Filsafat

Saka Wikipédia Jawa, bauwarna bébas abasa Jawa

Tembung falsafah utawi filsafat ing basa Jawi punika dipunpendhet saking basa Arab فلسة. Tembung Arab punika kapendhet saking basa Yunani; Φιλοσοφία philosophia. Ing basa Yunani, tembung punika inggih kalebet tembung majemuk saking tembung-tembung (philia = pamitran, kasih) kaliyan (sophia = "kawicaksanan"). Dados tegesipun inggih punika tiyang ingkang remen kawicaksanan utawi “ngèlmu”.

Tembung filosofi ingkang kapendhet saking basa Walandi uga dipuntepangi ing Tanah Jawi. Bentuk pungkasan punika langkung mèmper bentuk aslinipun. Ing basa Jawi basa Jawi satunggiling tiyang ingkang sinau bidhang falsafah dipunwastani filsuf.

Filsafat punika seni pitaken raga, usaha manungsa kanggé nggayuh pangertosan babagan pagesangan kanthi ngginakaken cipta, rasa, lan karsa. Definisi tembung filsafat ugi saged dipunwastani satunggiling probléma falsafi falsafati. Ananging saged wicanten, menawi falsafah punika kinten-kintenipun inggih pasinaon tegesipun, saha panrapan kapitadhosan manungsa ing bagéyan langkung dhasar kaliyan umum piyambak. Pasinaon punika dipunlampahi boten mawi eksperimen-eksperimen, ananging mawi mangutarakan perkawis mawi cara ingkang presis kaliyan awèh solusi. Lajeng nyukani argumèntasi ingkang leres kanggé solusi punika saha pungkasanipun prosès-prosès wau sadaya dipunlebetaken ing salebeting dhialèktika. Dhialèktika punika cekakipun inggih satunggiling wujud dialog.

Logika punika ugi ngèlmu bagéyan ingkang ugi dipuntliti matématika kaliyan filsafat. Bab punika dados nuduhaken menawi filasafat punika satunggiling ngèlmu ingkang saged dipunwastani ugi gadhah sisi-sisi eksakta, boten kados punapa ingkang dipunraos tiyang kathah.

Kapurih ugi kersa mriksani[besut | besut sumber]

Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "https://jv.wikipedia.org/w/index.php?title=Filsafat&oldid=1060024"