Gunung Perkison

Saka Wikipédia Jawa, bauwarna bébas abasa Jawa
Gunung Perkison
Èlevasi 2,828 metres (9,278 ft)
Gunung Perkison

Gunung Perkison inggih punika salah satunggaling gunung ingkang dumunung ing wewengkon Kabupatèn Acèh Tenggara provinsi Nanggroe Acèh Darussalam, Indonésia.[1] Tebihipun saking kutha Kutacane, kutha krajan Kabupatèn Acèh Tenggara inggih kirang langkung 30 km tumuju arah kulon radi mangaler. Pucukipun Gunung Perkison mapan wonten ing watesing taman, sisih wétanipun lembah alas. Jalur dhaki dhateng Gunung Perkison punika saged dipunwiwiti saking Désa Lawe Harum ingkang papanipun boten tebih saking Tanah Merah. Jalu dhakinipun inggih medal bukit hutan, déné ing sadangunipun mlampah saged kapanggih Tupai, kéwan-kéwan primata saha Hornbills. Lan ing laladan kanthi dhuwur 1200 mèter saged kapanggih kembang Reflesia ing sadangunipun jalur dhaki. Salajengipun ugi saged kapanggih hutan lumut saha kathah kapanggih magpie robin utawi copschus saularis. Déné saking pucuking gunung saged dipuntingali kaendahaning Kali Alas saha Kutacane. Lan ing sisih kilèn ugi saged dipuntingali Bukit Barisan saha Gunung Bendahara nalika cuacanipun saé.[2]

Flora saha Fauna[besut | besut sumber]

Manawi badhé dhateng Pucuk gunung Parkinson badhé ningali perkebunan pendhudhuk ingkang amba sanget. Kajawi punika ugi saged kapanggih golongan manuk rangkon utawi ingkang gadhah nama ilmiah Buceros rhinoceros saha Buceros virgil, Philautus sp utawi kodhok pohon hutan, lan ingkang paling asring kapanggih inggih tanduran Nepehentes. Nephentes utawi tanduran kantong semar punika badhé katingal kathah sanget kawontenanipun ing sak dangunipun margi, mliginipun ing laladan pucuk gunung Parkinson. Manawi sampun mlebet ing laladan punika mila badhé katingal hamparan laladan ingkang wiyar sanget ingkang kebak tanduran perdu saha dipunselingi kantong semar punika. Ing jalur dhaki dhaten Gunung Parkinson punika ugi badhé kapanggih regedan harimaau, gajah, saha ula ageng ingkang kewaregen mangan wedhus, Dipun panggihaken ugi Pacat Daun ing sak pinggirng margi dhateng pucuk gunung. Nalika ndhaki gunung Parkinson punika ugi badhé ngliwati margi setapak ingkang taksih risak. Dipun betahane kontrol napas ingkang saé supados boten muntah ngliwati merginipun, saha dipunbetahaken daya tenaga mliginipun kakuwatan kempol ingkang saé amargi kempol punika ingkang dados rim nalika ngliwati laladan ingkang dalan medhunipun tajem sanget.

Uga delengen[besut | besut sumber]

Cathetan suku[besut | besut sumber]

  1. ^ [1] Gunung Perkison (dipunundhuh tanggal 14 Januari 2013)
  2. ^ [2] Gunung Perkison (dipunundhuh tanggal 14 Januari 2013