Universitas Diponegoro
| Universitas Diponegoro | |
|---|---|
| Diadegaké | 9 Januari 1957 |
| Jenis | Pawiyatan luhur nagari - Badan Hukum |
| Motto | Wiyata Hangreksa Gapuraning Nagara (Sangsekerta) |
| Rèktor | Prof. Dr. Suharnomo, S.E., M.Si. |
| Kampus | Urban |
| Lokasi | Jl. Prof. Soedarto, S.H., Tembalang, Semarang, Jawa Tengah, Indonésia |
| Telepon | +62 24 7465403 |
| Julukan | Undip |
| Situs web | www |
Universitas Dipanagara (Universitas Diponegoro), kondhang kanthi cekakan Undip, iku universitas ing Jawa Tengah, Indonésia sing diadegaké taun 1957 minangka universitas swasta lan nembé ngéntukaké status perguruan tinggi nagari taun 1961. Tembung Dipanagara dijupuk saka jeneng pahlawan nasional yaiku pangéran saka Jawa Tengah sing ngobaraké semangat kamardikan saka tindakan kolonialisme Walanda ing wiwitan abad kaping 18. Semangat iki mèlu nginspirasi madegé UNDIP.
Sajarah
[besut | besut sumber]Universitas Diponegoro dirintis wiwit tengahan taun 1956 diwiwiti kanthi madegé Yayasan Universitas Semarang. Déné tokoh-tokoh sing mrakarsai madegé Universitas Semarang yaiku Mr. Imam Bardjo [1], Mr. Soedarto, Mr. Dan Sulaiman lan Mr. Soesanto Kartoatmodjo.
Sacara resmi Universitas Semarang dibukak tanggal 9 Januari 1957. Ngèlingi umuré sing isih anom banget kanthi prasarana pendhidhikan sing isih kawates mula wektu iku nembé bisa dibukak institusi-institusi pendhidhikan Akademi Administrasi Nagara kanthi Dekan pisanan Mr. Goenawan Goetomo, Akademi Tata Niaga kanthi Dekan pisanan Drs. Tjioe Sien Kiong, Akademi Teknik sing sabanjuré dadi Fakultas Teknik kanthi Dekan pisanan Prof. Ir. Soemarman.
Sajeroning upacara Dies Natalis katelu Universitas Semarang ing tanggal 9 Januari 1960 Présidhèn R.I. Dr. Ir. Soekarno ngganti jeneng Universitas Semarang dadi UNIVERSITAS DIPONEGORO, minangka pakurmatan marang Universitas Semarang saka prèstasiné sajeroning pembinaan babagan pendidikan tinggi ing Jawa Tengah. Universitas (swasta) Diponegoro dinyatakaké minangka Universitas Negri, kapétung wiwit tanggal 15 Oktober 1960. Tanggal iki sing sabanjuré dikukuhaké minangka dina dadi Universitas Diponegoro. Ing wektu semana fakutas-fakutas sing wis madeg yaiku Fakultas Hukum lan Pengetahuan Masarakat; Fakultas Ékonomi, Fakultas Teknik lan Fakultas Keguruan & Ilmu Pendidikan. Dikutip saking buku Universitas Diponegoro, Pergulatan Menuju Universitas Kelas Dunia, Dr. Ir. Soekarno maringi wéjangan kanggo Universitas Diponegoro, ...setiap tunas bangsa selalu ingin madju dan selalu gandrung akan alam hidup jang akan datang. Ia yaiku masa depan. Djangan hanya berpikir bahwa siapa jang memiliki nom-noman yaiku masa depan. Tetapi berpikirlah djuga jang memiliki djaman depan ia akan memiliki nom-noman...
Taun 2015, Universitas iki diparingi panghargyaan saka Webometrics, mlébet kategori Universitas ingkang saé ing urutan énem (6) [2].
Fakultas
[besut | besut sumber]Universitas Dipanagara duwé 10 fakultas:
- Fakultas Hukum
- Fakultas Ekonomika lan Bisinis
- Fakultas Kedhokteran
- Fakultas Tèknik
- Fakultas Èlmu Budaya[3]
- Fakultas Keséhatan Masarakat
- Fakultas Sains lan Matematika
- Fakultas Èlmu Sosial lan Èlmu Pulitik
- Fakultas Peternakan lan Pertanian
- Fakultas Perikanan lan Èlmu Kelautan
- Fakultas Psikologi
Lokasi
[besut | besut sumber]
Lokasi Universitas Diponegoro kasebar ing sawatara lokasi ing Kutha Semarang lan Jepara kanthi lemah sing jembaré 2.009.862 m2, dumadi saka 7 lokasi kampus lan 1 lokasi omah dines:
- Kampus Pleburan Semarang (Fakultas Non Eksakta, UPT Komputer, UPT Basa lan UPT MKU)
- Kampus Tembalang Semarang (Rektorat, Lembaga Penelitian, Lembaga Pengabdian padha Masarakat, Lembaga Pengembangan Pendidikan, UPT Perpustakaan, UPT. Kemitraan dan Kewirausahaan, upt. Undip Press sarta Fakultas Eksakta)
- Kampus Jl. Dr. Soetomo lan Gunung Brintik Semarang (Fakultas Kedhokteran)
- Kampus Jl. Kalisari Semarang (Laboratorium Fakultas Teknik)
- Kampus Jl. Ade Irma Suryani Jepara (Lab. Fakultas Perikanan lan Èlmu Kelautan)
- Kampus Mlonggo Jepara (Fakultas Kedhokteran)
- Kampus Lempongan Awur Jepara (Fakultas Ilmu Kelautan: Lab. Kelautan, Ruang Kuliah, Asrama, Perpustakaan, Rumah Dinas, Ruang Fasilitas Selam)
- Perumahan Dinas Kagok Semarang
Cathetan suku
[besut | besut sumber]- ↑ Imam Bardjo saka UNDIP(Kaundhuh tanggal 24 November 2015)
- ↑ Panhargyaan Universitas ingkang saé ting Indonésia Archived 2016-03-04 at the Wayback Machine.(Kaundhuh tanggal 2 Dhésèmber 2015)
- ↑ .[1] Archived 2014-11-29 at the Wayback Machine.(dipunundhuh tanggal 5 Juni 2012)