Atol Midway

Saka Wikipédia Jawa, bauwarna bébas abasa Jawa
Gambar satelit Atol Midway

Atol Midway (basa Inggris: Midway Atoll) iku sawijiné atol kang dumunung ing Samudra Pasifik pérangan lor (cedhak ujung kidul-kulonKapuloan Hawaii), watara saprotelon jarak antara Honolulu lan Tokyo. Wates penanggalan internasional dumunung ing sisih kuloné. Atol kang nduwé padunung 40 jiwa (2004, (nanging ora ana padunung pribuminé) iki dumadi saka karang penghalang awangun ali-ali lan sawetara pulo cilik saka wedhi. Loro dharatan utama, Pulo Sand lan Pulo Eastern, minangka habitat kanggoné atusan éwon manuk segara.

Minangka pérangan saka Kapuloan Kapencil Minor, Atol Midway kalebu sajeroning wewengkon kang ora kagabung (unincorporated territory), kang diklola déning Dinas Perikanan lan Margasatwa, ing ngisoré otoritas Departemen Dalam Negeri Amérika Sarékat. Atol iki dikukuhaké minangka Papan Perlindungan Nasional (National Wildlife Refuge) wiwit tanggal 22 April 1988.

Atol Midway luwih misuwur minangka lokasi Pertempuran Midway kang kadadéan nalika Perang Donya II tanggal 4 Juni 1942. Angkatan Segara Amérika Sarékat kasil ngusir serangan prajurit Jepang. Insiden iki dadi titik balik paperangan ing kawasan Pasifik.

Prasarana transportasi ing Atol Midway arupa 32 km dalan, 7,8 km pipa saluran, siji pelabuhan (ing Pulau Sand, katutup kanggo umum), lan loro landasan pacu aspal.

Pranala njaba[besut | besut sumber]


Nagari-nagari ing Oseania
Australia | Fiji | Kiribati | Kapuloan Marshall | Negara Federasi Mikronesia | Nauru | Palau | Papua Nugini | Samoa | Selandia Anyar | Kapuloan Solomon | Tonga | Tuvalu | Vanuatu
Dependensi: Pulo Baker | Kapuloan Cook | Guam | Hawaii | Pulo Jarvis | Kaledonia Anyar | Kapuloan Mariana Lor | Atol Midway | Niue | Pulo Norfolk | Pulo Paskah | Kapuloan Pitcairn | Polinesia Perancis | Samoa Amerika | Tokelau | Pulo Wake | Wallis lan Futuna