Masjid Cut Mutiah

Saka Wikipédia Jawa, bauwarna bébas abasa Jawa
Masjid Cut Mutiah
Cut-Mutiah1.jpg

Katon ngarep Masjid Cut Mutiah

Wedharan dhasar
Papané Jl. Cut Mutiah No. 1
Jakarta Pusat, DKI Jakarta, Indonésia
Kanggo agama Islam
Kartangan wangunan
Jinis wangunan Masjid
Gagrag wangunan Art Nouveau
Spesifikasi
Kubah Dudu kubah nanging kubus biyasa
Menara Ora ana

Masjid Cut Mutiah iku masjid sing dumunung ing Dalan Cut Mutiah Nomor 1, Jakarta Pusat, DKI Jakarta, Indonésia. Bangunan masjid iki minangka salah siji tilas sajarah saka jaman penjajahan kolonial Walanda. Masjid iki duwé kaunikan dhéwé lan kamungkinan ora ana ing masjid-masjid liya. Salah siji kaunikané ya iku mihrab masjid iki didèlèh ing sisih kiwa saka saf salat (ora ing tengah kaya padatan). Saliyané iku posisi safé uga dumunung miring marang yasan masjid amarga yasan masjid ora persis ngadhep kéblat.

Sajarah[besut | besut sumber]

Gedung N.V. Bouwploeg ing jaman Batavia, sadurungé diowah fungsiné dadi Masjid Cut Mutiah.

Masjid iki biyèné yasan kantor biro arsitèk (sisan pangembang) N.V. (Naamloze vennootschap, utawa Perseroan terbatas) Bouwploeg, Pieter Adriaan Jacobus Moojen (1879-1955) sing yasa wewengkon Gondangdia ing Menteng.

Wiwitan madeg[besut | besut sumber]

Foto saka mimbar tuwa Masjid Cut Mutiah

Sadurungé alih fungsi minangka masjid, yasan iki naté kanggo kantor pos, kantor Jawatan Sepur Walanda lan kantor Kempetai Angkatan Laut Jepang (1942-1945). Sawisé Indonésia mardika, naté kanggo kantor Urusan Perumahan, nganti Kantor Urusan Agama (1964-1970).[1] Lan nembé ing jaman pamaréntahan Gubernur Ali Sadikin diresmèkaké minangka masjid tingkat provinsi kanthi surat kaputusan nomer SK 5184/1987 tanggal 18 Agustus 1987.[2]

Wiwitané masjid iki jenengé Yayasan Masjid Al-Jihad sing diadegaké déning èksponèn '66 kaya Akbar Tanjung lan Fahmi Idris.[2] Ing kurun wektu orde lama, gedhong iki uga naté didadèkaké gedhong sekretariat MPRS.

Jeneng Bouwploeg dhéwé saiki isih kasisa minangka jeneng Pasar Boplo ing sakuloné stasiun sepur Gondangdia.

Gladri[besut | besut sumber]

Rujukan[besut | besut sumber]

  1. ^  Austria Maria van Engels: Menantu Habib Kwitang. Penerbit Republika. Hal 5-7
  2. ^ a b ek, Deddy (10 Januari 2010). "Masjid Cut Mutiah Jakarta". Dijupuk 25 Juli 2010.  Priksa gandra date ing: |access-date=, |date= (pitulung)

Uga delengen[besut | besut sumber]