Masjid Gedhé Kauman

Masjid Gedhe Ngayogyakarta
Masjid Raya Daerah Istimewa Yogyakarta
Informasi umum
Prenah	Désa Kauman Yogyakarta, Jawa Tengah, Indonésia
Afiliasi agama	Islam
Deskripsi arsitektur
Jinis arsitèktur	Masjid
Gaya arsitektur	Art Nouveau

Kagungan Dalem Mesjid Gedhe Ngayogyakarta utawa sok diarani Masjid Gedhé Kauman dumunung ing kulon alun-alun lor kang kanthi langsung nandhakaké sultan ya iku pamimpin perang utawa panguasa papréntahan senapati ing ngalanga uga ndadèkaké sayidin panatagama khalifatulah ing donya ing sajeroning pamimpin agama (panatagama) ing kasultanan.Masjid Gedhé Jogjakarta kagolong salah sijiné masjid kang ora bisa dipisahake ing Kraton Ngayogyakarta Hadiningkrat khususon dumadeg ing Sri Sultan Hamengku Bawana I Senopati ing Ngalogo Abdurrahman Sayidin Panatagama Kalifatullah ing Ngayogyakarta. Masjid Gedhé dumadeg ing tanggal 29 Mèi 1773 (sajeroning prasasti: Dina Ahad Wage, 6 Robiul’akir taun Alip, sengkalan:“GAPURA TRUS WINAYANG JALMA” (1699 Jw.=1187 H=1773M). Tokoh kang musuwur prakasai ya iku Sultan lan Kyai Penghulu Faqih Ibrahim Diponingrat

Ornamen kang ana ing serambi masjid agung Yogyakarta

Sajarah

Masjid Gedhé Ngayogyakarta kagolong salah sawijine masjid kang tuwa dhéwé dumadeg déning Praja Islam Ngayogyakarta Hadiningrat utawa Kasultanan Nagayogyakarta. Masjid Gedhé madeg sakwentar déning Sri Sultan Hamengkubuwana I, sabanjuré mbangun kraton kang anyar (Karaton Ngayogyakarta Hadiningrat). Nagari Ngayogyakarta yaiku asil saka Prajanjeyan Giyanti ing tanggal 13 Fèbruari 1755. Prajanjeyan Giyanti yaiku rerembugan kang duwé asil ngerampungake pamusuhan antarané para Sentana Pangeran Putra Nata Krajan Mataram amarga anane campur tangane para Walanda ing sajroning papréntahan Nagari Mataram. Nagari Mataram kang asale manunggal dadi kapecah dumadi loro yaiku Kasultanan Ngayogyakarta Hadiningrat lan Kasunanan Surakarta Hadiningrat.

Masjid kang diadegaké ing jaman Sri Sultan Hamengkubuwana I iki disusun déning arsitek Ki Wiryakusuma. Masjid Gedhé kauman duwé penghulu kang kapisan yaiku Kyai Faqih Ibrahim Dipaningrat. SIng peperangan gerilya lawean Walanda, panjenengané ngawe pos-pos kang strategis kanggo wadyabala lan dipirantèni anané mesjid-mesjid sing madeg ana ing papat arah mata angin uatawa kang kondhang diarani Masjid Pathok Nagara. Masjid Agung Gedhé kauman madeg ing taun 1773 M, Sri Sultan Hamengkubuwana I ambangun masjid kanthi jeneng kapisanan Masjid Gedhé Ngayogyakarta.

Serambi masjid agung Yogyakarta

• Taun 1775

Ing taun 1775 dumadeg Serambi Masjid Gedhé (ngadeg ing:Dina Kamis Kliwontanggal 20 Syawwal taun Jimawal, sinengkalan “ YITNA WINDU RESI TUNGGAL”= 1701 Jw. utawa “TUNGGAL WINDU PANDITA RATU”= 1701 Jw.= 1189 H= 1775 M). Serambi Masjid Gedhé saliyané dimupangatake kanggo salat uga dimupangatake kanggo “AL MAHKAMAH AL KABIROH”,ya iku patemuan ing Alim Ulama, Pangajian Dakwah Islamiyah, Mahkamah kanggo Pangadilan babagan agama, Nikah, Pegat, lan babagan pambagian warisan. Uga dimupangatake kanggo paringatan dina-dina gedhé Agama Islam.

Kubah Masjid Raya Laladan Istiméwa Yogyakart

Kapangurusan

Masjid Gedhe, duwé kapangurusan kang dicekel ing Penghulu Kraton, lan dibiyantu déning Ketib, Modin,Merbot, lan Abdi Dalem Pamethakan, Abdi Dalem Kaji Selusinan lan Abdi Dalem Barjamangah.Kapangurusan ing Masjid Gedhé kang dumunung ana ing sakiteré tlatah Masjid kanthi jeneng kampung Pakauman (tlatah para Kaum = Qoimmuddin = Panegak Agama). Dumununé masjid ndadèkaké pusat jama'ah lan dadi pusat pangajian sarta pengadilan agama Islam ing Yogyakartata.