Masjid Agung Wolio

Saka Wikipédia Jawa, bauwarna mardika basa Jawa

Masjid Al-Muqarrabin Syafyi Shaful Mu'min utawa kondhang kanthi jeneng Masjid Agung Wolio iku masjid sing dumunung ing Kutha Bau-Bau, Pulo Buton, Sulawesi Kidul-wétan.

Sajarah[besut | besut sumber]

Masjid iki dibangun taun 1712 déning Sultan Sakiuddin Durul Alam sing mimpin Kasultanan Buton nalika iku minangka masjid tuwa dhéwé ing Sulawesi Kidul-wétan (Sultra) lan minangka lambang kejayaan Islam ing jaman semana. Para ahli yakin yèn Masjid Agung Wolio iku masjid tuwa dhéwé ing Sulawesi Kidul-wétan. Nanging, sajatiné ana sawijining masjid liya sing luwih tuwa sing dibangun ing mangsa pamaréntah Sultan pisanan Buton, Kaimuddin Khalifatul Khamis utawa Sultan Murhum (1427-1473). Mung, masjid iku kobong sajeroning perang sadulur ing Kasultanan Buton. Sabanjuré, Sultan Sakiuddin Darul Alam, sing kasil menang sajeroning perang sadulur mau, yasa Masjid Agung Wolio kanggo ngganti masjid sing wis kobong.

Rujukan[besut | besut sumber]