Gajah

Saka Wikipédia Jawa, bauwarna mardika basa Jawa
Elephas maximus

Famili Gajah (Basa krama: liman; Latin: Elephantidae) iku famili saka ordho Pachyderm, lan siji-sijiné famili sing kasisa saka ordho Proboscidea. Gajah iku kéwan sing ana ing Indonésia. Gajah iku mamalia lan wujud kéwan dharat gedhé dhéwé ing donya. Ana 2 spésies gajah ing donya yaiku Gajah Asia (biyèn dikenal minangka Gajah Indhia) lan Gajah Afrika.

Periode meteng gajah iku 22 sasi, paling suwé tinimbang kéwan dharat liyané. Bobot bledug (anak gajah) lumrahé 120 kilogram. Gajah bisa urip tekan 70 taun. Gajah uga tau digunakaké ing peperangan minangka gajah perang kanggo nyerang mungsuh.

Dasanama[besut | besut sumber]

Ing ngisor iki dasanamaning gajah kang muni ing layang D.N.K. sarta J.Z.I. kaya ta Gajah (yèn alasan), Harjamuka (yèn sinamiran), Hasti, Hèsthi (yèn tinunggangan), Rajamuka, Kunjara, Dirada (yèn arep meta), Diraddha, Dwirocana, Dwiraddha, Dwipa, Dwipangga, Dipăngga (yèn tinitihan ing ratu), Samadya, Samaja (yèn ginawa prang), Waniti (yèn pinalanan), Liman, Pinggala, Jagamuka (yèn tinunggangan ing buta), Matengga (yèn ginawa cangkrama), Gajaksa, Gathamuthu, Brajamuka (yèn binarong).[1]

Uga delengen[besut | besut sumber]

Rujukan[besut | besut sumber]

  1. Padmasusastra. Layang Bauwarna - 1898 (ing basa Jawa).

Pranala njaba[besut | besut sumber]