Swèdhen

Saka Wikipédia Jawa, bauwarna bébas abasa Jawa
(Dilih saka Swédia)
Konungariket Sverige
Gendéra Lambang nagara
Motto: - 1
Antem: Du gamla, Du fria
(Basa Swédhen: "Panjenengan kang Tua, Panjenengan kang Bebas")
Kutha krajan
lan paling gedhé
Stockholm
Basa resmi - 2
Papréntahan Monarki konstitusional,
Parlementer
 • 
Raja
Carl XVI Gustaf
 •  Perdana Mentri Stefan Löfven
Konsolidasi
 •  Banyu (%) 8,67%
Cacah jiwa
 •  Rantaman 2004 9.006.405 (84)
 •  Cacah sirah 2002 8.940.788 (perk.)
GDP  (PPP) Rantaman 2005
 •  Gunggung $267 milyar (34)
 •  Per kapita $29.544 (13)
Valuta Krona Swedia (SEK)
Zona wektu CET (UTC+1)
 •  Mangsa Panas (DST) CEST (UTC+2)
Kodhé bèl 46
TLD Internèt .se
1 För Sverige i tiden (basa Indonésia: Kanggo Swédhen; salawasé) dipigunakaké déning Carl XVI Gustaf minangka motto pribadi jroning tugas minangka raja Swedia. 2 Basa Swédhen iku basa nasional de facto Swédhen. Saliyané iku, ana 5 basa liyané kang diakon sacara resmi minangka basa minoritas.

Krajan Swèdhen utawa Konungariket Sverige jroning Basa Swèdhen ya iku nagara Nordik ing Skandinavia, Éropah kang kutha krajanné Stockholm. Nagara iki wewatesan karo Norwegia ing sisih kulan lan Finlandia ing sisih lor-wétan, Selat Skagerrak lan Selat Kattegat ing sisih kidul-kulon, sarta Laut Baltik lan Lempongan Bothnia ing sisih wétan.

Ana ing taun 1995 Swèdhen gabung jroning Uni Éropah nanging nganti saiki Swèdhen isih durung gabung jroning Persatuan Moneter Éropah. Swèdhen klebu nagara maju lan rakyaté nampa pelayanan publik kang apik.

Kapadetan padunung Swèdhen endhèk banget, séjéné ing laladan metropolitan. Ora ana basa resmi nanging sacara de facto, basa resminé ya iku basa Swèdhen utawa Svenska ditambah 5 basa minoritas liyané.

Swèdhen minangka salah sawijining nagara paling miskin ing Éropah ing abad ka-19, disebabaké déning konsumsi alkohol kang dhuwur lan dogmatik Protestanisme. Kahanan mau owah nalika transportasi lan komunikasi berkembang ngidinaké pemanfaatan aset alam saka sawetara bagéyan nagara, kang misuwur ya iku kayu lan bijih wesi. Saiki, nagara iki diarani liberal lan pepénginan kanyamaan kang kuat, lan biasané ana ing urutan nduwur ana ing Indeks Pengembangan Manusia PBB.

Kutha krajan nagara pangasil mobil Volvo iki ya iku Stockholm. Padunungé sangang yuta jiwa manggoni luwih saka 440.000 km² saéngga nagara iki dadi urutan ka-155 jroning kapadetan padunung ing donya.

Pulitik[besut | besut sumber]

Swèdhen wis dadi nagara karajan suwéné mèh sak milenium. Sistem perpajakané diatur déning Riksdag (parlemen). Riksdag dumadi saka empat majelis, ya iku saka wakil-wakil patang kategori: masyarakat awam, bangsawan, klerik, lan townsmen, nganti taun 1866 nalika Swèdhen dadi monarki konstitusional kanthi parlemen bikameral. Majelis pisanané dipilih langsung jroning pemilihan nasional saben patang taun.

Geografi[besut | besut sumber]

Laladan Swèdhen dumunung ing belahan bumi lor lan ing sisih lor, ana wewengkon sing dumunung ana ing tlatah Lingkaran Arktik nanging nduwé iklim sedang.

Ing sisih wétan, wewengkoné diwatesi Laut Baltik lan Lempongan Bothnia. Watesé ing sisih kulon karo Norwegia arupa Pegunungan Skandinavia. Kapadetan padunung cenderung luwih dhuwur ing laladan kidul kang mayoritas agrikultur lan tansaya ngalor, alasé tansaya kandel.

Demografi[besut | besut sumber]

Tanggal 12 Agustus 2004, populasi Swèdhen nggayuh angka 9 yuta jiwa lan nduwèni tingkat harapan hidup kang dhuwur dibanding karo nagara-nagara umumé. Padunung asliné ya iku Wong Sami. Sebagéyan gedhé warga Finn Swèdhen arupa migran utawa keturunan pendatang saka abad ka-20 nanging ana watara 50.000 suku Finn asli kang dadi salah siji minoritas ing Swèdhen.

Sawisé Perang Dunia II, Swèdhen akèh nampa migran utamané amarga perang ing nagara liya kayadéné saka Irak, Iran, Yugoslavia, lan Palestina sarta wong-wong Amerika Serikat kang ora mèlu Perang Vietnam. Nanging, kelompok imigran paling gedhé ya iku suku Finn saka Finlandia.

Uga pirsani[besut | besut sumber]

Pranala jaba[besut | besut sumber]


 
Uni Eropah (EU)
Gendéra Uni Eropah

Austria | Belanda | Belgia | Britania Raya | Bulgaria | Ceko | Denmark | Estonia | Finlandia | Jerman | Hongaria | Irlandia | Italia | Latvia | Lituania | Luxemburg | Malta | Perancis | Polandia | Portugal | Rumania | Siprus | Slowakia | Slovenia | Spanyol | Swedia | Yunani


Sumber artikel punika saking kaca situs web: "https://jv.wikipedia.org/w/index.php?title=Swèdhen&oldid=1095832"