Lumut

Saka Wikipédia Jawa, bauwarna bébas abasa Jawa
Jump to navigation Jump to search
Jinis lumut Marchantia
Salah sijiné golongan bryophytes

Tanduran lumut minangka sakumpulan tanduran cilik kang kalebu sajeroning divisio Bryophyta (saka basa Yunani bryum, "lumut").

Tanduran iki wis nuduhaké diferensiasi kang tegas antara organ panyerap hara lan organ fotosintetik nanging durung duwé oyot lan godhong sajati. Golongan tanduran iki uga durung duwé pembuluh sajati. Alih-alih oyot, organ panyerap harané awujud rizoid (harafiah: "kaya oyot"). Godhong tanduran lumut bisa ngayahi fotosintesis. Tanduran lumut minangka tanduran pelopor, kang tuwuh ing sawijining panggonan sadurungé tanduran liya bisa tuwuh. Iki kedadéan amarga tanduran lumut ukurané cilik nanging minangka koloni kang bisa njangkau area kang amba. Jaringan tanduran kang mati dadi sumber hara tumrap tanduran lumut liya lan tanduran kang liyané.

Sajeroning basa sadina-dina, istilah "lumut" bisa tegesé sawetara divisio. Klasifikasi lawas nggabungaké uga lumut hati lan lumut tanduk sajeroning Bryophyta, sa’engga ing sajeroning Bryophyta karangkum lumut tanduk, lumut hati, lan lumut sajati (Musci). Nanging, perkembangan sajeroning taksonomi tanduran nuduhaké yèn penggabungan iki parafiletik wusanané diputusaké misah lumut hati lan lumut tanduk ing sajabané Bryophyta. Ing donya ana watara 4.000 spésies tanduran lumut (kalebu lumut hati), 3.000 ing antarané tuwuh ing Indonésia[1]. Kebun Raya Cibodas ing Jawa Kulon duwé "taman lumut" kang ngolèksi manéka tanduran lumut lan lumut hati saka manéka wewengkon ing Indonésia lan donya.

Rujukan[besut | besut sumber]