 Juli 2011)