Gunung Lasem

Saka Wikipédia Jawa, bauwarna mardika basa Jawa
Gunung Lasem
Titik dhuwur dhéwé
Èlevasi806 mèter (- kaki)
Géografi
LocationRembang, Jawa Tengah Indonésia

Gunung Lasem ya iku gunung kang ana ing pérangan tengah Kabupatèn Rembang mbujur wiwit saka pagunungan Kapur Lor ing pérangan kidul nganti tekan pasisir pasisir Lor ing pérangan lor.[1] Gunung sing dhuwuré kira-kira 806 mèter iki separoné ana ing laladan kacamatan Lasem Kabupatèn Rembang Jawa Tengah.[1] Kang kalebu warna-warna kacamatan, kaya ta Sluke, Kragan, Sedan, Pamotan lan Pancur.[1]

Puncak sing paling dhuwur dhéwé saka gunung Lasem ya iku puncak Argopuro.[1] Puncak iki akèh banget ditekani déning para pendaki gunung saka wewengkon Rembang, Pati, Blora lan Tuban kang racaké paling ramé wektu dina minggu utawa pas mangsa liburan.[1]

Supaya bisa munggah nganti tekan pucuking Gunung Argopuro, dalan kang diliwati déning para pendaki racaké liwat désa Nyode, kacamatan Pancur Kabupatèn Rembang.[2] Saka kéné mau, isih bisa diliwati nganggo cara numpak kendaraan roda 4 nganti tekan désa kang paling buri dhéwé.[2] Ing désa kang paling buri dhéwé iku ana pos pendakian sing paling buri bisa dilakoni kanthi lumaku kira-kira kurang luwih 3 jam.[2] Pos kang paling buri dhéwé iku dinggo para pendaki kanggo ngaso.[2]

Kajaba iku uga bisa liwat saka ener kulon gunung liwat pos pendakian ing désa Gowak utawa désa Kajar kacamatan Lasem.[2]

Gunung lasem pancèn ora dhuwur, nanging saka dhuwur puncak Argopuro bisa deleng laut Jawa ing pérangan lor, kutha Lasem, kutha Rembang lan gunung Muria ing pérangan kulon. Saka arah kidul kita bisa deleng puncak gunung Lawu.[2]

Kesatuan Pemangku Hutan (KPH) Kebonharjo Perum Perhutani Unit I Jawa Tengah nglarang gunung Lasem lan laladan mata air Sumber Semen ditambang.[3] Alasané, laladan iku wis lumebu laladan High Conservation Value Forest (HCVF) utawa Hutan Bernilai Konservasi Tinggi.

Cathetan suku[besut | besut sumber]

  1. a b c d e Gunung Lasem (Dipuntingali tanggal 5 Juli 2011)
  2. a b c d e f Gunung Lasem [pranala mati permanèn] (Dipuntingali tanggal 5 Juli 2011)
  3. Gunung Lasem Tidak Boleh Ditambang (Dipuntingali tanggal 5 Juli 2011)