Ignatius Suharyo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mgr. Dr.
Ignatius Suharyo Hardjoatmodjo
Uskup Agung Jakarta
Mgr. Ignatius Suharyo, 2018.jpg
Kauskupan agung Jakarta
Provinsi Jakarta
Métropolis Jakarta
Didhapuk 28 Juni 2010
(&&&&&&&&&&&&&&09.&&&&&09 taun, &&&&&&&&&&&&&054.&&&&&054 dina)
Installed 29 Juni 2010
Sadurungé Julius Darmaatmadja, S.J.
Other posts
Orders
Ordination 26 Januari 1976
(&&&&&&&&&&&&&043.&&&&&043 taun, &&&&&&&&&&&&0207.&&&&&0207 dina)
Consecration 22 Agustus 1997
(&&&&&&&&&&&&&021.&&&&&021 taun, &&&&&&&&&&&&0364.&&&&&0364 dina)
by Julius Darmaatmadja, S.J.
Personal details
Jeneng lair Ignatius Suharyo Hardjoatmodjo
Lair (1950-07-09) Juli 9, 1950 (umur 69)
Sedayu, Bantul, Yogyakarta, Indonesia
Kabangsan  Indonesia
Denomination Katolik Roma
Residence Kompleks Gereja Katedral Jakarta
Wong tuwa Florentinus Amir Hardjodisastra (ayah)
Theodora Murni Hardjadisastra (ibu)
Previous post
  • Administrator Apostolik Bandung (2010-2014)
  • Wakil Ketua I Konferensi Waligereja Indonesia
Sesanti Serviens Domino Cum Omni Humilitate ()
(Aku Melayani Tuhan dengan Segala Rendah Hati)
Coat of arms Ignatius Suharyo Hardjoatmodjo's coat of arms

Prof. Mgr. Dr. Ignatius Suharyo Hardjoatmodjo (lair ing Sedayu, Bantul, Yogyakarta, Indonesia, 9 Juli 1950; umur 69 taun) nggih punika Uskup Agung Jakarta awit surya 29 Juni 2010, nggantos Kardinal Julius Darmaatmadja, S.J.. Sadèrèngipun nyepeng jabatan punika, Mgr. Suharyo kahdapuk dados Uskup Agung Koajutor Jakarta lan Uskup Agung Semarang.[1] Wekdal punika, piyambakipun ugi dados Uskup Ordinariat Militer Indonesia.[2]

Wiwit surya 15 November 2012, Suharyo kapilih minangka Pangageng Konferensi Waligereja Indonesia, nggantos Mgr. Martinus Dogma Situmorang, OFM.Cap.

Latar wingking[besut | besut sumber]

Mgr. Suharyo lair ing Sedayu, Bantul, Yogyakarta, Indonesia surya7 Juli 1950 saking Florentinus Amir Hardjodisastra, pegawé ing Dinas Pengairan Daerah Istimewa Yogyakarta lan Theodora Murni Hardjadisastra minangka putra kaping pitu saking sedasa putra. Kangmasipun, RP. Suitbertus Ari Sunardi OCSO, nggih punika rahib imam di Pertapaan Santa Maria Rawaseneng di Kabupaten Temanggung, Jawa Tengah. Sawetawis sedhèrèk sanèsipun dados biarawati, nggih punika Suster Christina Sri Murni, FMM lan Suster Maria Magdalena Marganingsih, PMY.

Pawiyatan[besut | besut sumber]

Mgr. Suharyo wiwitanipun sekolah wonten SD Kanisius, Gubuk, Sedayu, lan ing kelas IV ngalih wonten SD Tarakanita, Bumijo, Yogyakarta. Lajeng piyambakipun nerusaken pawiyatan wonten Seminari Kecil Mertoyudan, Kabupaten Magelang, Jawa Tengah taun 1961. Mgr. Suharyo nglampahi sekolah menegah atas ing Seminari Menengah Mertoyudan, lulus taun 1968. Piyambakipun nglajengaken wonten IKIP Sanata Dharma, Yogyakarta, lan taun 1971 nampi gelar Sarjana Muda bidang Filsafat/Teologi, sarta taun 1976 pikantuk gelar Sarjana Filsafat/Teologi. Kardinal Justinus Darmojuwono lajeng maringi tugas pawiyatan wonten Roma, Italia. Piyambakipun ngrampungaken pawiyatan Doktoral Teologi Bibilis ing Universitas Urbaniana, Roma, Italia taun1981.

Karier[besut | besut sumber]

Mgr. Suharyo dipuntahbisaken minangka Imam ing surya 26 Januari 1976 déning Kardinal Justinus Darmojuwono wonten ing Kapel Seminari Tinggi Santo Paulus, Kentungan, Kabupaten Sleman, Yogyakarta, sesarengan kaliyan RD Yohanes Bardiyanto.

Sasampunipun wangsul saking Roma, Italia, Mgr. Suharyo dados dhosen wonten Sekolah Tinggi Filsafat Kateketik Pradnyawidya, Yogyakarta awit taun1981dumugi1991. Ing taun 1983 dumugi 1993, piyambakipun nyepeng jabatan minangka Ketua Jurusan Filsafat lan Sosiologi ing IKIP Sanata Dharma, Yogyakarta. Mgr. Suharyo ugi naté dados dhosen Pengantar lan Ilmu Tafsir Prajanjian Enggal ing Fakultas Teologi Wedabhakti, Yogyakarta taun 1989. Lajeng kapilih dados Dekan Fakultas Teologi Universitas Sanata Dharma, Yogyakarta taun 1993 hingga 1997, kajawi mucal wonten Universitas Kristen Duta Wacana, Yogyakarta lan Universitas Katolik Parahyangan, Bandung taun 1994–1996. Ing taun 1996-1997, Suharyo kadhapuk minangka Direktur Program Pascasarjana Universitas Sanata Dharma, Yogyakarta, lan naté nyepeng dados Ketua Konsorsium Yayasan Driyarkara ing taun 1997, kajawi Ketua UNIO (Persaudaraan Imam-imam Praja) sarta salebetipun Komisi Kitab Suci Keuskupan Agung Semarang.

Mgr. Suharyo kadhapuk dados Uskup Agung Semarang ing surya 21 April 1997 déning Paus Yohanes Paulus II. Piyambakipun dipuntahbisaken ing surya 22 Agustus 1997 wonten Gedung Olahraga Jatidiri, Semarang, Jawa Tengah.[2] Lajeng piyambakipun dipuntahbisaken minangka Uskup déning Uskup Agung Jakarta Mgr. Julius Kardinal Darmaatmadja, S.J.

Pakaryan[besut | besut sumber]

Mgr. Suharyo nganggit buku-buku antawisipun

  1. Membaca Kitab Suci: Paham-paham Dasar
  2. Membaca Kitab Suci: Tulisan-tulisan Perjanjian Lama
  3. Membaca Kitab Suci: Tulisan-tulisan Perjanjian Baru
  4. Pengantar Injil Sinoptik
  5. Alam Hidup Perjanjian Lama
  6. Kitab Wahyu, Paham dan Maknanya Bagi Hidup Kristen
  7. Datanglah KerajaanMu
  8. Kisah Sengsara Yesus dalam Injil Sinoptik
  9. The Catholic Way, Kekatolikan dan Keindonesian Kita

Kajawi punika, Mgr. Suharyo ugi nyadhur anggitanipun Henri J.M. Nouwen, nggih punika:

  1. Menggapai Kematangan Hidup Rohani
  2. Dengan Tangan Terbuka
  3. Engkau Dikasihi
  4. Kembalinya Si Anak Hilang
  5. Cakrawala Hidup Baru
  6. Pelayanan yang Kreatif

Galeri[besut | besut sumber]

Rujukan[besut | besut sumber]

  1. Mgr. Ignatius Suharyo, PR - Uskup Coajutor KAJ. Situs Paroki Gereja Katolik Trinitas Cengkareng, 27 Juli 2009. Diakses pada 6 Juli 2010.
  2. a b Mengenal Lebih Dekat Mgr. Ignatius Suharyo, Situs Resmi Keuskupan Agung Jakarta, 30 Juli 2009. Diakses pada 6 Juli 2010.