Gunung Panderman

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

8°06′43″S 112°55′20″E / 8.11194°S 112.92222°E / -8.11194; 112.92222

Gunung Panderman
Èlevasi1,705 metres (5,594 ft)
Gunung Panderman

Gunung Panderman inggih punika salah satunggaling gunung ingkang dumunung ing Kota Batu, Jawa Wétan, Indonésia, kanthi pucukipun mapan ing Basundara, ingkang dhuwuripun 2.000 mèter dpl.

Kaanan Gunung[besut | besut sumber]

Gunung Panderman ingkang mapan wonten ing Kota Batu, Malang punika inggih kalebet laladan potensial wisata ingkang mapan wonten ing dhuwur 1.300 – 1800 m sak nginggiling toya laut. Ingkang dadosaken gunung Panderman punika potensial dados papan wisata inggih amargi kaanan lingkunganipun ingkang asri, kepénak, saha gadhah sesawangan ingkang éndah. Kajawi punika, GUnung Panderman ugi gadhah fungsi ekologis ing antawisipun kanggé fungsi perlindungan, pelestaraian alam, saha minangka sumbering toya ing laladan Malang. Ing awal era reformasii, ing Gunung Panderman ngalami rusak ingkang radi awrat amargi obahan vandalis perusak hutan saha eksploitasi tanpa wates ingkang njalari sistem ékologi saha sumber toya ingkang wonten radi keganggu.[1]

Daya Tarik[besut | besut sumber]

Saking pucukipun Gunung Panderman saged dipuntingali kutha Batu saha kutha Malang ingkang mapan wonten ing ngadhapipun, ingkang katingal éndah sanget kanthi wontenipun lampu-lampu ingkang kemerlip ingkang nambah endahing dalu ing pucukipun Paderman. Ing Gunung Panderman hawanipun asrep sanget, kaping lipet 3 tinimbang kutha Malang. Sak dangunipun mlampah dhateng pucuk gunung saged dipuntingali kebon sayur para wong tani saha wit pinus ingkang taksih ijem. Ing salebeting alas ugi kathah kethèk-kethèk ingkang nakal.

Jalur Dhaki[besut | besut sumber]

Panderman sajatosipun namung awujud bukit alit ing Kota Baru, nanging radi nantang kanggé para pendaki ingkang taksih awal. Wonten kalih jalur dhaki manawi badhé dhateng Gunung Panderman punika. Ingkang sapisan, inggih punika jalur umum ingkang kathah dipunmangertosi déning masarakat wiyar, inggih punika medal Dukuh Toyomerto, Désa Pesanggrahan. Déné, jalur ingkang kaping kalih inggih punika saged dpun wastani sanès jalur umum amargi dèrèng kathah ingkang mangertosi rute punika lan panci boten wonten fasilitas-fasilitan kados ta papan parkir saha toya resik kanggé para pendaki. Jalur punika asring dipunanggep "Short Cut" dhateng pucuk gunung lan kathah dipunremeni déning para pendaki pecinta alam.[2] Para anggota pecinta alam Kota Batu asring nyebat jalur punika jalur "Curah Banteng" amargi jalur punika cekap nantang ing sapérangan tanjakanipun ingkang gadhak drajat miring saged dumugi 90 drajat lan namung saged dipunlangkungi kanthi menek. Dipun betahaken wekdal udakawis 3 jam kanggé ndhaki pucukipun gunung Panderman saking Kota Batu. Pos sapisan ing jalur dhaki nalika badhé tumuju dhateng Gunung Panderman inggih ing kawasan Latar Amba, ingkan punika asring dipundadosaken papan kanggé bumi perkemahan. Pos ingkang kaping kalih inggih punika kawasan Watu Gede. Dipun sebat watu gedhé amargi ing pos punika wonten watu ageng ingkang minangka simbol papan punika.

Uga delengen[besut | besut sumber]

Cathetan suku[besut | besut sumber]

  1. [1] Tingkat Kerusakan Komunitas Tumbuhan di Gunung Panderman, Désa Songgokerto, Malang. (dipunundhuh tanggal 14 Januari 2013)
  2. [2] Gunung Panderman (dipunundhuh tanggal 14 Januari 2013)