Christophorus Tri Harsono

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mgr.
Christophorus Tri Harsono
Uskup Purwokerto
Mgr Christophorus Tri Harsono.jpg
Gréja Katolik Roma
Keuskupan Purwokerto
Didhapuk 14 Juli 2018
(&&&&&&&&&&&&&&01.&&&&&01 year, &&&&&&&&&&&&&035.&&&&&035 dina)
Sadurungé Julianus Sunarka, S.J.
Other posts
  • Ketua Komisi Keluarga KWI (2018–2021)
Orders
Ordination 5 Februari 1995
(&&&&&&&&&&&&&024.&&&&&024 taun, &&&&&&&&&&&&0194.&&&&&0194 dina)
Consecration 16 Oktober 2018
(&&&&&&&&&&&&&&00.&&&&&00 taun, &&&&&&&&&&&&0306.&&&&&0306 dina)
by Robertus Rubiyatmoko
Personal details
Jeneng lair Christophorus Tri Harsono
Lair (1966-01-18) Januari 18, 1966 (umur 53)
Indonésia Bogor, Jawa Barat
Kabangsan  Indonesia
Denomination Katolik Roma
Residence Keuskupan Purwokerto
Previous post
Sesanti Fiat mihi secundum verbum Tuum ()
(Terjadilah padaku menurut perkataan-Mu)
Coat of arms Christophorus Tri Harsono's coat of arms

Mgr. Christophorus Tri Harsono[1] (lair ing Bogor, Jawa Barat, Indonesia, 18 Januari 1966; umur 53 taun) nggih punika uskup Purwokerto wiwit kapilih ing surya 14 Juli 2018 nggantos Mgr. Julianus Sunarka, S.J.

Latar wingking[besut | besut sumber]

Harsono lair saking bapa ingkang anggota Korps Pasukan Khas TNI Angkatan Udara. Piyambakipun manggen wonten ing lingkungan Pangkalan Udara Atang Senjaya ing tlatah Semplak, Bogor Barat, Bogor.[2]

Pawiyatan lan tahbisan[besut | besut sumber]

Harsono nglampahi pawiyatan ing Seminari Menengah Stella Maris, Bogor laminipun sekawan taun,[3] lajeng nerasaken wonten Seminari Tinggi Santo Petrus dan Paulus ing Buah Batu, Bandung. Salajengipun kuliyah ing filsafat lan teologi Universitas Katolik Parahyangan ing Bandung.[2] Piyambakipun dipuntahbisaken dados imam diosesan Keuskupan Bogor ing surya 5 Februari 1995 déning Uskup Bogor, Mgr. Cosmas Michael Angkur, O.F.M. Sesarengan kaliyan Harsono, ugi katahbisaken R.D. Markus Lukas lan R.D. Stanislaus Kostka Pujiantoro.[4] Pnahbisan kalaksanan wonten ing Paroki Keluarga Kudus, Cibinong.[5]

Pakaryan[besut | besut sumber]

Panugasan kapisan tumrap Harsono sasampunipun katahbisaken minangka pastor rekan ing Paroki Maria Tak Bernoda, Rangkasbitung dumugi 1996, sadèrèngipun gemban tugas minangka pamong (staf pembina) ing alma materipun, Seminari Menengah Stella Maris di Bogor dumugi taun 1998, kanthi tugas pastoral ing dinten Minggu wonten Paroki Rangkasbitung.[6] Lajeng piyambakipun sinau basa lan Arab ing Institut Dar Comboni untuk Studi Arab, Kairo, Mesir ing taun kapisan lan dipunlajengaken wonten Institut Kepausan untuk Studi Arab dan Islam (Pontificio Istituto di Studi Arabi e d'Islamistica, P.I.S.A.I.), Roma, Italia, dumugi piyambakipun nampi lisensiat.

Sakunduripun saking pawiyatan, Harsono ngayahi jejibahan minangka dhosen Islamologi wonten Fakultas Filsafat Universitas Katolik Parahyangan dumugi 2018. Piyambakipun ugi guru besar ilmu Islam wonten Fakultas Filsafat Unpar, ugi bidang Agama Katolik lan perbandingan agama salebetipun Mata Kuliah Umum (MKU).[6] Harsono ugi ngrangkep minangka rektor Seminari Tinggi Santo Petrus dan Paulus ing Bandung awit 2002 dumugi 2005, ugi ing taun 2008 dumugi 2014. Piyambakipun naté dados anggota Komisi Hubungan Antar Keyakinan dan juga anggota Komisi Seminari ing Konferensi Waligereja Indonesia, sarta Ketua Komisi Hubungan Antar Keyakinan Keuskupan Bogor.[6] Awit taun 2007, Harsono kapilih dados Anggota Forum Kerukunan Umat Beragama (FKUB) Jawa Barat.[7] Wiwit taun 2014, Uskup Bogor, Mgr. Paskalis Bruno Syukur, O.F.M. ndhapuk piyambakipun dados Vikaris Jenderal Keuskupan Bogor.

Uskup Purwokerto[besut | besut sumber]

Ing dinten Setu 14 Juli 2018, Paus Fransiskus ndhapuk Mgr. Tri Harsono minangka Uskup Purwokerto[8][9][10] saperlu ngisi kalodhangan sasampunipun pakarya Mgr. Julianus Sunarka, S.J. pungkas lan pensiun ing surya 29 Desember 2017. Dinten niku, pandhapukan kawartosaken miyos misa ing Gereja Katedral Bogor déning Mgr. Paskalis Bruno Syukur, O.F.M. lan ing Gereja Katedral Kristus Raja déning Administrator Diosesan Keuskupan Purwokerto, R.D. Tarcisius Puryatno.[11]

Harsono katahbisakenminangka uskup ing dinten Selasa, 16 Oktober 2018.[12] Pnahbisan kalaksanan wonten ing Auditorium Graha Widyatama, Universitas Jenderal Soedirman, Purwokerto.[13] Sedinten sadèrèngipun panahbisan, kalaksanan salve pamberkatan insignia, lan sedinten sasampunipun misa penahbisan, Harsono badhé mimpin Misa Stasional kaping pisanipun. Kalih kagiyatan kasebut kalaksanan wonten Gereja Katedral Kristus Raja, Purwokerto.

Ibadat salve kapimpin déning Uskup Bandung ingkang ugi Sekretaris Jenderal Konferensi Waligereja Indonesia, Mgr. Antonius Subianto Bunjamin, O.S.C.. Uskup Agung Semarang, Mgr. Robertus Rubiyatmoko dados Uskup Penahbis Utama, kairing déning Uskup Bogor, Mgr. Paskalis Bruno Syukur, O.F.M. lan Uskup Malang, Mgr. Henricus Pidyarto Gunawan, O.Carm.

Rujukan[besut | besut sumber]