Gunung Semèru

Saka Wikipédia Jawa, bauwarna bébas abasa Jawa
Semèru
Semeru.jpg
Semèru ing taun 1985.
Titik dhuwur dhéwé
Èlevasi 3.676 m (12.06 ft)
Prominèn 3.676 m (12.06 ft) 
Urut 45
Isolasi 391 kilometres (243 mi)
Pratélan Ultra
Ribu
Koordhinat 8°6′28.8″S 112°55′12.0″E / 8.108000°S 112.920000°E / -8.108000; 112.920000Koordhinat: 8°6′28.8″S 112°55′12.0″E / 8.108000°S 112.920000°E / -8.108000; 112.920000
Géografi
Semèru is located in Java
Semèru
Semèru
Géologi
Jinisé gunung Stratovolkano
Panjeblug pungkasan 1967 sapréné
Panjatan
Panjatan pisanan Ora kawruhan
Rute gampang dhéwé Tumpang

Gunung Semèru utawa Sumèru iku gunung geni dhuwur dhéwé ing Pulo Jawa. Pucuké ingaran Mahamèru lan dhuwuré 3.676 mèter saka lumahing segara (msls). Kawah ing pucuké Semèru kaloka kanthi jeneng Jonggring Salaka. Semèru duwé laladan alas dipterokarp gumuk, alas dipterokarp dhuwur, alas pagunungan, lan alas Erica. Pernahé gunung iki ana ing antarané Kabupatèn Malang lan Kabupatèn Lumajang, kanthi titik géografis antarané 8°06' Ujur Kidul lan 120°55' Alang Wétan.

Ing taun 1913 lan 1946, Kawah Jonggring Salaka ana kubahé, saéngga dhuwuré gunung 3.744,8 msls nganti pungkasané Novèmber 1973. Ing sisih kidulé, kubah iki njebol pinggiré kawah sing njalari iliné lava tumuju pèrèng kidul sing ngener laladan Pranajiwa lan Candhipura ing Lumajang.

Manjat gunung[besut | besut sumber]

Perlu wektu watara patang dina saperlu mangkat mulih manjat gunung iki. Manjat gunung iki bisa liwat Kutha Malang utawa Lumajang.

Rute[besut | besut sumber]

Rute saka Malang menyang Gunung Semèru:

  1. Malang - Tumpang 18 km
  2. Tumpang - Gubugklakah (Pos Pandhaftaran)
  3. Gubugklakah - Ranu Pani (Kémah pokok)
  4. Ranu Pani - Watu Rejeng
  5. Watu Rejeng - Ranu Kumbala
  6. Ranu Kumbala - Ara-ara Amba
  7. Ara-ara Amba - Cemara Kandhang
  8. Cemara Kandhang - Kalimati
  9. Kalimati - Arcapada
  10. Arcapada - Pucuk Semèru

Rute saka Lumajang menyang Gunung Semèru:

  1. Lumajang - Sendura
  2. Sendura - Burna
  3. Burna - Ranu Pani (2.200 mèter)
  4. Ranu Pani - Watu Rejeng
  5. Watu Rejeng - Ranu Kumbala (2.400 mèter)
  6. Ranu Kumbala - Kalimati (2.700 mèter)
  7. Kalimati - Arcapada (2.900 mèter)
  8. Arcapada - Pucuk Semèru (3.676 mèter)

Gas racun[besut | besut sumber]

Ing pucuké Gunung Semèru (Pucuk Mahamèru) ora diéntukaké lunga menyang Kawah Jonggring Salaka uga dilarang manjat saka sisih kidul amarga ana gas racun lan ilèn wlahar.

Pranala njaba[besut | besut sumber]