Gunung Ceremai

Saka Wikipédia Jawa, bauwarna mardika basa Jawa
Gunung Ceremai
Gunung Ceremai saking arah Cigugur, Kuningan
Titik dhuwur dhéwé
Èlevasi3078 m
Prominèn2,792 metres (9,160 ft)
Koordhinat6°32′S 108°14′E / 6.53°S 108.24°E / -6.53; 108.24
Géografi
LocationJawa Barat, Indonésia

Gunung Ceremai utawi wonten ingkang nyebat "Ciremai" inggih salah satunggaling gunung ingkang dumunung ing Indonésia. Miterat cathetan administratifipun, gunung Ceremai kalebet ing wewengkon tigang kabupatèn, inggih punika Kabupatèn Cirebon, Kabupatèn Kuningan lan Kabupatèn Majalengka, Provinsi Jawa Barat. Cathetan geografisipun inggih pucukipun dumunung ing 6° 53' 30" LS lan 108° 24' 00" BT. Dhuwuripun Gunung Ceremai inggih kirang langkung 3.078 m saking nginggiling toya laut.[1] Gunung Ceremai inggih kalebet gunung paling inggil ingkang wonten ing Jawa Barat.

Gunung Ceremai gadhah kawah kalih, ingkang mapan wonten ing sisih kulon lan wétan. Kawah ing sisih kilèn radiusipun 400 m kapedhot kaliyan kawah ing sisih wétan kanthi radius 600 m. Ing pinggih pèrèng sisih kidul ing satunggaling titik ingkang dhuwuripun 2.900 m dpl wonten tilas gunung njeblug kala rumyin ingkang dipunwastani Gowa Walet.

Topografi[besut | besut sumber]

Topografi gunung ceremai punika inggih padatanipun ngomba, bukit-bukit, saha nggunung kanthi mbentuk krucut ing pérangan pucukipun.[2] Kaanan topografi gunung ugi gadhah variasi saking siti ingkang rata, andhap ngantos ingkang curam. Déné posisi miringipun siti kalebet lande saking 0-80/0 utawi namung 26,52 % saha ing ngginggil 8 % (73,480/0) Déné iklim ingkang wonten inggih kanthi rata-rata curah udanipun 2.000-4.000 mm/taun gadhah udara ing asrep kanthi temperatur udara ing antawisipun 18-22 drajat celcius. Déné topografinipun variasi saking sisih wétan kanthi posisi miringipun langkung inggil saha siti ing sisih kidul kanthi posisi miringipun siti ingkang langkung lande.

Jalur Daki[besut | besut sumber]

Manawi badhé tumuju dhateng pucukipun gunung ceremai saged dipundaki saking kathah jalur daki. Nanging jalur daki ingkang paling misuwur saha gampil dipunakses inggih saking désa Palutungan saha Désa Linggarjati ing Kabupatèn Kuningan saha Désa Apuy ing Kabupatèn Majalengka. Déné jalur daki ingkang arang dipun-ginakaken inggih saking Désa Padabeunghar ing laladan watesaing Kuningan saha Majalengka ing sisih lor. Ing kitha Kuningan wonten golongan pecinta alam Akar (Anak Kuningan Alam Rimba) ingkang saged mbiyantu paring sadengah informasi saha panduan nalika badhé ndaki gunung Ceremai.

Cathetan suku[besut | besut sumber]

  1. [1] PETA KAWASAN GUNUNG CEREMAI (dipunundhuh tanggal 11 Januari 2013)
  2. [2] Archived 2013-08-20 at the Wayback Machine. Kawasan Gunung Ciremai (dipunundhuh tanggal 11 Januari 2013)